Yohanese 9:4 - Ma Jou ai Demo-demo o Totobelohoka

⁴ Ma oraha adonoka abe ngone ka idadi hodiai to Una ai karajaanga abe wohihidingotino naa. Imaketero hoka o nyawa manga biaha yokarajaanga o wangeoka masara o futu-futu ko yokarajaangua, hokogenangoo de Ma Jou ai karajaanga. Abe nako ngoneoo hodamaa la Ma Jou ai karajaanga hato hokarajaanga nanga wowango ma bahaika, gea hokokapaanga.

Yohanese 9:4 Iomraidhean Croise

Tobadotoko 9:10

“O karajaanga o kia dika abe naga ani sosawaro de ani tobahioriki genangika de nako ngona nato nokarajaanga, gea nomagawe enangika de nodiai de ani buturungu ma gahumino. Tinihigaro hokogea angamoi ko itedekanua de ahao nomanoa yohone-honenge manga ngioka abe genangoka ko iwa o karajaanga, de ani hidee ma, enangoo ko iwaka, de ngaro ani sosawaro de ani tobahiorikoo ma, ko iwaka o lungunoka.”

Matiusu 20:7

“De ona yopaluhu ato, ‘Angamoi ko moiuahi imihikarajaanga.’” “De gea ma tonaka ma dutu wahuloko wato, ‘Nako hokogea ngini niloiki nimakuduhunu de ona abe kanganohi tahikarajaangoka la nginioo nikarajaanga ahi angguru ma redioka gea.’ Ho onangoli yosobo yokarajaanga.”

Maruku 3:3

De o Yesusu wihuloko ai giama ihelu-helukika gea wato, “Nomaokoino mia hidogoronaka naa.”

Yohanese 10:32

Masara o Yesusu waleha onangika wato, “Ngohi naa tinihimatokokau o heheranga ma ngoe abe o Babaka de aino, ho ma titi ahi heheranga o kia hiadono niato kiani nihihakaru?”

Yohanese 10:37

De nako Ngohi ko todiaiua gea abe ahi Baba dika ka idadi wodiai, gea ufa nihingaku Ngohino.

Yohanese 12:35

De ahao o Yesusu wapaluhu onangika wato, “O dararono ko itedekanokaua naga nginioka. Ho ma oraha naa kiani niagurokahi la nitagi-tagi o dararonoka abe ma oraha ena gea nagahi nginioka, done ma oraha o fufutu iboa de inihidufutuokahi. Angamoi o nyawa abe o fufutuoka yotagi-tagi ko yomahiorikua o kiaika dika yoiki.

Yohanese 17:4

“O Baba, Ngohi ani medebini ma dararono tohiboa Ngonaika ma titi tabootoka ahi karajaanga mata-mata abe nohihidoakino Ngohino la todiai o duniakahi naa.

Yohanese 4:34

Ho angamoi yomakokeleha hokogea, o Yesusu wahingahu onangika wato, “To Ngohi ahi inomo, gea ahi hingounu to Una ai mauika abe wohihidingotino. Abe naga o karajaanga wohihidoaka Ngohino de kiani gea tabootokahi, ho ahi karajaanga gea to Ngohi ahi inomo.” Hokogea o Yesusu wahitararono ona iwitobanii-niikika.

Yohanese 5:19

De ahao o Yesusu wapaluhu onangika wato, “Naa duru tagou-goungu tinihingahu, ko moiua Ngohioka de tomahohiningaiye dika de todiai. Masara gea ena abe ahi Baba wodiai hokogenangoo imakadaene Ngohi naa todiai. Nako Ngohi dika ahi mau de todiai, gea ko todiaiua angamoi gea tamake o Baba wodiai, gea dika ka idadi Ngohioo todiai.

Yohanese 5:36

De o Yesusu ka wahitararonohi o Yahudioka manga balu-baluhika gea wato, “Masara abe Ngohi naa todiai, ena gea ihihitaana abe Ngohi naa Ma Jouoka de taino. Ho ngaro o Yohanese ai hingahu gea itiai ma titi Ngohi, masara naga abe ka enangohi abe duru ihihitaana de gea ma karajaanga abe Ma Jou wohihibehehongo la tabooto todiai. Ho genangoo la ihihitaana Ngohi abe Ma Jou dika wohihidingoto nginino.

Yohanese 7:33

De o Yesusu wahingahuohi ona mata-mataika wato, “Ko itedekanokaua Ngohi naga nginioka de ahao Unangikali tolio abe Una gea wohihidingoto naangino.

Hidingoto 4:20

Masara nako ngomi miato ko idadiua mimarii-riidoka dika de mianoaika abe miade-ade o nyawaika. Abe kiani miade-ade ma titi ma datoro ma hohailoa gea abe ngomi miamakeoka de ma dodotoko ma rorahai abe miihenoka. Kiani mihigila-gila dika miahiabari o nyawaika.”

Galatia 6:10

Ho ahao nako naga ma oraha la ka idadi haduhunu o nyawaika, gea ma oraha ma getongo kiani hale de hapake la o nyawa mata-mataika haduhunu. De hongoli nako nanga gogianongoruika abe ngone o ngongaku moi, abe onangika kiani duru inamagawe haduhunu.

Efesusu 5:16

De abe nako naga ma oraha la ka idadi o datoro ma rorahai nidiai, de gea ma oraha ufa niaumo masara kiani niale de niapake la ma rorahai gea nidiaioka, angamoi ma oraha naa naga o nyawa nanga wowango ma datoro ka idogo-dogo itorou.

Kolose 4:5

De ti ngini nia wowango kiani niao irahai abe de nia sosawaroka la ngaro naga o nyawa abe ko iwingakuahi o Kristusika, masara ona ko idadiua initae nginika. De nako naga ma oraha la ka idadi niahitararono o nyawaika ma titi Ma Jou ai Demo-demoino, gea ma oraha ma getongo kiani niale de niapake.