Yosua 3:4 - Ma Jou ai Demo-demo o Totobelohoka

⁴ De hokogea ngini nianiiki ma ngekomo angamoi ko ma moiuahi niboa o ngekomino naa. De abe ngini niahidoduruika kiani naga ma hoana ngade-ngade o kilo moi abe Ma Jou ai Peti de ti ngini nia hoana abe hokogea ma gurutika nimakitingaka ma oraha hokokitagi. Duru ko idadiua nimahitigika Ma Jou ai Behehongo ma Petika!” Hokogea manga hihira yahitiari la ona mata-mataika ihidodiai yaniiki manga behehongo gea.

Yosua 3:4 Iomraidhean Croise

Dodadi 31:2

De wamake o Labanoo ai hininga waturuuru unangika hiadono womatemo wato, “Marai ahi toroa womulaenge ko wohisanangiokaua ngohino.”

Higiriiri 89:7

De manga higiriiri gea duru itaana, angamoi done onagonali o Horogaka yomatoteroino de Ma Jou o Yawe? Abe ngaro naga o jou-jou manga rupa hatoli imakiniiki de Una, masara duru ko iwa abe hoimoi de nanga Jou o Yawe.

Huhupu 19:12

De kiani Musa nohiaturu la o loku ma timiuku naga nodiai ma batingi de nahingahu onangika nato, ‘Ngini mata-mataika kiani nimagoana de nimahitiari la ufa ma batingi gea niatilakuru. Abe ka de onagona dika nako yomahitigino ma lokuino naa de kiani yohonenge.

Huhupu 3:5

De Ma Jou wihitiari o Musaika wato, “Ufa nomahitigino de kiani ani sandaala nahuputoka angamoi ma tonaka naa tomadingakino Ngohino ho duru itebini.

Huhupu 4:10

Masara o Musa womahiaka Ma Jou o Yaweika wato, “Ahi Baluhu, marai ngohi ko tadadiua angamoi ka ma dodihirainohi de ngohi totemo-temo ko itiaiua de hiadono ma oraha naa ahi akiri ma dubuhohi.” Hokogea o Musa womahiaka.

Yosua 3:3

De yahitararono manga kokawaahaika la ona ihioriki manga dodagi ma hiaturu abe kiani yaniiki ma oraha yoiki yowohama o behehongo ma tonakika. Yahingahu, ato, “Ona o Lewi ma nyawa abe inahidemo Ma Jou o Yaweika, de manga karajaangoo naga yamoku ai Behehongo ma Peti, ona nanga hohidemo gea, ahao inahihira-hira nanga ngekomika. Ho ngini niagoana la ka de niamake ona yoboa Ma Jou o Yawe ai Behehongo ma Peti yao de ngini nihioriki adonoka ma oraha hosobo ho kiani nimahidiai la nisobo, angamoi ona yohira-hira nanga datoroka ho ngone utu haniiki de hahidoduruika ona gea.

Yosua 3:5

De hokogea yahitararono ibooto de ahao o Yosua wahingahu o Isiraele ma nyawa mata-mataika wato, “Ngini mata-mata kiani nimahitebinokahi Ma Jouika de ahao ka idadi hosobo. De gea itebini o ngorumino de ngini niamake o heheranga ma amoko abe Ma Jou o Yawe ahao wodiai nanga hidogoronaka.”