Biblia Todo Logo
Bìoball air-loidhne

- Sanasan -




Yohanese 9:1 - Ma Jou ai Demo-demo o Totobelohoka

1 Ipahaino de ahao o Hiaini ma wange moioli de o Yesusu wotagi-tagi de wimake womatengo abe ka womahidoboainohi worafioka.

Faic an caibideil Dèan lethbhreac




Yohanese 9:1
12 Iomraidhean Croise  

De o ngekomo ma datekoka de naga o nauru yahinooto yorafi-rafi yomagoo-gogere. De ona ka de iwigihene naga o Yesusu woboa ma ngekomino wotigioka de yomulaenge o duduhunu yomagahoko yopoa-poaka ato, “Mia Baluhu! O Dautu ai Toforauku! Ngomi mimagahoko la nomidora ngomi naa!”


De o Yesusu de iwinii-niiki ona ma hibaluhu ai tauoka de yosobo, de naga o nauru yahinooto yorafi-rafi abe iwihidoo-doduru ai poretino. De ona yahinooto yopoa-poaka o Yesusika ato, “Mia Baluhu o Yesusu! O Dautu ai Toforauku! Ngomi mimagahoko la Ngona nomidorahi de nomiduhunu ngomi naa!”


De ahao ai babaika o Yesusu wileha wato, “Ho naa ka furuono iwidubuku?” De wato, “Naa una ka ai etetekohi de iwidubukoka ka hiadono ma wange naa ka iwihikangelahi.


De naga o nyawa yowoe-woeoka o ngofeka momatengo abe duru mokangela ma titi ami mede. De muna gea ami taongo ngimoi de hinootoino ibooto mokangela. De muna gea ma ngoe momahibau yohou-hourika hiadono ami tiwi ko iwaka. De ngaro hokogea ma ngoe momahibau, masara ko mamakeuahi o duduhunu onangino.


Ka de hokogea o Yesusu wotemo de o Yahudi ma nyawa gea manga hakaru yomulaenge yomagoraka ato iwihohonenge. Masara ka de hokogea yomagoraka o hakaru de ka itodokanino de o Yesusu ko iwimakeokaua angamoi woiki, Ma Jou ai Tau ma loaka de waino wohupuoka.


De ona o Yesusu iwitobaniiki iwileha Unangika ato, “Mia Guru, naa moi minileha abe naa una ka womahidoboainohi de worafioka. Ho gea ma titi to una ai howono eko ai dimonoka to ona manga howono hiadono worafi hokogea?”


De o Lisitira ma kotaka naga womatengo wotalo abe womahidoboainohi ho duru ko idadiua womadagi-dagi. De abe ma oraha o Paulusu de o Baranabasa yomanoa o Lisitira ma kotaka de o wange moiuku o Paulusu wahingahu-ngahu ai gogiriaka de wimake wotalo gea abe wototoihene ai demoika. Ho o Paulusu womalega unangika de ka idadi wihioriki abe doka wotalo gea ai hiningaka de una duru wongaku o Abari ma Rorahaiika ho ka idadi wihitogumu unangika.


De o nuuhu ma nyawa gea yamake ma dodiha abe ka idideukuohi ai giamoka de ona yomakoketemo ato, “Abeika, una gea boteua watobatomaka o nyawa! Angamoi ngaro una kangano ko iwilutua o gahioka masara naa mia jou abe muna matobahohowono onangika abe de manga howonoka, muna mihidaenoka de ai hohowono abe itiai wamake, ho to una naa ai gahe adonoka!” Hokogea manga hininga yomahingahu.


Abe ma dihiraino wolugu-lugu, una ai ngumuru ai taongo moruata ifoloioka, ho duru ai deka-dekanuku wotobalugu-lugu de ahao iwihitogumu ai kangelaino.


De naga genangoka womatengo ai romanga o Eneasa abe una wolugu-lugu. De una gea ai taongo tufangeino naa abe ka womaidu-idu dika ai nanaooka angamoi ko idadiua womaokoiye. De o Peturusu naga wotagi-tagi ma kapongoka gea de yomakamake una de wolugu-lugu gea.


Lean sinn:

Sanasan


Sanasan