Yosua 5:8 - Ma Jou ai Demo-demo o Totobelohoka

⁸ De gea yakokihuna ibooto de yoriidi yomahiaini genangoka ka hiadono manga huhuna ma nabo yaikokahi.

Yosua 5:8 Iomraidhean Croise

Dodadi 34:25

Masara ka de o wange hange ipahaika de manga nabo ma gogiriaka yadotodiri angamoi yahikangela hiadono ko yomasikaakaua. De ona ko yafikirua naga o bodito manga ngoranoka masara duru ma oraha gea yale o Yakubu ai ngofaka o Simeono de o Lewi ato manga biranga idodutu, o ngo Dina gea, imihibalaha. Ho yangika de manga humaranga ma doto arihononga de yakokitoma o nau-nauru mata-mataika o Sikeme ma kotaka.

Yosua 5:7

Ho abe ona yohone-honengoka o tonaka ma kakaahaka to ona manga ngofa-ngofaka Ma Jou o Yawe wapaliara la ona yaturuuru manga dimo-dimono ho naa ona o Yosua wahuna. Abe ma oraha manga dodagiokahi de ona ko yomahunauahi, ho ma tonakino yowohama ipaha de ahao ona yakokihuna.

Yosua 5:9

De ahao Ma Jou o Yawe wihingahu o Yosuaika, wato, “O wange naa de ti ngini nia maleke Ngohi tagorakoka abe initaulika ma titi o Mesiiri ma nyawa ko inihigunoaua nimahuna hoka Ngohi tinihibehehongoka. De ma titi o Mesiiri ma nyawa hiadono naa duru ma dekanino ngini ko nimahunakaua. Masara ma oraha naa ngini nianiikoli o huhuna hoka tinihibehehongoka la nimahitunguu nidadioka to Ngohi ahi nyawa. De nia maleke tagorakoka ho naa nimahuna ibooto de ko iwaka nginioka nia maleke.” De gea ma titi hiadono o Isiraele ma nyawa ihiromanga ma ngi gea Agorakoka, abe nako to ona manga demo gea o Gigala. De ka hiadono ma oraha naa abe ma ade-ade ihitulihuku de ma ngi gea ma romanga ko aturuuruahi, ho ka o Gigala dika.