Yohanese 3:7 - Ma Jou ai Demo-demo o Totobelohoka

⁷ Ho ufa ngona noheranga angamoi Ngohi tonihingahuoka ngonaika tato, ngini kiani nimaboali.”

Yohanese 3:7 Iomraidhean Croise

Yohanese 3:12

De ma titi naa abe Ngohi tonihingahuoka, gea abe idadi o duniaka. Ho nako ma titi gea ko nomangaratiiua de done sarakia nohingaku nako tonihingahuoli abe idadi o Horogaka?

Yohanese 3:3

De o Yesusu wopaluhu unangika wato, “Naa duru tagou-goungu tonihingahu, o nyawa abe Ma Jou ahao wahikoano ona gea kiani yomaboali.”

Yohanese 3:6

Angamoi o kia dika yahigerewoto o roehino gea ka o roeholi, de o kia dika yahigerewoto o Womahino gea ka o womaholi.

Yohanese 3:8

De ahao o Yesusu wohiketero wato, “Ma Jou ai Womaha ka idadi hohiketero de o hidaloko angamoi ko idadiua o hidaloko hamake de nanga lako. Gea iwuwu ka idadi ma ilingi hoihene ma, ko hohiorikua o kiaino iboa de o kiaika akaika. Imaketero hokogea de ona abe yomaboali ma titi yahigerewoto de Ma Jou ai Womahino abe ka idadi hamake manga wowango ma datorino abe ona yodadioka Ma Jou wahikoano.”

Yohanese 5:28

De o Yesusu wohigila-gilali womahingahu o Yahudioka manga balu-baluhika gea wato, “De ufa niheranga ahi demoika naa. Ahao naga ma oraha abe ona yohonengoka mata-mataika ngaro o kiaka dika naga ma ka ihigihene ahi ilingi.

Kolose 1:12

De moiohi minigahoko, la ngini ka ihikaika nitarimakase nanga Babaiye angamoi Una winihigunoa la nginioo ai owa ma hidoku niamake Unangoka de aino. Abe Ma Jou ai kokawaaha mata-mataika Una wahikokodokuoka ai owa onangika, de ona yokokigogere ai dararonoka. De naa nginikaoo winihikodoku ai owa la hiadono nginioo ai owa niamakeoka de nigogere ai dararonoka. Ho ma titi ena gea hiadono koaho nitarimakase Unangiye. Ho ngomi naa ka ihikaika minigahoko Ma Jouiye la ngini ka idadi nioaguru ai mau ma goronaika.

Ibarani 12:14

De ngini kiani duru nimaribuutu la ka ihikaika nimakao irahai ngini de o nyawa mata-mataika la o hininga ma miriidi ilaku nginioka. De kiani nimaribuutuoo la o hininga ma debi-debini ka ihikaika nianiiki, angamoi nako hoka ngini ko nianiikua, gea ahao hatoli nimaketero hoka o nyawa abe ko yotebinua. De gea hohioriki ona gea ahao duru ko idadiua iwimake Ma Jou.

1 Peturusu 1:22

De mangale ma titi naga nia hingounu ma gou-goungika abe o Abari ma Rorahaiika hiadono ti ngini nia wowango ihitebinoka genangino. Ho mangale nia wowango itebinoka ho ngini ka niakunu nimakodora ngini o gogianongoruoka abe de nia dora ma gahumu dika. Ho naa tinihuloko nginika tato ngini kiani duru nimakodora de nia hininga ma gahumu abe nia hininga ma debi-debinoka de aino.

Himatoko 21:27

De gea ko yahigunoaua ma dorou o kia dika la iwohama ma kota ma goronaika. De ngaro hoka naga womatengoani abe ai wowangoka ma datoro itorou eko abe yotobaeluku, ma unangoo ko iwihigunoaua la o kota ma goronaika wowohama. Masara ona abe manga roma-romanga naga ihitulihukuoka abe o Domba ma Ngofaka ai Wowango ma Buku ma dolauku, ona gea dika abe ka idadi yowohama ma kota ma goronaika.