Yosua 2:9 - Ma Jou ai Demo-demo o Totobelohoka

⁹ De muna mahingahu onangika mato, “Ngohi naa duru tohioriki abe Ma Jou o Yawe, o tonaka naa Una winihidoakoka nginika. De gea ma titi hiadono ngomi o kotaka naa imidiodaka o hawana ma amoko ngomino. De igoungu o tonaka naa ma amokika ma nyawa manga domoroini ihagaka ma titi ngini o Isiraele ma nyawa niboa nenangino.

Yosua 2:9 Iomraidhean Croise

Dodadi 35:5

De genangoka ona yosobo ma, ko moiua yaparangi. Abe ngaro o tonakoka gea naga ma kota ma ngoe masara o nyawa mata-mataika genangoka Ma Jou duru wahimodongo o Yakubika ho hiadono ko yamoroinua yaparangi.

2 Kokoano 5:15

De ahao o Naamana duru woigo la una de Ma Jou ai uru ma dodofanga gea yomakamake ho una de ona abe iwidodiawo mata-mata yomakiniiki yolio o Elisaika. De ahao yotoomuino duru o Elisa ai himangoka de o Naamana wihingahu, wato, “Ahi dimono, de ahi horomati ngonaika tonihingahu abe ma oraha naa ngohi duru tohioriki abe ngaro o dunia ma amokika masara Ma Jou ka womatengo dika de Una wogogere o Isiraele ma tonakoka. De ngohi duru togahoko la naa ahi hidoaka ma hadia ngonaika nodafongo.”

Nehemia 6:16

Hokogea ngomi ma dadaduhu gea miabootoka masara ona gea abe duru imiparangi la imihitogumu mia karajaanga ma goronaka, ma oraha naa ona duru yamaleke de imimodongo ngomino. De hokogea angamoi ona ihioriki ma titi abe hiadono mia karajaanga ka idadi miabooto de gea angamoi to ngomi mia Jou womiduhunu. De ona o tonaka mata-mataika abe imakadateke de o Yehuda ma tonaka onangoo naga manga maleke de manga modongo ngomino.

Estere 8:17

De o propinsi mata-mataika ma kota-kota o kiaka dika yabasa o koano ai pareta ma hurata ma hungi nenanga de o sosanangi imakiniiki. Abe ma oraha yabasa o hurata naa de o Yahudi ma nyawa ka de yoihene de duru yogarago. De ona ihirame-rame o pareta ma hungi nenanga de yodiai o ngolo-ngolomo de duru yorame-rame. De naga o nyawa abe ko o Yahudi ma nyawaua masara naa onangoo duru yoigo yodadi o Yahudi ma nyawa hiadono yomahisapuru onangika hiadono yaturuuru manga agama de ka yaniiki dika o Yahudi ma nyawa manga agama. De hokogea yodiai angamoi de o pareta ma hungi naa ona yomulaenge yamodongo o Yahudi ma nyawaika.

Huhupu 18:11

Naa toihene de ngohi duru tohioriki abe nako Ma Jou o Yawe de ngaro o popangao mata-mataika, ma, ka Unangohi woputurungu abe gea duru womahitaana de mata-mata gea wodiai o Mesiiri ma nyawaika. Ona duru o Isiraele ma nyawa yahidadi manga huhuloko abe yahikarajaanga de ma dubuhoholi hiadono o Mesiiri ma nyawa manga sadeoo ka idogo-dogo, ma, abeika hokokia Ma Jou o Yawe wahohowono onangika.” Hokogea o Jitoro ai higiriiri ma demo.

Huhupu 23:27

“De o tonaka mata-mataika abe genangika tinihiboa ma ko nimahiadonuahi genangika de Ngohi tohitihira o hawana kohaamoko onangika de tahikapusaka hiadono ka de inimake de inikokiporetoka hiadono ona mata-mata inidokaowaroka.

Gegetongo 20:14

De ma oraha yogogerohi o Kadesoka gea o Musa womahidiai yogila-gila de angamoi manga ngekomo ma hidotobiki o Edomo ma nyawa manga tonakika ho wato ko yoikuahi de kiani yomahingahuohi o Edomo manga koanoika. Ho wairiki o nyawa yamuruono naga la ai hingahu o Edomo manga koanoika ka idadi ona yadofanga unangika. De hokonaa o Musa ai hingahu manga koanoika gea, wato, “Ngomi naa ti ngini nia gogianongoru abe nia tofora o Edomo una o riaka de to ngomi mia tofora ai dodoto o Isiraele abe ngomi o Isiraele ai totoforauku. Ho ngone o ria-dodoto idodutu adaene. De marai ngini niihenoka abe o kokangela ma ngoe imidaene ngomi o Isiraele ma nyawa.

Gegetongo 20:24

Abe Ma Jou wahingahu onangika wato, “Musa de Harunu, adonoka naa ma oraha o Harunu wohonenge ho to una ai jiwa de ai totofora manga jiwa ka ma moi tahidotoomuino abe ona yododihiraika yohonenge. Ho una ko idadiua wogila-gila wowohama o tonakika gea abe Ngohi tahidoaka o Isiraele ma nyawaika. Angamoi ngini inihinooto nihilawana hiadono ko nianiikua ahi behehongo nginika ma oraha o akere gea tinihidoaka abe o Ribuutuino ma akeroka. Ho gea ma titi hiadono ngini ko idadiua niwohama o Kanani ma tonakika.

Matiusu 20:15

De naa tonileha, sarakia, ko idadiua to ngohi ma hirete ahi tiwi de ngohi tomaputuhu de tohiaturu abe hokokia ahi hininga adaene? De sarakia, gea itiai abe ani daleana ipuda ani hiningaka mangale ma titi ngohi tosanangi tohifoloi tahidoaka o nyawa utuika? Marai gea ani hininga ko itiaiua, e?’”

Higalioli 2:25

Angamoi duru o wange naa dika de ahao tokarajaanga o nyawa mata-mata manga hiningaka la naga manga modongo ma amoko nginika. Ho ma oraha ona yoihenino ma ade-ade ma titi ngini naga niboa manga tonakino de ahao duru yofafara mangale manga hawana de manga modongo nginika.’”

Higalioli 32:8

Abe ma dodihiraka de Ma Jou Wokokurutiye o tonaka wahikodoku o dutu amomoiika, de o dunia ma nyawa mata-mata wahikeregu, la o dutu homoi-homoi naga manga tonaka de ma bati-batingoka. De gea wahikeregu la o dutu homoi-homoi gea naga de manga jouoka, abe manga jou gea ka idadi wahipareta ma nyawaika genangoka.

Ibarani 11:31

De nako o Yeriko ma ngofeka gea abe momatobafukunu ami badanga de gea ami romanga o ngo Rahaba, mangale munangoo mingaku Ma Jouika ho ma oraha o Yahudi ma nyawa yamuruono naga yoboaino la ato yatailako o Yeriko ma kota de muna o ngo Rahaba naga ami hingounu Ma Jouika ho hiadono de ami hininga ma rorahaioka de aino madafongo o Yahudi ma nyawa gea. De ma titi ami hingounu gea hiadono ipaha abe ma oraha o Yeriko ma nyawa utu mata-mata yokokihonenge masara muna imihigunoa la mowango ho ko imihohonengua munangika.

Yosua 2:11

De nia ade-ade gea ka de ngomi mata-mataino miihene de mia hawana imihifafara ka hiadono mia domoroinoo ma, ko iwaka. De gea ngohi tohioriki idadi mangale ti ngini nia Jou gea Una Ma Jou abe wohipareta o Horogaka daku o dunia ma dihangoka de hiadono dau o duniaukuoo ma, Una wohipareta mata-mataika.

Yosua 2:24

Abe iwihingahu o Yosuaika ato, “Mia baluhu, duru igoungu, Ma Jou o Yawe wonahidoakoka ma tonaka mata-mataika gea! Hoka ma tonaka gea idadioka to ngone nanga kuahaka igogere angamoi o nyawa mata-mata gea doka ona inamodongoka ngoneino naa ka hiadono yatomomonoka. Hokogea mia baluhu ngomi miamake abe mia dodagi ma goronaka.” Hokogea o nauru yahinooto gea iwihingahu o Yosuaika.

Yosua 2:8

De yahinooto o Isiraele ma nauru gea ko yomaiduahi de o ngo Rahaba modoa ami wowoere ma ngiiye daku ami tau ma poretoka la ona yahinooto matutumu.

Yosua 5:1

Ho ka de o Amori ma nyawa manga koano mata-mataika yoihene o akere ka idadi idudungu ma ade-ade abe hokokia Ma Jou o Yawe wohidudungu o Yorodani ma akere de duru yohawana. Yoihene hokogea Ma Jou wodiai la waduhunu o Isiraele ma nyawa ma oraha yomahihora to ona manga honongaino ho duru manga modongo ilamoko o Isiraele ma nyawaika hiadono yofafara. De hokogenangoo o nyawa manga kokoano mata-mataika abe yogogere o Kanani ma tonakoka yamodongo ka hiadono onangoo abe yogogere dai o gahi ma ngigorino. Ho ona mata-mataika ko iwa manga domoroini la ka idadi yahimanga o Isiraele ma nyawaika la yalawana.

Yosua 6:2

De Ma Jou o Yawe wihingahu o Yosuaika wato, “Yosua, abeika manga hawana o Yeriko ma nyawa! De manga hawana gea ma dodunguu abe manga kota nenanga tinihidoakoka ti ngini nia kuahaika ka ma moi de manga koano de manga tentara mata-mataika Ngohi tinihidotodoakoka.

Yosua 9:10

De nagali ma ade-ade abe hokokia wodiai o Amori ma nyawa manga koano yahinootoika gea doka o Yorodani ma akere ma honongaka. Abe ma koano gea naga womatengo ai romanga o Sihono abe wahikoano ai nyawa o Hesebono ma kotaka. De womatengoli ai romanga o Ogo abe wahikoano o Basana ma tonakoka de ai kota o Asitaroto.

Yosua 9:24

De ona iwipaluhu ato, “Marai ngomi duru mihawana hiadono mia demo hokogea nginika. Angamoi naga o nyawa imihingahu de duru imihitararono abe ma dihiraino de nia Jou o Yawe wihuloko ai duduhunu o Musaika ma titi ma tonaka naa. Abe Una wato kiani o Musa winihidoaka ma tonaka naa mata-mata nginika, de abe ma tonaka naa ma nyawa bari kiani niahibinaaha mata-mataika la ko moiokaua. Ho gea hiadono to ngomi mia budi ma demo itagi nginika, angamoi duru mia hawana ilamokoholi done ka nimihibinaaha dika.

Yosua 9:9

De iwipaluhu ato, “Ngomi naa mia tonaka duru kohagurutika, de miboaino angamoi miihenoka ma titi ti ngini nia Jou o Yawe. Abe miihene ma ade-ade ma titi to Una ai datoro mata-mata wodiaioka o Mesiiri ma tonakoka.

Hihira 7:14

Ka de ai buluhara ma ade-ade gea woihene de ai dodiawo wato, “Abeika, ani buluhara ma titi moi dika de gea Ma Jou widuhunu o Gideono, o Isiraele ma nyawa gea abe o Yoasa ai ngofaka, la una de ai tentara ahao inahikala. Ho ngaro o Midiana manga tentara eko ngomi o tentara utu abe ona gea inatoomuinoka masara inadaene ngone o tentara mata-mata naa! Ei! Ani buluhara ma titi ngone naa hoboditoka!”