Yosua 9:3 - Ma Jou ai Demo-demo o Totobelohoka

³ Masara nako o Hewi ma nyawa abe yogogere o Gibeono ma kotaka, ona manga hidee imakohowono. Abe ona ma oraha yoihene ma titi o Yosua de ai nyawa yahikalaka o Yeriko de o Ai ma nyawaika

Yosua 9:3 Iomraidhean Croise

2 Samuele 2:12

De o wange moiuku o Isibosete ai tentara ma nyawa de o Dautu ai tentara ma nyawa ona mata-mata yomaketeparangi. Abe o Abanera una wahihira-hira o Isibosete ai tentara o Mahanaimoka de yaika o Gibeono ma kapongika. De ma oraha genangoo naga o Yoaba o ngo Seruya ami ngofaka, una wahihira-hira o Dautu ai tentara la yoagurika o taaga moiika abe imahitigino de o Gibeono gea. Ho ma taagaka gea de ma tentara ma nyawa mata-mata yoarihononga ho yomarihimanga.

2 Tawari 1:3

De ona mata-mata abe o Saloomo watoomuino de ahao ona wao o Gibeono ma lokuika abe genangoka naga Ma Jou ai Tau o Ngoerino. De Ma Jou ai Tau o Ngoerino naa ena abe ma dihira o Musa wodiai o tonaka ma kakaahaka.

Yosua 10:1

De ipahaino de o Yerusaleeme manga koano o Adonisedeke una woihenino ma titi hokokia o Yosua wahikalaka de wahibinaaha o Ai ma kota de abe wihohonenge manga koano. Abe gea idadi duru imaketero abe hokokia wadiaioka o Yeriko ma kotaikali de to onangoo manga koanoika. De ma koano gea woihenoo ma titi o Gibeono ma nyawa yomakadameoka de o Isiraele ma nyawa de abe yomahiketehibehehongoka ho naa kiani yomakuduhunu nako naga abe yaparangi onangika.

Yosua 10:2

De ma abari gea ma koano de ai kokawaaha yoihene ipaha de gea hiadono duru yokokihawanoka. Angamoi nako o Gibeono ma kota gea duru ko ietekua. Abe gea ma amoko ka imakadaene dika de o kota-kota utu ma ago-agomo abe naga de manga koano homoi-homoi. De ngaro ihidotelega de o Ai ma kota masara ka o Gibeonohi ilamoko. De hongoli o Gibeono ma nau-nauru ona duru yojago de yososawaro yoparangi.

Yosua 10:28

De ma wange gea o Yosua de ai tentara ona duru yahikala o Makeda ma kapongo ma nyawaika. Abe ona yahohonenge manga koano de manga kokawaaha mata-mataika, ho moioo de ko iwaka manga nyawa. De o Yosua wodiai manga koanoika abe imaketero dika hoka ma dihiraino wodiaioka o Yeriko ma nyawa manga koanoika.

Yosua 10:30

De genangokaoo Ma Jou o Yawe wahidoaka ma kapongo de manga koano o Isiraele ma nyawa manga giamika. Ho ona yahohonenge o Libana ma nyawa mata-mataika de ko iwaka manga hou. De o Yosua wihohonenge to ona manga koano abe imaketero hoka ma dihiraino wodiaioka o Yeriko ma nyawa manga koanoika.

Yosua 11:19

De ma oraha gea ko iwa ma nyawa abe yomakadame de o Isiraele ma nyawa sawali o Hewi ma nyawa abe o Gibeono ma kotaka yogogere. Ho ma nyawa utu mata-mata o Isiraele ma nyawa kiani yahikala onangika.

Yosua 9:17

Ho manga nyawa utu yosobo yotagi-tagi la ka idadi yatotailako o nyawa gea manga ngi o kiaka. De manga dodagi manga futu hange dika de yomahiadonoka manga kota-kotaika. Abe ona gea manga gogere o Gibeono ma kotaka de nagali o Kefira de o Beroto de o Kiriata-Jeari ma kota-kotaka.

Yosua 9:22

Ho o Yosua wabehehongo o Gibeono ma nyawa gea la yomarihimanga de una. De ona yoboaino de una wato, “Done ma titi o kia hiadono ngini nimieluku? Abe ngini nimahingahu niato nigogere o tonaka duru ma gurutika, masara tanu ti ngini nia ngi ko ikurutikaua!

Yosua 9:4

de yato koaho yabudi o Isiraele ma nyawaika la ka idadi yomaduhunu. Ho yahidingoto manga nyawa yamuruono naga o Yosuaika, masara manga hidiai hokonaa la ka idadi yabudi o Isiraele ma nyawaika. Abe yatoomuinohi manga kiahonanga ma ngede-ngedere de yomahinoauku de manga babiti. Ho manga keledai ma pore-poretuku ihinoa de manga beta-beta ma dorou, de nagali manga popoje abe naga de ma dadapa angamoi ma dihiraino ikokikakihoka.