Yosua 4:8 - Ma Jou ai Demo-demo o Totobelohoka

⁸ Ho o Isiraele ma nyawa manga nau-nauru gea yodiai duru imaketero hoka Ma Jou o Yawe wihibehehongo o Yosuaika de ai behehongo gea kangano wadofangoli onangika. Ona yaleino o hakaru ngimoi de hinooto o Yorodani ma akere ma goronaino la hokogea ihitunguu abe o Isiraele ma nyawa yomahitoomuika de manga tofora o Isiraele ai ngofaka yangimoi de yahinooto manga romangika. De manga hakaru gea yakelenga manga ngioka abe gea bootino yomaidu genangoka.

Yosua 4:8 Iomraidhean Croise

Huhupu 12:28

De o Isiraele ma nyawa ihingounu Ma Jou ai behehongo mata-mata gea abe o Musa de o Harunu yahuloko onangika la yodiai.

Huhupu 24:4

De ahao o Musa wotulihuku Ma Jou o Yawe ai demo mata-mata gea abe Una wahingahuoka. De ma dawangeino duru o ngoru-ngorumino o Musa wodiai o huhuba ma ngi o loku ma lifunoka de genangoka waleino o hakaru ma guru-gurutu ngimoi de hinooto. De ma hakaru gea wahigokoiye la gea ena idadi o dodunguu ma liate ngimoi de hinooto abe ihitunguu o Isiraele ma nyawa manga dutu ngimoi de hinooto.

Yosua 4:20

De o Gigaloka gea o Yosua ma hakaru ngimoi de hinooto abe yagoraka ma akerino gea watatoro o tonakoka la idadi o hohininga ma dodunguu.

Yosua 4:9

De ahao o Yosua unangoo wagilio o hohidemoika abe ona nagahi o akere ma goronaka de duru genangoka wodiai o hohininga ma dodunguu moioli. Abe una wafafo o hakaru ngimoi de hinootoli duru o hohidemo manga ngioka abe genangoka yomatongohono ma dekana yamokuino Ma Jou o Yawe ai Behehongo ma Peti o Yorodani ma akere ma goronaka. De ma hakaru ngimoi de hinooto gea nagahi manga dingiioka ka hiadono ma oraha naa ma ade-ade naa ihitulihuku.