Yohanese 2:7 - Ma Jou ai Demo-demo o Totobelohoka

⁷ De abe yoleleani o rame-rame ma goronaka gea o Yesusu wahibehehongo onangika, wato, “O akere ma ngi gea kiani niakokiomanga de o akere.” Ka de ai behehongo yoihene de yomulaengoka o akere yale de yoguhe ma boto-botouku gea hiadono duru yakokiomangoka.

Yohanese 2:7 Iomraidhean Croise

1 Kokoano 17:13

De o Elia wotemoli munangika wato, “Hobata, ngaro ufae dika de nohawana de o hafini masara nolio de nodiai dika abe hoka nohideeoka. Masara ihira nohidiai ahi roti moi ma eteteke abe ani tarigu de ani saitunu ma minyaino, de ahi roti gea nohihidoaka ngohino de ahao nodiaioli ti ngini nia inomo la ka idadi nginioo niaolomo.

Yohanese 2:3

De ona abe yahokino yaniiki o gogilaka ma rame-rame onangika yahiokere o angguru ma teongo ma gohaka. Masara ahao manga angguru ma teongo yamataka de o Yesusu ngoi meme moiki mihingahu o Yesusika mato, “Manga angguru ko iwaka.”

Yohanese 2:5

Ho ngoi meme mahingahu onangika abe yoleleani o rame-rameoka gea mato, “O kia dika o Yesusu winihuloko la nidiai, gea ngini nidiai.”

Yohanese 2:6

De genangoka naga o akere ma ngi butaanga abe yodiai o hakaruino. De o akere ma ngi gea ma hapa hoka o boto duru ma ago-agomo abe amomoiika ka idadi ihinoa o akere ngade-ngade o litere o ratuhu moi. De genangino yomaguiti o akere la yapake yomaihoro de genangino yale la manga kiahonanga yaihoro ihidodiai imaketero hoka o Yahudi ma nyawa yomahibohono la ato manga datoro itiai Ma Jouika. Gea ma titi hiadono o akere ma ngi butaanga gea naga genangoka.

Yohanese 2:8

Gea yaomanga ibooto de ahao o Yesusu wahibehehongoli ona yoleleanika wato, “Ho gea ibooto ho naa genangoka niwiguiti la o rame-rame manga hidimonika niwidotaka.” Ho yodiai hoka o Yesusu wahibehehongoka.