Yohanese 21:1 - Ma Jou ai Demo-demo o Totobelohoka

¹ De ipahaino o Yesusu womahimatoko ma moioli ona iwitobaniikika. De gea womahimatoko o Tiberia ma akere ma ngooto ma datekoka abe ihiromangoli o Galilea ma akere ma ngooto. De ma oraha womahimatoko hokonaa ma ade-ade.

Yohanese 21:1 Iomraidhean Croise

Matiusu 26:32

Masara ahao tomomikoli ahi honengino, de gea ahao Ngohi toiki tohira o Galilea ma tonakika, de ngini ahao nihihidoduruino.”

Matiusu 28:16

De ipaha de abe o Yesusu iwinii-niiki yangimoi de yamoi ona yosoboka yoiki o Galilea ma tonakika, de manga dumutu o loku moiika abe ma loku gea o Yesusu wahibehehongoka.

Matiusu 28:7

De yomahitigika yatutumu ai dingii gea de igoungu Una ai honenge ko iwiwaka. De ahao ma malaekata wotemoli wato, “Ho naa ngini nimataiti niloikohi de niahingahu iwinii-niikika abe Una womomikoka ai honengino. De niahingahuoo niato, ‘O Yesusu Una gea wohiraka o Galilea ma tonakika, ho ahao niwihiduruika la genangoka de ahao nimakamakeoli de Una.’ Hokogea kiani niahingahu onangika. De ufa niawohanga ahi demo naa abe tinihingahuoka la gea ahao niadofanga iwinii-niikika.”

Maruku 16:12

De ahao o Yesusu womahimatokoli ai dodiawo yahinootoikali. Abe ai dodiawo yahinooto gea, ona yohupuoka ma kotaino ho yoiki ma hoanika. De manga dodagi ma goronaka de o Yesusu womahimatoko onangika, masara iwimake hoka o nyawa moioli, abe ai rupa hoka ma dihiraua.

Maruku 16:14

De ipahaino de o Yesusu womahimatokoli abe iwinii-niiki yangimoi de yamoiika. Abe ona gea yolomo manga gogiriaka de onangika womahimatoko de wataere wato, “Ngini naa marai nia ngongaku ikuranga. De adodoa ho kangano manga demo ko niangakua abe ma titi Ngohi tomomikoka? Abe ona ihimake de inihingahu ma gea ngini ko niodafongua. Maraioka ngini nia pea ka itogowinohi, e?”

Maruku 16:7

De ngini naa kiani niloikohi de niahingahu iwinii-niikika de o Peturusikaoo niwihingahu de niato, ‘O Yesusu Una gea wohiraka o Galilea ma tonakika, ho ahao niwihiduruika la genangoka de ahao nimakamakeoli de Una. Angamoi Una wohiraka abe imaketero hoka ma dihiraino winihibehehongoka.’”

Yohanese 21:14

Gea o Yesusu womomikoka ai honengino de naa ma hange ibooto womahimatoko ona iwitobaniikika.

Yohanese 6:1

De gea ipahaino de o Yesusu de ona iwinii-niiki yomahihora o Galilea ma akere ma ngooto ma honongaika, abe ma ngooto gea naga ma romanga moioli o Tiberia ma akere ma ngooto. De ma oraha gea o nyawa duru ko manga ngoe iwiniiki o Yesusu. De gea yoigo iwiniiki angamoi yamake o heheranga wodiai o nyawa yopopanyakeika.

Hidingoto 1:3

Abe Una iwihikangela de iwihohonenge de hiadono womomiki ai honengino. Masara gea ipaha de ahao Una ai futu moruatino de ma ngoe womahimatoko iwinii-niikika la womahitaana abe Una ka wowangoli. De gea ma oraha womahimatoko onangika de ka ihikaika wahitararono abe ma titi hokokia Ma Jou wahikoano ai nyawaika.