Yunusu 3:6 - Ma Jou ai Demo-demo o Totobelohoka

⁶ De Ma Jou ai behehongo gea adonoka o Niniwe manga koanoikaoo. Ho ka de una woihene de wouti ai kaderauku de ai baju ma guru-gurutu duru ma rorahai gea womahuputoka. De ahao unangoo womaturuuru de o ngoere abe hoka o karongo de wogogeruku o uku ma kafoka la gea womahitunguu ai hininga ma huha o koano gea.

Yunusu 3:6 Iomraidhean Croise

1 Kokoano 21:27

De ka de o Ahaba woihene Ma Jou o Yawe ai hingahu gea, de duru wohuhaholi hiadono ai pakeanga ai badangoka wakakihi de womahinoa o pakeanga ma kokekekere o karongino. De gea ko wolomua de ngaro womaidu ma ka wapakeohi ma pakeanga gea dika. De una waino waika de ai hininga ma dubuho wohigogururihi.

Matiusu 11:21

De o Yesusu wotemo wato, “Abeika niatotoihene ahi demoino, ngini abe o Korasimi de o Besaida ma kapo-kapongoka nigogere! De ngini ahao nia hohowono kohaamoko niamake abe ma titi ngaro niamakeoka ma heheranga abe Ngohi todiaioka nginioka masara ko nitobaua nia howo-howonino.” “De naa ka idadi tinihikohowonoli ngini de ona abe yogogere o Tirusu de o Sidono ma kapongoka abe ona genangoka ko o Yahudi ma nyawaua. Abe genangoka ko todiaiuahi o heheranga, masara Ngohi ka idadi tohioriki abe nako hoka ahi heheranga todiai onangoka, ma nyawa gea ka de yamake ahi heheranga de ahao ka idadi yotoba manga howonino ho iwiniiki Ma Jouika. De manga toba gea ahao yomahitunguu abe yomahinoaukuoka de o pakeanga ma kokekekere abe o karongino yodiai, de nagali abe o uku ma kafo yomadoburaraha manga peauku ma titi manga toba ihitunguu. Masara ngini naa ko nitobaua ngaro ahi heheranga niamakeoka nia hidogoronaka!

Lukasa 10:13

De ahao o Yesusu wahitararono yamoritumidika abe ma titi o nyawa utu manga hohowono abe nengokadauino de iwiolukoka o Yesusika. De gea o Yesusu ai demo imaketero hoka watemo onangika abe ahao yamake manga hohowono ngaro abe ona ko yaiwa Unangoka. Ho Una wato, “Abeika nitotoihene ahi demoino, ngini abe o Korasimi de o Besaida ma kapo-kapongoka nigogere! De ngini ahao nia hohowono kohaamoko niamake nginika ma titi abe ngaro niamakeoka ma heheranga abe Ngohi todiai nginioka ma ko nitobaua nia howo-howonino.” “De barikua nako hoka ahi heheranga gea todiai o Tirusu de o Sidono manga kapongoka abe genangoka ona ko o Yahudi ma nyawaua, masara ona gea ka yotoba manga howonino de iwinii-niiki Ma Jouika. De manga toba gea yomahitunguu abe yomahinoaukuoka de o pakeanga ma kokekekere abe o karongino yodiai, de nagali abe o uku ma kafo yomadoburaraha manga peauku ma titi manga toba ihitunguu. Masara ngini naa ko nitobaua ngaro ahi heheranga niamakeoka nia hidogoronaka!