Yohanese 3:9 - Ma Jou ai Demo-demo o Totobelohoka

⁹ Ka de hokogea woihene de o Nikodemusu duru woheranga hiadono wotemo wato, “Ei, ma titi gea marai ngohi ko tomangaratiiuahi.”

Yohanese 3:9 Iomraidhean Croise

Sosawaro 4:18

“Masara o nyawa abe yaniiki o totiai gea to ona manga ngekomo hoka o wange ipotokaiha ma dararono abe itararono ma morikotiha de ka ihikaika idogo ma buturungu ma dararono gea ka hiadono o wange ikoronaiha. De imaketero hokogea idadi nako o nyawa yapake Ma Jou ai totiai abe gea ma ngekomo la ka ihikaika idogo ma buturungu manga totiai manga wowango ma datoroka.

Lukasa 1:34

De o ngo Maria mopaluhu o malaekatika mato, “Masara ngohi ko ma moiuahi mimahigelenga de o nauru, ho done sarakia tamake o ngofaka gea?”

Yohanese 3:10

De o Yesusu wipaluhu unangika wato, “Ngona naa o Isiraele ma nyawa manga guru abe ona duru inihikurutiye de mode ngona ko nomangaratiiua ma titi naa abe tonihingahuoka?

Yohanese 3:4

De o Nikodemusu wileha o Yesusika wato, “Ho mode yobaluhiyeoka de ka idadi yomaboali? De mode ka idadiohi manga meme ami pokorika yolioli la yahigerewotoli?”

Yohanese 3:8

De ahao o Yesusu wohiketero wato, “Ma Jou ai Womaha ka idadi hohiketero de o hidaloko angamoi ko idadiua o hidaloko hamake de nanga lako. Gea iwuwu ka idadi ma ilingi hoihene ma, ko hohiorikua o kiaino iboa de o kiaika akaika. Imaketero hokogea de ona abe yomaboali ma titi yahigerewoto de Ma Jou ai Womahino abe ka idadi hamake manga wowango ma datorino abe ona yodadioka Ma Jou wahikoano.”

Yohanese 6:52

Gea o Yesusu wotemo ibooto de o Yahudi ma nyawa gea duru yomulaenge yomaketeribuutu ato, “Ho done sarakia o nauru naa wotemo wato ai roehe wonahidoaka de wato ena gea kiani haolomo?”

Yohanese 6:60

Masara o nyawa manga ngoe abe manga biaha iwinii-niiki o Yesusu, ka de yoihene ai hitararono gea de yomakoketemo ato, “Ou! O dodotoko naa ma titi ka itubuhoholi! Onagona de yapoa yodafongo nako hokogea o dodotoko ma dubuho, done moioo de ko yapoaua yodafongo!”