Yunusu 4:1 - Ma Jou ai Demo-demo o Totobelohoka

¹ De o Yunusu duru ko wosanangiua angamoi Ma Jou ko wahibinaahaua o Niniwe ma nyawa ho hiadono wongamo.

Yunusu 4:1 Iomraidhean Croise

Yunusu 4:4

De ahao Ma Jou o Yawe wotemo o Yunusika wato, “Ahi ngofaka, sarakia, gea itiai nongamo ma titi gea Ngohi todiaioka?”

Yunusu 4:9

De Ma Jou wileha o Yunusika wato, “Ahi ngofaka mode itiai nongamo hokonaa ma titi ma gumi-guminika abe ihonenge gea?” De o Yunusu wopaluhu wato, “Nako ngohi, marai tato itiai tongamo dika, ngaro hiadono ka todohonengika.”

Matiusu 20:15

De naa tonileha, sarakia, ko idadiua to ngohi ma hirete ahi tiwi de ngohi tomaputuhu de tohiaturu abe hokokia ahi hininga adaene? De sarakia, gea itiai abe ani daleana ipuda ani hiningaka mangale ma titi ngohi tosanangi tohifoloi tahidoaka o nyawa utuika? Marai gea ani hininga ko itiaiua, e?’”

Lukasa 15:28

“De ma duduhunu ai demo gea woihene de ma riaka duru wongamo de ka woluku wowohama ma tau ma goronaika. Ho ai baba wohupuino wibuhuku de duru wogaho-gahoko unangika la wato irahai ma rame-rame gea unangoo waniiki.

Lukasa 7:39

De ma Farisi ma nyawa o Simono, abe una wiahokino o Yesusu ai tauino, una womatemo doka ai hiningaka wato, “Naa duru itararono abe Una naa ko Ma Jou ai uru ma dodofangua. Angamoi nako hoka wagou-goungu Ma Jou ai uru ma dodofanga womatengo, gea ka idadi womihioriki abe muna gea miso-soika ami wowango hokokia, angamoi to muna ami wowango duru itotorou!”

Hidingoto 13:46

De ahao o Paulusu de o Baranabasa duru de manga domoroini yaamo-amokiye yahingahu ato, “Igoungu kiani Ma Jou ai Abari ma Rorahai naa itagi ihira ngini o Yahudi ma nyawaikahi. Masara ngini naa niaolukoka ma abari gea ho nimaputuhu abe ko nioigoua o wowango ka hiado-adonika. Ho mangale ngini niaolukoka enangika ho naa ma abari gea ngomi mihidagi de miahingahu ona ko o Yahudi ma nyawaikaua.