Yohanese 5:6 - Ma Jou ai Demo-demo o Totobelohoka

⁶ De o Yesusu wihioriki ai kangela ma dekanoka, ho ka de wimake una gea de wileha unangika wato, “Sarakia hobata, noigo notogumu?”

Yohanese 5:6 Iomraidhean Croise

Ibarani 4:15

De to ngone nanga Hidemo wokokurutiye Ma Jouika, Una gea ka idadi duru wonahioriki abe to ngone nanga hininga ma buturungu ka ikurangohi. Angamoi Unangoo ma dihiraino de iwihiata-atara ma ngoe, de abe o hiatara mata-mataika inadaene ngone o nyawaino, enangoo gea mata-mata iwidaenoka Unangika. Masara ngaro hokogea iwihiata-atara Unangika, masara Una duru ko wahowonua.

Lukasa 18:41

“Ngona o kia nomagahoko Ngohino la nato toniduhunu?” De wipaluhu wato, “Ahi Baluhu, duru toigo la tomahioriki.”

Ibarani 4:13

De gea moioo de ko iwa abe to Una ai dulaadoka de ka akunu imagogono la ufa wamake. Masara gea duru mata-mataika imatawangeika dika la Ma Jou ai lako ka yobawilika enangika. Ho Unangika ahao ngone kiani homoi-homoi homahitararono abe ma titi nanga hininga ma datoro mata-mataika. Ho igoungu kiani ngone hohidodiai hanii-niiki ai hingahu ma demoika abe Unangoka de aino iboa.

Yohanese 21:17

Ma ka de wihulokoli hokogea de o Yesusu wilehali o Peturusika wato, “Simono, to Yohanese ai ngofaka, ngona nagoungu nohidora Ngohi?” De o Peturusu naa ai hininga duru ihuhaka ma titi naa ma hangeou o Yesusu wileha wato, “Igoungu ngona nohidora Ngohi?” Ho o Peturusu wopaluhu o Yesusika wato, “Ahi Baluhu ko iwa moi la Ngona ko nohiorikua, ho ka Ngonahi nohioriki abe tagoungu tonidora.” De o Yesusu wihibehehongoli wato, “Ngona kiani ahi domba natofo.”

Yohanese 5:7

De una wofikiri o Yesusu woleha hokogea de ma titi nako wouti o akeruku ma oraha o malaekata aluluaka ma akere de ka idadi wouti o akeruku gea la wotogumu. Ho wipaluhu o Yesusika wato, “Ahi Baluhu, duru toigo masara ma oraha o akere aluluaka ahi dodiawo ko iwa abe ka idadi ihiduhunu touti ma akeruku. Ho ngaro tomaliara tato o akeruku touti la totogumu ma o nyawa utu yohiraka hiadono ngaro tato touti la totogumu ma ko tomahidae-daenua.”