Yosua 2:8 - Ma Jou ai Demo-demo o Totobelohoka

⁸ De yahinooto o Isiraele ma nauru gea ko yomaiduahi de o ngo Rahaba modoa ami wowoere ma ngiiye daku ami tau ma poretoka la ona yahinooto matutumu.

Yosua 2:8 Iomraidhean Croise

Yosua 2:6

Hokogea mahipongono angamoi muna kanganoino de mahuloko yahinooto gea la iminiiki daku ami tau ma poretiye abe itiaiika de genangoka matobawoere ami rami ma roehe abe manga datomo o rami genangino momatobadiai ami lawe. De ma oraha gea dakenangoka naga ami rami ma roehe de ma jagaka mohidotoino de genangoka matouniye ho dau ami rami ma timiuku genangoka mahingohamika o nauru yahinooto gea.

Yosua 2:7

De o Yeriko ma koano ai nyawa ko yamakeua yahinooto gea angamoi yomataiti o Yeriko ma kotaino yohupu la ato yahiduru o ngekomika abe ma dumutu o Yorodani ma akere ma dodobongika. De ka de yohupuoka de o kota ma ngorana yatatokoka.

Yosua 2:9

De muna mahingahu onangika mato, “Ngohi naa duru tohioriki abe Ma Jou o Yawe, o tonaka naa Una winihidoakoka nginika. De gea ma titi hiadono ngomi o kotaka naa imidiodaka o hawana ma amoko ngomino. De igoungu o tonaka naa ma amokika ma nyawa manga domoroini ihagaka ma titi ngini o Isiraele ma nyawa niboa nenangino.

Hihira 16:27

De naa o Filistina ma nyawa ko manga ngoe o rame-rame ma tau ma goronaka o nau-nauru de o ngo-ngofeka. De manga dimo-dimono yokokurutiye ona yongodumu genangoka de daku o tau ma lape ma hinootoka nagali o nau-nauru de o ngo-ngofeka yasana hange abe yowuni-wuningi dau ma goronauku de iwigie-giete o Simsono ma oraha una wodiai o gie-giete.