Yohanese 21:3 - Ma Jou ai Demo-demo o Totobelohoka

³ De gea o Simono Peturusu womahingahu wato, “Marai ngohi naa ahi homa todotumo o akeruku.” De ona abe iwidodiawo ato, “Nako gea ka idadi ngomioo mininiiki.” Ho gea yoiki o ngooto ma ngigorika de yofarene manga ngotiroko. Masara manga futu moiino yomahoma hiadono yahidetebiniye masara ko yamakeua o nawoko.

Yohanese 21:3 Iomraidhean Croise

Lukasa 5:5

De o Simono wipaluhu wato, “Ahi Baluhu, o futu ngohi de ahi dodiawo mia karajaanga ma dubuho ho ka imihidetebiniye mihoma masara ko kia-kiaua mihidotadaene. De ngaro hokogea ma ka idadi mianiiki ani demo de mia homa miaumo ma moioli.”

Yohanese 21:4

Ho duru o ngoru-ngorumino yolio de yoboaiha de o Yesusu naga dina o dowongioka ho iwimake womaokoino genangoka masara ona ko iwihiorikuahi gea Una.

Hidingoto 18:3

De ipahaino de o Paulusu womanoa onangoka de yomakuduhunu manga karajaangoka, angamoi ngaro o Paulusu de ngaro ona yahinooto masara ona mata-mata manga karajaanga o hijai-jai ma tau yotobadiai o ngoerino.

Hidingoto 20:34

De ngini nihioriki abe to ngohi ahi giamino naa de tomahidailako ahi wowango ma perelu. De ngaro ahi dodiawo manga perelu abe ihitobaniiki, masara to onangoo manga perelu tahidailako.

1 Korintusu 3:7

Ho gea ngaro womatengo wotobadatomo eko ngaro womatengoli wotobatuagi, ma, ona gea ko kia-kiaua de ko yokurutiyeua. Masara ka Ma Jou dika, Una gea wokokurutiye, ho ma datomo gea Una dika wohifero-fero.

1 Korintusu 9:6

De ngomi mata-mataino de bote ka ngohi de o Baranabasa dika imihinooto kiani mikarajaanga la mia inomo mimahidailako? Tanu hokogea ko itiaiua. Angamoi ngini ma hirete nimihioriki abe ngomi naa igoungu Ma Jou ai hidingoto ma nyawa de naga mia kuaha Unangoka de aino.

1 Tesalonika 2:9

De ngini, mia gogianongoru, marai ngini ka niohiningahi abe to ngomi mia karajaanga de mia kangela ma oraha gea abe ka nginiokahi mimanoa. De gea o futu de o wange ka ihikaika mikarajaanga la ka idadi mimahidailako la gea miato Ma Jou ai Abari ma Rorahai minihingahu-ngahu de gea done minihitubuho nginika ma titi mia wowango ma perelu.