Yunusu 1:2 - Ma Jou ai Demo-demo o Totobelohoka

² “Yunusu, ngona nomaoko de noiki o Niniwe ma kotaika, o kota gea ma amoko abe duru de ma buturungoka, de onangika noiki la duru nahikokingahu onangika gea Ngohi tamake abe manga datoro duru itotorouholi.”

Yunusu 1:2 Iomraidhean Croise

Dodadi 10:11

Genangoka de ahao ko manga ngoe o nyawa wahikoano abe woiki o Asuru ma tonakika de genangoka wohigoko o kota utuoli abe o Niniwe ma kota, de o Rehobo-Iri ma kota, de o Kalaha ma kota.

Hosea 7:2

De ngaro manga wowango hokogea masara ona ko ihiorikua abe Ngohi talega-lega onangika. Abe Ngohi tomalega manga wowangoika de tamake abe hoka manga howo-howono yahikorobiti manga badangino. De Ngohi ka ihikaika tamake abe yahowo-howono gea.”

Yunusu 3:2

“Yunusu, ngona nomaoko de noiki o Niniwe ma kotaika, o kota ma amoko gea abe ona duru de manga buturungoka, de onangika noiki la duru nahikokingahu onangika gea Ngohi ko tahigunoakaua abe yogila-gila de manga datoro hokogea ma dorouholi.” Hokogea Ma Jou wihulokoli o Yunusika.

Yunusu 3:3

De naa o Yunusu wihingounu Ma Jou o Yawe ai behehongika gea ho woiki o Niniwe ma kotaika. De o Niniwe ma kota gea duru ma amokika, abe nako horekata mata-mataika kiani o wange hangeino de ahao ka idadi homahiadono ma dobikika.

Yunusu 4:11

Ahi ngofaka, abeika gea o gumi-gumini dika de duru nodora masara naa kiani nohikohowono de o Niniwe ma kota abe ma nyawa de ma aewani duru kohangoe de nato ko itiaiua Ngohi tadora onangika. De gea ngaro o ngofa-ngofaka abe manga howono ko iwahi de manga ngoe yasana o ratuhu moi de yasana monaoko. De sarakia, ngona nato bote ona ko tadoraua?” Hokogea Ma Jou wihitararono itiai o Yunusika.

Matiusu 10:18

De nagali ahao o gogubernuuru de o kokoano manga hima-himangoka nimaokoino angamoi o nyawa initae nginika abe ma titi ngini nihinii-niiki Ngohi. De genangoka ngini ka idadi nimahingahu onangika ma titi nia ngongaku Ngohino. De gea hiadono ona utu ko o Yahudi ma nyawaua abe naga genangoka, onangikaoo ka idadi nimahingahu ma titi Ngohi.

Matiusu 12:41

De o Yesusu wogila-gilali wotemo wato, “De naa tinihihohininga nginika abe ma titi ma dodihiraino o Niniwe ma nyawa manga ade-ade abe ma oraha o Yunusu woiki wadotaka onangika Ma Jou ai Demo-demo. Abe o Yunusu wahingahu-ngahu onangika ma abari Ma Jouino de ona gea yototoihene de yodafongo ka hiadono yotoba manga howo-howonino de iwingaku Ma Jouika. De masara nako ngini naa, naga Womatengo nia himangoka abe Ma Jou ai Demo-demo winihingahu-ngahu nginika de ka Unangohi ai kuaha duru ikurutiye nako de o Yunusu. De barikua ka Unangohi duru wokurutiye masara ngini naa ka nioluku ai demoika de ko nitobaua nia howonino. De gea ma titi hiadono Ma Jou ahao winihohowono nginika. De naa tinihingahu abe ona o Niniwe ma nyawa ma dodihiraino ona gea ahao yodomoteke de to Ma Jou ai hohowono nginika. Angamoi ona gea ma dodihiraino de yotobaka masara ngini naa ko nitobaua. Abe dokengika ma oraha Ma Jou winitailako nginika de o Niniwe ma nyawa onangoo naga genangoka. De to ona manga hininga nginika ka imaketero dika de to Ma Jouoli ai hininga, abe ona ato kiani ngini niamake nia hohowono Unangino mangale ngini ko nitobaua abe ma oraha Ma Jou ai Demo-demo inihingahu-ngahu nginika.”

Yakobusu 5:4

De ngini gea abe de nia tiwioka, abeika niongano-nganonohi ti ngini nia datoro abe ma dihiraino nidiaioka. Angamoi naga o nyawa gea abe ngini niahikarajaanga la youtuku nia redi-redioka, masara yautuku abootoka de ngini ko niahidoakuali manga karajaangino ma hasili onangika. Ho ona gea duru yomagahoko Ma Jouiye de manga ilingi ma amokiye la ato Una waduhunu onangika. De Una gea nanga Baluhu Wokokurutiye, Una wagihenoka to ona manga gurubungu ma demo ma titi manga hewa ngini niatumungu.

Himatoko 18:5

Angamoi ona gea manga howo-howono itouniyeoka hiadono itiki naa o Horogaiye, de Ngohi naa ko tamalaikaua manga datoro ma dorou gea.