Yosua 4:5 - Ma Jou ai Demo-demo o Totobelohoka

⁵ de wahuloko onangika wato, “Ngini naa niagilio nanga hohidemoika abe to ngone nanga Jou iwileleani dokea abe ka yamokuinohi Ma Jou o Yawe ai Behehongo ma Peti. De genangoka o Yorodani ma akere ma hakaru ngini o hakaru nimaketemomoi niamoku de niao nenangino. Hokogea nidiai la o Isiraele ma nyawa manga dutu ma doomu ngimoi de hinootoino naga to ona manga dodunguu ma hakaru homoi-homoiika.

Yosua 4:5 Iomraidhean Croise

Dodadi 31:46

De wahuloko ai dutu-dutu o nau-nauru la o hakaru utuohi iwoe yatoomuino de ma hakaru yafafo dau de aiye. De ahao o Labana de o Yakubu yogogeruku ma datekoka de o inomo yomakokeregu la yoboriolomo genangoka la ihitunguu yomakadameoka.

Huhupu 24:4

De ahao o Musa wotulihuku Ma Jou o Yawe ai demo mata-mata gea abe Una wahingahuoka. De ma dawangeino duru o ngoru-ngorumino o Musa wodiai o huhuba ma ngi o loku ma lifunoka de genangoka waleino o hakaru ma guru-gurutu ngimoi de hinooto. De ma hakaru gea wahigokoiye la gea ena idadi o dodunguu ma liate ngimoi de hinooto abe ihitunguu o Isiraele ma nyawa manga dutu ngimoi de hinooto.

Yosua 4:4

Ho o Yosua wahokino o nau-nauru yangimoi de yahinooto gea abe yahitunguu o Isiraele ma nyawa manga dutu ma doomu mata-mataika,

Yosua 4:6

De ma hakaru ngimoi de hinooto gea hapake la hodiai o hohininga ma dodunguu moi. De ahao ma oraha ti ngini nia ngofa-ngofaka yamake de marai inileha ngini o dimo-dimonika ato, ‘O kia ma titi o hakaru ma doomu naa?’