Yohanese 4:11 - Ma Jou ai Demo-demo o Totobelohoka

¹¹ De o Samaria ma ngofeka gea motemo Unangika mato, “Ahi Baluhu, ko iwa ani guguiti de o humu naa kohagurutuku ho done o kiaino namake o akere abe inahidoaka o wowango o nyawaika? Ho done sarakia ngona nato ka idadi nohihiokere ngohino o akere ma ngango gea?

Yohanese 4:11 Iomraidhean Croise

Yohanese 3:4

De o Nikodemusu wileha o Yesusika wato, “Ho mode yobaluhiyeoka de ka idadi yomaboali? De mode ka idadiohi manga meme ami pokorika yolioli la yahigerewotoli?”

Yohanese 4:14

Masara onagona dika yokere o akere abe Ngohi ka idadi tahidoaka, gea ma moi dika yaokere de ko yopereluokaua yokere o akere gea. Angamoi o akere gea ahao idadi o akere ibubungiye manga badanga ma goronaka de genangino yomamake o wowango ma ngango ho ka hiado-adonika.”

Yohanese 7:37

Ho ahao adonoka o wange gea manga rame-rame ihibobaha, abe ka ma wangeohi gea duru ikurutiye, de o Yesusu womaokoino de duru waamo-amokiye wato, “Onagona dika abe manga ngomaha yodudungu ka idadi yoboaino Ngohino de Ngohi tahiokere.

Hidingoto 10:14

Masara una wopaluhu wato, “Ahi Baluhu, ngohi duru ko tadadiua! Angamoi ahi etetekinohi de hiadono naa de ko ma moiuahi taolomo ma roehe abe to ngomi mia Pareta imihuloko ato gea ko idadiua ma roehe gea miolomo.”

1 Korintusu 2:14

Masara onagona dika abe ko iwingakua Ma Jouika, ona gea ko yodafongua ma dodotoko gea Ma Jou o Womahino angamoi gea ena yafikiri ato ibodo. De hongoli ona gea ko idadiua yataoko ma titi genangino, angamoi Ma Jou o Womaha ko iwiwa onangoka.

Himatoko 21:6

De ahao ka wotemohi wato, “Naa tabootokau ahi karajaanga abe ma dodihiraka de tohideeokau! De Ngohi naa ko kia-kiauahi idadi de Ngohi nagau, de Ngohi duru ko iwa ahi bobaha. De onagona dika abe manga ngomaha yodudungoka, onangika gea ahao Ngohi tahiokere o jobuubuino abe nako ma akere genangino yaokere, de gea yamake o wowango genangino. De gea tahiokere onangika masara ngaro ufa de yofangu angamoi Ngohi ka tahidoaka dika onangika.

Himatoko 22:1

De ahao ipahaino ma malaekata gea wohihimatoko ngohino o akere moi ihahurika, abe ma akere gea nako yaokere, ka idadi o wowango yahidoaka o nyawaika. De ma akere gea duru ileto-letongo abe hoka o hakaru ma leto-letongo gea ma romanga o kristala ma meletongo. De gea ihahuru Ma Jou de o Domba ma Ngofaka manga kadera ma hohailoaka de aino

Himatoko 22:17

De naa Ma Jou o Womaha de onangoo abe yodadioka o Domba ma Ngofaka ai darunu, ona mata-mata yakokiahoko o nyawaika ato, “Abeika niainohi!” Ho onagona dika abe yototoihene ma demoino naa kiani onangoli yahoko o nyawa utuika ato, “Abeika niainohi Unangino la niwiniiki!” De gea onagona dika abe manga ngomaha yodudungu de yoigo o wowango ma akere yaokere, ona gea ka idadi yoboa dika de o wowango ma akere gea ngaro ufa de yofangu ma ka idadi yomale dika de yaokere la ona gea yowango.

Himatoko 7:17

De gea manga kangela ko iwaka angamoi ma titi o Domba ma Ngofaka abe womaokoino ma kaderaka gea, Una ma hirete ahao wodadi manga gogoana de wahihira-hira abe hoka o domba ma gogoana womatengoani wahihira-hira ai domba. De gea Una wahihira ai nyawa de wao o akere ma jobuubuika abe nako ma akere genangino yaokere de gea yamake o wowango genangino. De Ma Jou Una ahao manga koongo mata-mata abe manga lakoka de aino gea wakokiehe, angamoi genangoka de imahikaika duru ko iwaka manga kangela de manga huha.” Hokogea ai hitararono ma demo ngohino abe ma titi o nyawa ko manga ngoe gea abe naga to Una ai kadera ma hohailoaka.