Yohanese 7:3 - Ma Jou ai Demo-demo o Totobelohoka

³ De o Yesusu ai doo-dodoto iwihigaro ato, “Kiani ngona o Galilea ma tonaka naa nanoa la noiki o Yudeaikali. Genangoka ahao naga manga ngoe ka idadi inikokimake o heheranga ngona nodiai la hiadono onangoo ininiiki.

Yohanese 7:3 Iomraidhean Croise

Dodadi 37:20

Abeika, nako una hitoma ibooto de ahao hiumo o nyawa manga baituku. De ahao ka idadi nanga baba hihingahu dika hato o fuhuku ma aewani iwigolioka. Gea de ngone ahao hamake hokokia to una ai buluhara idadi.”

Matiusu 12:46

De o Yesusu wotemo ai gogiriaka abe o nyawa ko manga ngoeika de ahao ngoi meme de ai doo-dodoto yoboa ma tauino abe naga genangoka o Yesusu de iwinii-niiki. De ona yoboaino masara ka o tau ma poretoka dika de iwibehehongo la ato wohupuohi onangino la watutumohi.

Maruku 3:21

De ma oraha gea o ngi moiokali naga o nyawa utu iwihiade-ade ma titi o Yesusu abe ona ato, “Una gea iwitogohanga!” Ho ka de o Yesusu ngoi meme de ai gogianongoru yoihene manga hiade-ade gea de yosobo yoboaino la ato iwile o Yesusu.

Maruku 3:31

Ho ipaha de ahao o Yesusu ngoi meme de ai doo-dodoto yoboaino. Ona doka o tau ma poretoka dika de iwibehehongo la ato Una wohupuohi de watutumohi ngoi meme de ai doo-dodoto gea.

Lukasa 8:19

De o wange moiukuoli de o Yesusu naga o tau ma goronaka de o nyawa ko manga ngoe naga Unangoka. De ipaha to Una ngoi meme de ai doo-dodoto yoboa ma tauino la ato iwitutumu o Yesusika. De ona yoboaino masara ko idadiua yogila-gilaika Unangika angamoi o nyawa manga ngoe.

Lukasa 8:20

Ho ona o tau ma poretoka dika de ka iwibehehongo dika la ato wohupuohi onangino la watutumohi ngoi meme de ai doo-dodoto. De doka o tau ma goronaka de naga womatengo wihingahu o Yesusika wato, “Abeika, naga ngoni meme de ani doo-dodoto yoboaka doka ma poretoka de ona inibehehongo.”

Yohanese 2:2

Abe o gogilakino manga baluhu manga hiaturu la o Yesusu de ona iwitobaniiki onangoo yahokino la manga gogilaka ma rame-rame yaniiki.

Yohanese 6:60

Masara o nyawa manga ngoe abe manga biaha iwinii-niiki o Yesusu, ka de yoihene ai hitararono gea de yomakoketemo ato, “Ou! O dodotoko naa ma titi ka itubuhoholi! Onagona de yapoa yodafongo nako hokogea o dodotoko ma dubuho, done moioo de ko yapoaua yodafongo!”

Yohanese 6:66

Ho ma oraha gea de idadi o nyawa abe manga biaha o Yesusu iwiniiki utu manga ngoe yomaleloro de yokokilio, ko iwiniikokaua.

Yohanese 7:10

Ho ai doo-dodoto yopahaka yoiki o rame-rameika gea de ahao o Yesusoli woiki wahiduru, ma gea hoka womatohiki dika la ufa hiadono o nyawa iwihioriki.

Yohanese 7:4

Abe hoka ani biaha nodiai, gea kiani nahimatoko o dunia ma nyawa mata-mataika! Abe hohiketero hoka nako naga womatengo duru woigo womahingahu o nyawa manga ngoeika, gea ko womahitobahipongonua.”

Yohanese 7:5

Hokogea o Yesusu ai doo-dodoto iwihuloko Unangika angamoi ngaro ngone hato o Yesusu ai doo-dodotohi duru iwingaku ma onangoo ko iwingakuahi. Abe ona duru ko ihiorikuahi abe Una gea manga Mesia.

Hidingoto 2:14

De ahao o Peturusu de ai dodiawo yangimoi de yamoi ona yomaokoino o nyawa yowoe-woe manga hima-himangoka. De o Peturusu waamo-amokiye de wotemo ona mata-mataika wato, “Ahi gogianongoru o Yahudi ma nyawa de ngini utu mata-mata abe o Yerusaleeme ma kotaka naa nimanoa. Abeika nitotoihene ahi demoino naa la ka idadi tinihitararono nginika!

1 Samuele 17:28

Masara o Dautu ai riaka o Eliaba woihene yomakoketemo de wingamo o Dautika ma titi ai demo onangika gea, wato, “Ngona nododoa nenangoka? Adodoa nanoaika o domba ma duduono ma eteteke gea abe ngona inihitagongoka la nogoa-goana? Ngona tonihiorikokau de igoungu, abeika to ngona ani sade ma demo de ngona ko nagou-goungua notemo. Marai noboaino noigo dika nomiwuni-wuningi o parangi ma goronaka.” Hokogea o Dautu ai riaka wihitipokouku.