Yohanese 3:6 - Ma Jou ai Demo-demo o Totobelohoka

⁶ Angamoi o kia dika yahigerewoto o roehino gea ka o roeholi, de o kia dika yahigerewoto o Womahino gea ka o womaholi.

Yohanese 3:6 Iomraidhean Croise

Dodadi 5:3

De o Adama wowango o taongo o ratuhu moi de moruange ai dekana de ahao wamake ai ngofaka womatengoli abe wihiromanga o Seete de to una ai rupa hoka ai babali abe duru wituruuru o Adama.

Dodadi 6:12

De gea ona Ma Jou watailako de ka manga dorou dika wamake. Angamoi o nyawa o duniaka manga datoro moi dika de gea yomahiketehikokangela.

Dodadi 6:5

De Ma Jou o Yawe wamake o nyawa mata-mataika manga wowango ma datoro itorou. De wamakeoli abe ka ihikaika ipuda manga hiningaka ka ma dorou dika.

Higiriiri 51:10

Ahi Jou! Ngohi ahi hininga de ma pesekoka ho ngohi duru tomatoduba, De tomagahoko la nokarajaanga ahi hiningaka hiadono duru itebinoka, Ka idadi Ngona ahi hininga naturuuru de o hininga ma hungi ahi wowangoka.

Yohanese 1:13

Ho gea yodadi Ma Jou ai ngofa-ngofaka ko imakadaenua hoka o duniaka ma ngofaka abe manga baba o nyawa hiadono yomaboa manga eleino. Masara ona manga ngongaku Unangika ma titi hiadono Ma Jou wahidadi to Una ai ngofa-ngofaka idodutu.

Yohanese 3:7

Ho ufa ngona noheranga angamoi Ngohi tonihingahuoka ngonaika tato, ngini kiani nimaboali.”

Roma 7:18

De gea ngohi duru tomahioriki abe moioo de ko iwa ma rorahai abe imanoa ngohioka. De gea ahi demo ma titi tanu ko iwa ma rorahai abe imanoa ahi badangoka, angamoi duru tomahioriki abe ahi badanga naa o duniaka dika ho ma rorahai ko iwa genangino. De tohioriki abe ma rorahai ko iwa ahi badangoka angamoi ngaro ngohi duru toigo todiai o datoro ma rorahai masara gea ena ko takunua.

Roma 7:5

Masara nako ma dihiraino de nanga hofoko hokogenangua. Abe ma oraha ngone ka haniikohi to ngone o nyawa dika nanga hininga de gea nanga badanga ma goronaka naga nanga hafini o howonika hiadono ngone ka hahowo-howonohi. De ahao naga ma oraha abe hoihenino Ma Jou ai Pareta. Masara gea ka de hoihenino de ipuda nanga hiningaka abe hoigo halawana ai Paretaika. Ho ma titi ai Paretaino de gea barikua hohioriki to Una ai hininga ma ka idogoli abe hahowono Unangika ma titi nanga badanga ma hafini ma dorouino. De nanga howo-howono gea ihihofoko de o hone-honenge ngoneoka.

Roma 8:13

Angamoi nako o nyawa de manga wowango ma goronaka de yanii-niiki manga badanga ma hafini ma dorouika, gea ahao manga wowango hoka ihonengoka angamoi gea ka yomakitingaka Ma Jouoka de aino. Masara Ma Jou o Womaha wonahiakunu la ka idadi nanga badanga ma datoro ma dorou gea hatingakika! De nako nanga datoro gea hatingakika, gea ahao nanga wowango duru irorahai angamoi imakiniiki de Ma Jou ai mau.

1 Korintusu 6:17

Masara ona gea abe yomahikodofanga nanga Baluhika, onangoli gea yodadioka yomahiwomaha moi de de Una. Ho onagona dika yomahikodofangoka nanga Baluhika, ufa ona gea yomahikodofangoli onangika abe ko itiaiua yomakitigi de ona.

2 Korintusu 5:17

Ho ngomi duru mihioriki abe nako onagona dika manga gogere naga o Yesusu Kristusoka, ona gea yodadioka o dulaada ma hungioli! Abe to ona manga wowango ihira-hira gea ipahaka, de abeika to ona manga wowango duru aturuuruoka de ma hungioli!

Galatia 5:24

De ngone onagona dika abe hodadioka to Yesusu Kristusu ai nyawa, ngone nanga badanga ma hafini ma dorou de nanga badanga ma horoodo ma dorou mata-mata gea hoka ihidapakuikaka to Una ai gotaika.

Efesusu 2:3

De igoungu, nako ma dihiraino gea ngone mata-mata nanga wowango ka imaketero dika abe hoka onangoli, angamoi gea hatobaniiki nanga hininga ma dorou. Ho gea ngaro abe nanga hiningaka ma horoodo eko nanga badanga ma hafini ma dorouika, masara gea haniiki dika la hato homahisosanangi. Ho abe igoungu ngone ma oraha gea ka homaketero dika hoka o nyawa utuoli mata-mataika, ho gea tanu itiai nako ma oraha gea de Ma Jou ai ngamo inakokidaene ngoneoo ma titi nanga howo-howono to Una ai himangoka.

Kolose 2:11

Ho nako hiadono ona yotobadotoko o ngelu-ngelukino initaere ato ko ningodumuahi ma titi ko inihunauahi, naa ena nia lalaru ma demo abe ka idadi nimahihohininga. Abe mangale ma titi nimarimoi ngini de o Kristusu, ho hiadono nginioli inihunali. Masara nia huhuna gea ko o nyawakaua de aino, masara to Kristusu ai huhuna. Abe ma dodihiraino ma oraha o nyawa yahuna de manga roehe ihikitingaka onangino, masara nako to ngone nanga huhuna o Kristusoka hokogenangua. Abe nako to ngone nanga huhuna, gea ko nanga badangokaua, masara nanga hiningaka dika. Ho nanga huhuna o Kristusoka ma titi nanga hiningaka ma hafini ma dorou ihikitingakoka ngoneino.

1 Yohanese 3:9

Ho onagona dika yomaboali Ma Jouino, ona gea o howono ko anii-niikua, angamoi gea Ma Jou ai ngofa-ngofaka yodadioka, ho Ma Jou ai hininga imanoa onangoka. De ona gea tanu ko yadadiua yatobahowono angamoi duru Ma Jouoka de aino ona yomaboa.