Yunusu 2:10 - Ma Jou ai Demo-demo o Totobelohoka

¹⁰ Hokogea o Yunusu womaniata ipaha de Ma Jou o Yawe wohiaturu la o nawoko gea o Yunusu iwihingunanga dika o dowongiha.

Yunusu 2:10 Iomraidhean Croise

Dodadi 1:11

De ahao Ma Jou womatemoli wato, “Ngohi toigo la iwangoiye o tonakino irupa-rupa abe naga ma hoka de enangoo de ma hofokoka. Ho iwangoiye o tonakino o joro, de o lubengana, de o gota irupa-rupa, de enangoo ikokihofoko abe de ma muioka la ka idadi iwangoiyeoli de ma rupa imakadaene hoka ma ayoli.” Hokogea Ma Jou wotemo de hokogea idadi.

Dodadi 1:14

De ahao o wange ma iatokali Ma Jou womatemoli wato, “Ngohi toigo la naga ma kiahonanga igogere daku o dihangoka abe ihitararonuku o duniauku la ihikatingaka o fufutu de ma dawange, de ena gea ihiaturu o wange de o taongo abe to ena ma hoana ma dekana. De gea ena o dihangoka ahao ihitunguu o popariamiye, de mata-mata abe de ma orahoka abe ena gea o dihangoka ihitunguu ma gahe. De Ngohi toigo la ena gea ihitararonuku o duniauku la ngaro o wange-wangeoka eko o futu-futuoka ma naga ma dararono.” Hokogea Ma Jou wotemo de hokogea idadi.

Dodadi 1:3

De Ma Jou womatemo wato, “Ngohi toigo la o dawange naga.” Ka de wotemo hokogea de idadioka o dawange.

Dodadi 1:9

De ahao o wange ma hangeokali Ma Jou womatemoli wato, “Ngohi toigo la o dihanga ma timiuku o ngooto ma akere gea kiani ihahuru o doomu moiika dika, la o tonaka ma dudungu naga.” Hokogea wotemo de hokogea idadi.

Higiriiri 105:31

De Ma Jou o Yawe ka wotemo dika de o hihiri de o gufuru duru kohangoe iboa, De yahikangela abe yakokolongunu o Mesiiri ma nyawaika, O Mesiiri ma tonaka ma dobikoka ka hiadono doka ma bahaika o hihiri gea naga.

Higiriiri 105:34

De Ma Jou ka wotemo dika de o kabotara iboa kohangoe o Mesiiri ma nyawaino, O nyawa ko idadiua yaetongo o kabotara abe ihibinaahaka manga inomo.

Higiriiri 22:26

De abeika Ma Jou o Yawe ai hininga ona yohu-huhaika, Ona ahao Ma Jou wahiolomo ka hiadono yapunuhoka, De ona abe de manga hininga iwilingiri Ma Jou o Yawe, Ona de ahao iwimake, de duru iwihigiriiri Unangika, De iwihigiriiri de manga garagoka abe ka hiado-adonika.

Higiriiri 33:9

Angamoi Una gea ka wotemo dika de idadioka, ma titi ai huhuloko ma demo dika de ka itodokanino naga abe hoka wahulo-hulokoka.

Yunusu 1:17

De o Yunusu iwiumoka dai o gahiuku de o nawoko duru ma amoko Ma Jou wohiboaino la gea o Yunusu iwilahiri masara ko wohonengua. Ho o Yunusu ai wange hangeino de ai futu hangeino, o nawoko ma amoko ma pokoro ma goronaka.

Yunusu 3:1

Ho ma nawoko gea o Yunusu iwihingunangoka de naangoli ma hinooto Ma Jou witemo unangika wato,