Biblia Todo Logo
Bìoball air-loidhne

- Sanasan -




Yosua 8:5 - Ma Jou ai Demo-demo o Totobelohoka

5 Masara nako ngohi de nanga gogianongoru o tentara ma nyawa utu abe naga ngohioka, ngomi ahao manga kota ma himangika mimahitigika. De gea mimahinonai dika, angamoi ma oraha ona yohupu la inaparangi abe imaketero hoka ma dihirainoli de ngomi naa mikokiloara dika.

Faic an caibideil Dèan lethbhreac




Yosua 8:5
4 Iomraidhean Croise  

De o Yesusu ka wohigila-gilahi ai behehongo ma demo abe iwitobanii-niiki yangimoi de yahinootoika wato, “De naa abeika nitotoihene to Ngohi ahi demoino, angamoi naa tinihitiari nginika abe ma titi ahao hokokia idadi nginika. De ngini naa tinihidingoto o nyawaika la nihiabari ma titi abe ma oraha itigioka Ma Jou wahikoano ai nyawaika. Masara tinihiketero ngini abe ngade-ngade hoka o domba abe duru imura, de naa tinihidingoto o fuhuku ma kaho ma ngi-ngiika, ho kiani duru ngini nimahidodiai onangoka. Abe kiani nimahidodiai ma titi nia demoino de nia wowango ma datorino la ufa niaruwae onangika abe yototualono, done ahao inihikangela nginika. De gea nia datorino kiani nihidodiai la nia sosawaroino niapake de abe nia hiningaka de duru niabole-bole o nyawaika.


De o Ai ma kota o loku ma tubuoka ho o Ai ma nyawa yomulaenge daku manga kota ma ngoranoka de yakiniiki yahidodohuku o Isiraele ma tentara dau ma geleforuku. De naga ma geleforoka gea o Ai ma nyawa manga baiti abe ma dihiraino yomabaiti manga kota ma dadaduhu ma hakaru genangoka. Ho gea o Isiraele ma tentara yoara youti ma geleforuku de genangoka o Ai manga tentara yadaene. Ho ka de o Isiraele manga tentara yadaene de yatoma ngade-ngade yamoruange de yabutaanga. De hokogea idadi de o Isiraele manga tentara duru manga domoroini ko iwaka angamoi duru yohawanoka ho yoara ka hiadono to ona manga doomu ma ngiika.


De nanga musu gea imibaata de imikiniiki ngomi ka hiadono yohupu manga kotaka de yaino hatoli manga gurutino. Angamoi ona gea yomahikokagaro ato, ‘Ona naa ka yoara dika abe duru imaketero hoka ma dihirainoli!’ De gea ngomi naa igoungu mimadohuku onangino.


Lean sinn:

Sanasan


Sanasan