Yunusu 2:7 - Ma Jou ai Demo-demo o Totobelohoka

⁷ Abe gea ngade-ngade tohonenge de ahao tonihininga, Ngona Ma Jou o Yawe. De ahi niniata ma demo gea idoa Ngonaiye, hiadono ani Ngi ma Debi-debiniye imahiadono.

Yunusu 2:7 Iomraidhean Croise

Higiriiri 11:4

Ho naa ngohi tinihihohininga nginika, Abeika, Ma Jou o Yawe naga ai ngi ma debi-debinoka! Una Ma Jou abe ai gogogere daku o Horogaka. Una womalega ngoneuku de ko iwa moi abe ko wamakeua, O nyawa mata-mataika ka ihikaika wonatailako de wonahioriki.

Higiriiri 18:6

Ho ahi kangela ma goronaka de o duduhunu tomagahoko o Yaweika, abe to ngohi ahi Jouiye ahi gogahoko idoaiye. De Una gea daku ai Tau o Horogaka de wohigihene, ho Una wohibaluhu ahi gogahoko de wohiduhunu ngohi!”

Higiriiri 22:14

De ahi wowango ma buturungu ko iwaka abe iowahoka, Ahi buturungu imaketero hoka o akere abe ikopoaka. De ahi kobongo ma dengo-dengo ma odiri hoka imakokongofuoka, De ahi fuo hoka ko iwaka ma roehe abe ibole imaketero hoka o lilingi, To ena ma buturungu hoka o lilingi iuihi ahi alu ma goronaka.

Higiriiri 27:13

Masara ngohi ka ihikaika tomahinganono Ngonaika, De naa moi ngohi duru tongano-nganono, Ngohi ahao tamake ma owa Ngonaino, Ma Jou o Yawe. Ani dora ma hiokoo ka ihikaika duru ko itoakua ngohino, Ho duru tongano-nganono ani owa nohihimatoko ngohino.

Yesaya 50:10

Ho nginioka onagona naga abe nia horomati itagi nanga Jou o Yaweika, de onagona naga abe niwigihene to Una ai Huhulokika? Abe nako nia hininga hokogea, ngaro niaohana o huha de o kangela nia wowangoka, de niamao o fufutuoka dika nigogere, masara ka idadi nimahinganono nanga Baluhu o Yawe ai romangika dika la Una winiduhunu. De koaho nimahidutuku dika nanga Jouika.

Yunusu 2:4

Hokogea ngohi de ahao totemo Ngonaiye tato, ‘Ngohi naa ani himangoka nohiduhuoka, ma ngaro hokogea ma ngohi duru tongaku, ahao ani Tau ma Debi-debinika toiki genangika.’

Habaku 2:20

Masara nako Ma Jou o Yawe Una wagou-goungu naga ai Tau ma debi-debinoka. Ho koaho o dunia ma nyawa mata-mata yomarii-riidoka to Una gea ai himangoka.’”

Ibarani 12:3

Ho abeika ngone hongano-nganono abe ma titi o Yesusu ai dongohono ma oraha Una o dunia ma lokuokahi womanoa. De gea ngaro o nyawa duru iwilawa-lawana Unangika masara Una womatongohono hiadono ko worehenua o totiai ma ngekomoka de aino. De to Una ai dongohono gea hongano-nganono la ufa ngone nanga hininga itubuho hiadono nanga ngongaku Unangika homahipipidili genangino.

1 Samuele 30:6

De mangale ma titi o Dautu ai nyawa manga fekata de manga ngofaka o Amaleke ma nyawa yataokino de ko yaiwaka hiadono manga hiningaka de yajanggutu ho duru iwingamo unangika. Ho ona yomakoketemo ma titi gea de yomahikokagaro la iwihohakaru o Dautika hiadono wohonenge. De ngaro hokogea masara Ma Jou o Yawe wihiputurungu o Dautu ai hiningaika la ka idadi ai hininga iriidi.