Yosua 9:4 - Ma Jou ai Demo-demo o Totobelohoka

⁴ de yato koaho yabudi o Isiraele ma nyawaika la ka idadi yomaduhunu. Ho yahidingoto manga nyawa yamuruono naga o Yosuaika, masara manga hidiai hokonaa la ka idadi yabudi o Isiraele ma nyawaika. Abe yatoomuinohi manga kiahonanga ma ngede-ngedere de yomahinoauku de manga babiti. Ho manga keledai ma pore-poretuku ihinoa de manga beta-beta ma dorou, de nagali manga popoje abe naga de ma dadapa angamoi ma dihiraino ikokikakihoka.

Yosua 9:4 Iomraidhean Croise

Dodadi 34:13

Masara o ngo Dina ami ira-iranga duru ko idadiua yawohanga gea o Sikeme wodiai itorou manga birangika ho yapaluhu gea yapake o budi ma demo dika o Hamoro de o Sikemika.

Matiusu 10:16

De o Yesusu ka wohigila-gilahi ai behehongo ma demo abe iwitobanii-niiki yangimoi de yahinootoika wato, “De naa abeika nitotoihene to Ngohi ahi demoino, angamoi naa tinihitiari nginika abe ma titi ahao hokokia idadi nginika. De ngini naa tinihidingoto o nyawaika la nihiabari ma titi abe ma oraha itigioka Ma Jou wahikoano ai nyawaika. Masara tinihiketero ngini abe ngade-ngade hoka o domba abe duru imura, de naa tinihidingoto o fuhuku ma kaho ma ngi-ngiika, ho kiani duru ngini nimahidodiai onangoka. Abe kiani nimahidodiai ma titi nia demoino de nia wowango ma datorino la ufa niaruwae onangika abe yototualono, done ahao inihikangela nginika. De gea nia datorino kiani nihidodiai la nia sosawaroino niapake de abe nia hiningaka de duru niabole-bole o nyawaika.

Matiusu 9:17

De ma moioli o Yesusu wohiketero wato, “Abe nako naga o angguru ma teongo ka ma hungiohi, gea ko idadiua hoguhe o popojeuku abe ma popoje gea ma dekanoka, done ahao ma teongo ihaga de ma popoje ma dekana ipotoka, de gea ahao ma teongo ikopoaka de ma popojeoo duru iwederoka. Ho nako ma teongo ma hungi, kiani hoguhe o popoje ma hungiuku, angamoi done nanga angguru ma teongo ipoaka de ihihangoka de nanga popojeoo duru iwederoka.” De hokogea o Yesusu wohiketero la wadotoko abe ko idadiua o hirahi ma dodotoko imakasapuru de to Unangoli ai dodotoko ma hungi gea.

Maruku 2:22

De ma moioli o Yesusu wohiketero abe ma titi ka moi de hoka kangano, wato, “Nako naga o angguru ma teongo ka ma hungiohi, ko idadiua hoguhe o popojeuku nako ma popoje ma dekanoka, done ahao ma teongo ihaga de ma popoje ipotoka, de gea ahao ma teongo ikopoaka de ma popojeoo irusakoka. Ho nako ma teongo ma hungi, kiani hoguhe o popoje ma hungiuku.” Hokogea o Yesusu ai hiketero abe genangino de wahitararono ma titi o kia naga hiadono to Una ai dodiawo ko yopuahauahi ma oraha gea.

Lukasa 16:8

“De ipahaino de ai dutu wihioriki abe hokokia wotobauru-urusu wodiaioka la wato ai karajaanga ko itogumuahi de o nyawa manga ngoe iwisanangi unangika ma titi manga nagimi wohihutulu. Ho wohiorikoka ai datoro de ma dutu wihigiriiri wotobauru-urusika. De gea wihigiriiri ko ma titiua abe ai wowango wao ko itiaiua, masara wihigiriiri angamoi duru wososawaro wohiaturu o tiwi la ahao ma oraha adonoka de womamake ma utumu ai datorino gea.” De o Yesusu wato, “Ma hiketero gea tiniade-ade angamoi igoungu nako o dunia ma nyawa de o totiai ma nyawa masara ka o dunia ma nyawahi duru yososawaro ma titi manga gogaoino abe hokokia yomakao ona de manga dodiawoika.

Yosua 9:12

De abeika, ma oraha ngomi mia tonakoka ko misobouahi de mia roti naa ka ihaukohi, masara naa duru itogowinoka de utuoli hiadono yogalula.

Yosua 9:13

De mia popoje naa ma dihiraino de ka ma hungiohi mata-mata ma oraha mioguhe, masara abeika ikakihoka mata-mata. De nagali mia baju de mia sandaala ka idadi niamake abe duru itotorouoka mangale ma titi mia dodagi duru kohagurutino miboa.” Hokogea manga budi ma demo.

Yosua 9:3

Masara nako o Hewi ma nyawa abe yogogere o Gibeono ma kotaka, ona manga hidee imakohowono. Abe ona ma oraha yoihene ma titi o Yosua de ai nyawa yahikalaka o Yeriko de o Ai ma nyawaika

Yosua 9:5

De yomahinoaiye de manga sandaala abe duru ibabitoka de manga baju ka ma dodorou dika. De nako manga bilaono gea o roti abe duru itogowinoka de utuoli hiadono yogalula. Ho yomahidiaioka hokogea de yosobo abe manga dumutu o Yosuaika.