Yohanese 8:3 - Ma Jou ai Demo-demo o Totobelohoka

³ De ai gogiriaka wadotoko de naga abe yotobadoto-dotoko o Musa ai Paretaino de o Farisi manga doomuino ma nyawa onangoo yamuruono naga yoboaino Unangino. De ona yoboa ma titi imiaoino o ngofeka momatengo abe imihidataoko ami howono ma goronaka. De muna gea imiaoino o Yesusu ai himangoka de imihuloko munangika ato, “Mia himangoka nomaokoino de nomihimangino!”

Yohanese 8:3 Iomraidhean Croise

Matiusu 2:4

De ahao o Herodese wakokiahokino ona manga hohidemo Ma Jouiye yokokurutiye de onangoo abe o Musa ai Pareta yotobadoto-dotoko. Ho manga hidimono ona mata-mata wakokitoomuinoka de waleha onangika wato, “Una o Mesia gea abe ma dihiraino de Ma Jou wonahibehehongoka ngoneino la ahao wonahikoano, ho o kiaka naga una womaboa?” Nako womatengo gea abe ma dihiraino de Ma Jou wonahibehehongo wato wonahikoano, naga to Una ai romanga hinooto. Abe nako o Yahudi ma nyawa manga demo iwihiromanga Unangika o Mesia. De nako o Yunani ma nyawa manga demo, ona iwihiromanga o Kristusu. Masara ma romanga hinooto gea de ma titi ka moi dika.

Yohanese 8:2

De ahao ma dawangeino duru wongorumika Ma Jou ai Tauika de genangoka o nyawa ko manga ngoe yoboa Unangino. Ho o Yesusu wogogeruku de womulaenge wadotoko ona gea abe yomatoomuino Unangoka.

Yohanese 8:4

De ahao ona iwihingahu o Yesusika ato, “Mia guru, muna naa miahidataoko ma oraha muna de o nauru abe ko ami rokatua de yomakitigi ho muna modiai itorou.

Yohanese 8:9

Masara ka de o Yesusu ai demo gea yoihene, gea de ka dau yomulaenge yokokiloiki. De o nau-nauru gea utu yaperekioka ona gea yohira yoiki de utu yototuruika ho hiadono yomamataka, homoi-homoi yoiki yomahikabarihi. Ho jai-jai dika de o Yesusokahi naga genangoka de o ngofeka imitao-taokino gea, ho onangokahi dika genangoka.

Yohanese 9:13

De ahao ona yogahoko unangika abe ma dihira worafi-rafika ato, “Abeika, nominiiki o Farisi ma doomuino ma nyawaika.” Ho iwiao o Farisi ma nyawaika la ato iwihimatoko onangika la ka idadi ai lako yamake.

Hidingoto 4:7

Ho ona yomatoomuinoka de ahao yaoino o Peturusu de o Yohanese manga himangoka de yaleha onangika ato, “O kiaino nia kuaha eko onagonaino manga romanga ngini niapake la kanugono nia datoro gea nidiai?”

Roma 7:3

Masara nako ami rokata ka wowangohi de muna moilakoli o nauru moioli, muna gea ahao ka idadi o nyawa imihiromanga munangika ko matobagou-goungua ami rokatika de mahowono ami badangoka. Masara nako hoka ami rokata wohonengokahi de ahao muna moilakoli de o nauru moioli, muna gea o nyawa ko imihiromangua o ngofeka abe ami datoro itorou, angamoi ma pareta ma papakiti ko iwaka munangika ma titi ami rokata wohonengoka.