Yunusu 1:3 - Ma Jou ai Demo-demo o Totobelohoka

³ Masara ka de gea woihene de o Yunusu ko wosanangiua hiadono Ma Jou o Yawe ai himangoka de waino woara, ho wosobo wato woiki o Tarasiisi ma kotaika. De una wato o kapa waniiki ho ihira woiki o kota moiika ma romanga o Yopa, abe o gahi ma datekoka. De genangoka waika de wamake o kapa moioli ato yoiki yohidete o Tarasiisi ma kotaika. Ho ai dodagi ma hewa gea wohidoakoka de wofarene o kapaoko, wato woiki o Tarasiisika la una de Ma Jou yomakitingaka kohagurutika.

Yunusu 1:3 Iomraidhean Croise

Dodadi 3:8

De o wange ilobioka ona iwigihene Ma Jou o Yawe wotagi-tagi ma redioka gea. Ho yahinooto yomagogonika o gota-gotaka ma redi ma goronaka la ato ufa Ma Jou o Yawe wamake.

Dodadi 4:16

Ho gea o Kaini Ma Jou ai himangoka wosobo, woiki o tonaka moiikali ma romanga o Noodo, gea o Edene ma tonaka ma honongaka. O Noodo ma romanga ma titi gea yopoparadidu manga gogere.

1 Kokoano 19:3

Ka de gea o Elia ami demo woihene de duru womimodongo ho womataiti woara done wohonenge! De ihira woiki Bereseba ma kotaika abe naga o Yehuda ma tonakoka de ai gilaongo winoaika genangoka.

1 Kokoano 19:9

De o lokuoka gea naga o aruku moi de genangika o Elia wowohama de womaidu o futu gea o aruku ma goronaka. Masara Ma Jou o Yawe wileha o Eliaika, wato, “Elia, ngona nenangoka nododoa?”

2 Tawari 2:15

De o Hurama ai hurata o Saloomoika wohigila-gila wato, “De abe ma titi ani hidailako ani gogilaongo manga inomo o gandumu o tarigu, de o gandumu o jelai, de o saitunu ma minya de manga ngokere o angguru ngaro nohidingoto dika de naniiki ani mau ma duduga.

2 Tawari 2:16

De ngomi misanangi ani gota minidolanga o Libanono ma loku-lokuoka de iti naga abe ma ngoe noperelu de ngomi misanangi miniduhunu. De ahao o gota gea mihihupu o gahioko de ahao mihigetefata de mitotaka ani kota o Yopaika. De genangoka ngonali natagongo nao o gota ma utu isana gea ka hiadono o Yerusaleeme ma kotaika.” Hokogea o Hurama ai balaha ma hurata o Saloomoika.

2 Tawari 9:21

De o Saloomo naga ai kapa yahidete o duduono moi abe homoi-homoiika naga o nau-nauru yatobaao de ona gea yoboa ma koano o Huramoka de yaino. De ona yohidete ihidulu-dulu moduku o nuu-nuuhika yomaketeturuuru o kiahonanga de o taongo hange ma moi yolio o Isiraele ma tonakino. De manga kiahonanga ihibare-barene ma hali-hali dika, abe o gurasi, o haaka, o gaja ma hihipata, o mia ma amoko abe yotobapaliara, de o totaleo duru ma rorahai abe ona yokaya-kaya dika yotobapaliara abe ma ija kohahali, de ena gea mata-mata idadi o Saloomo ai kiahonanga.

Esara 3:7

De o Isiraele ma nyawa yomahidiaioka yomulaenge Ma Jou ai Tau ihigoko ma hungi ho yahidoaka o hewa ma tiwi onangika abe yososawaro o gotaino o tau yodiai, de o hewa ma tiwi yahidoakoo onangika abe yososawaro o dadaduhu ma hakaru ihidemehele itiai. De ona yoperelu abe o gota o semara ho yomagahoko o duduhunu o Sidono de o Tirusu ma nyawaino. De ona ka idadi yaduhunu abe naga manga kapa la ka idadi o semara ma gota gea yale o Libanono ma tonakino de yao o Isiraele ma tonakika de manga kapa gea. De o Sidono de o Tirusu ma nyawa manga duduhunu gea yabalaha abe de manga inomo, de manga akere, de manga minya yahidailako. De mata-mata gea o koano o Korese wohiaturu ka hiadono ma gota gea yao o Isiraele ma nyawa manga kota o Yopaika abe naga o gahi ma ngigoroka.

Higiriiri 107:23

De naga nanga gogianongoru utu abe manga wowangoka, Yoiki o gahika de yokarajaanga o kapaka abe yaika yaino, De yotobafuku-fukunu o nuu-nuuhu ma ngoeika o gahi ma amokika.

Yunusu 1:10

De ahao o Yunusu womahingahuoo onangika wato, “Ma oraha naa ngohi tato tidokaowara Ma Jou o Yawe.” Ho ka de yoihene o Yunusu ai ade-ade gea de duru yokokihawanoka de iwilehali unangika ato, “Adodoa ho ngona hokogea nodiai?”

Yunusu 4:2

De womaniata womahingahu Ma Jou o Yaweika wato, “Gea! Ngona Ma Jou o Yawe de ma dihirahi ngohi ahi tonakokahi de tato marai hokonaa idadi. De angamoi ngohi tonihioriki abe to Ngona dika ani dora ko iwa ma batingi de duru noigo o nyawa naduhunu. De ani hininga itongohono de ko itai-taitua o nyawa nahohowono ho hiadono ngaro nato nahohowono ma nako yomatoduba hiadono manga dorou yanoaka de gea ko nahohowonokaua. Gea mata-mata ngohi tohioriki de gea ma titi hiadono toara o Tarasiisi ma kotaika.”

Lukasa 9:62

Masara o Yesusu wipaluhu unangika gea wato, “Onagona dika abe ato yaloliti o goroba eko o ngotiri de ona yosoboka masara ka ihikaika yomadogilioro manga poretoko, ona gea ahao yorehene ma ngekomino de ko yomahiadonikaua manga dumutika. De hokogenangoo o nyawa abe manga hininga ka hinootohi abe ma titi ihiniiki Ngohi eko koua, ho ona gea ko idadiua yowohama abe ma oraha Ma Jou wahikoano ai nyawaika.”

Hidingoto 15:38

Masara o Paulusu una duru woluku o Baranabasa ai hininga gea, angamoi ma dihiraino manga dodagi ma goronaka de o Yohanese Maruku una wanoaika abe ma oraha ona o Pamafilia ma tonakoka, ho una ai tagongo bari ko wohingodumua.

Hidingoto 26:19

De o Paulusu wohigila-gilali ai demo wato, “De, ahi koano o Agaripa, ngohi duru ko talawanua ma behehongika abe o Horogaka de auku ihihimatoko ngohiuku, masara duru taniiki enangika.

Hidingoto 9:36

De ma oraha gea o Yope ma kapongoka de naga momatengo mingaku-ngaku abe ami romanga o ngo Tabita, abe ma titi o luadana. De naga ami romanga moioli abe nako o Yunani ma demoka ona imifetongo ato, o ngo Dorokasa. De muna ami wowangoka de ka ihikaika matobaduhunu o nyawaika, abe ami datoro ma rorahai modiai ami hininga ma hohailoaino de nagali abe o hu-huha ma nyawaika matobaduhunu.

Hidingoto 9:38

Masara abe ma oraha imikelengauku de yoihene abe o Peturusu una naga doka o Lida ma kapongoka abe ko ikurutikaua de o Yope. Ho ona yahidingoto manga dodiawo o nauru yahinooto la iwibehehongo o Peturusika ato, “Ngomi duru migahoko la nomataiti noboaino!”

Hidingoto 9:42

De ma abari gea duru imataiti imahikabarihika o Yope ma nyawa mata-mataika, de ona manga ngoe iwingaku nanga Baluhika.

Hidingoto 9:43

De o ngo Tabita momomiki ipaha de ahao o Peturusu womanoa hatoli ai dekana o Yope ma kapongoka, abe womadioniki womatengo ai tauoka abe ai romanga o Simono. De o Simono una gea ai karajaanga o aewani ma kai watobatebini ka hiadono inouhu.

1 Korintusu 9:16

De abe ma titi ngohi o Abari ma Rorahai tahingahu-ngahu, gea duru ko idadiua tomahigiriiri ma titi ena gea, angamoi ma dihira ahi hiningaka de duru tamao o didila ma amoko ngohino abe Ma Jou wohihuloko wato, “Ngona ahi Abari ma Rorahai kiani nahingahu-ngahu o nyawaika.” Ho gea nako ko tahingahua, gea de ahao kiani o kangela tamake ahi wowangoka.

2 Tesalonika 1:9

De to ona gea manga hohowono o bobinaahaika abe ko iwa ma baha ka hiado-adonika. De gea ma titi manga hohowono hiadono ka ihikaika yomakitingaka ona de nanga Baluhu. Ho gea duru ko idadiokaua iwimake Una de ko idadiokaua yamake to Una ai buturungu de ai medebini ma dararono. De genangoka de aino ngone o nyawa mata-mata hohioriki de duru itararono abe nanga Baluhu idodutu Una duru itiai waputuhu ma titi wonatailako nanga datoro.