Yohanese 2:6 - Ma Jou ai Demo-demo o Totobelohoka

⁶ De genangoka naga o akere ma ngi butaanga abe yodiai o hakaruino. De o akere ma ngi gea ma hapa hoka o boto duru ma ago-agomo abe amomoiika ka idadi ihinoa o akere ngade-ngade o litere o ratuhu moi. De genangino yomaguiti o akere la yapake yomaihoro de genangino yale la manga kiahonanga yaihoro ihidodiai imaketero hoka o Yahudi ma nyawa yomahibohono la ato manga datoro itiai Ma Jouika. Gea ma titi hiadono o akere ma ngi butaanga gea naga genangoka.

Yohanese 2:6 Iomraidhean Croise

Lukasa 16:6

De wipaluhu wato, ‘Ahi nagimi duru ilamoko, abe o saitunu ma minya o toongo ngimoi de iata!’ De wotobauru-urusu wihingahu wato, ‘Naa ka idadi toniduhunu. Ho ngona nomataiti nogogeruku de ani nagimi ma bukuoka naturuuruohi la itemo ani nagimi o toongo tumidokahi dika.’”

Yohanese 2:7

De abe yoleleani o rame-rame ma goronaka gea o Yesusu wahibehehongo onangika, wato, “O akere ma ngi gea kiani niakokiomanga de o akere.” Ka de ai behehongo yoihene de yomulaengoka o akere yale de yoguhe ma boto-botouku gea hiadono duru yakokiomangoka.

Yohanese 3:25

De o wange moiuku o Yohanese iwinii-niiki de womatengo o Yahudi ma nyawa, ona yomaketeribuutu ma titi hokokia kiani yomaohiki itiai Ma Jou ai himangoka.

Efesusu 5:26

De gea womahidoaka la ngone wonahitebini nanga howo-howonino. De gea ngade-ngade imaketero abe hoka momatengo o ngofeka mato moilaka. Muna gea ko moilakuahi de kiani imiohikohi la ma oraha imiao ami darunika de muna duru motebinoka. Masara nako ngone o Kristusu ai garejaka, ngone wonahitebini ko de o akerinoua masara Una wonahitebini de to Una ai Demo-demoino abe to ngone nanga howonino.

Ibarani 10:22

Ho abeika ngone ngaro ka homahitigi Ma Jouika! Angamoi nako to ngone nanga hininga, gea ena ihitebinoka ma titi o Kristusu ai awunino hiadono ma dorou ko iwaka genangoka, ho gea ko hohawanokaua o hohowonika. De gea ngone ngade-ngade homaketero abe hoka ona o hohidemo Ma Jouika abe ona gea yomahiohikoka de o akere duru ma debi-debini hiadono manga peseke duru ko iwaka onangoka. Ho ma oraha naa duru ko iwaka nanga ngekomo ma hungi ma goronaka yodurutukuku, ho abeika ngone ngaro ka homahitigi Ma Jouika de nanga hininga ma gahumu, de nanga ngongakuoo ma gahumu Unangika, angamoi ngone hagou-goungu homahinganono to Una ai karajaangika abe Una womahidoaka ma titi ngone.

Ibarani 6:2

De nagali nanga dodotoko ihira-hiraika utuoli, abe gea hoka nanga gogohiki ma hiaturu, de abe hokokia nanga gogianongoru hafokumu o gareja ma himangoka ma oraha hahitagongo moi onangika, de abe ma dodotoko abe ma titi ona yohone-honengoka ahao yokokimomiki manga honengino de ahao Ma Jou waurusu de waputuhu abe hokokia ona homoi-homoi manga baha ka hiado-adonika yaborimake. De nanga dodotoko mata-mata gea tanu ngaro ufa dika de hohigali-galioli homadotoko.

Ibarani 9:10

De igoungu, hokogea ibooto o behehongo ihira-hiraika angamoi to ena ma hiaturu ma dumutu gea ka nanga badangino dika, abe hoka nanga inomo de nanga ngokere o kia ka idadi holomo de hokere, de hokokia kiani ngone homaihoro de homaohiki la homahuba itiai Unangika. De nako to Una ai hiningaka Una wato ma hiaturu gea mata-mata ka jai-jaiohi dika ngone haniiki ka hiadono to Una ai hiaturu ma hungioli idadi, abe genangoka de ahao ma hiaturu ma hungioli hanii-niiki.

Ibarani 9:19

Abe duru ma dodihiraino de o Musa wadofanga Ma Jou ai Pareta mata-mata o Isiraele ma nyawaika. De gea wadofanga ibooto de ahao wale o hapi ma ngofaka ma awunu de o kabingi ma awunu de gea wohikasapuru de o akere. De ahao o hisopo ma jaga muruono naga de o ngoere ma doka-dokara abe o domba ma gogoino yodiai, de enangoo gea waleino de wapake la ma awunu wohibarihi Ma Jou ai Pareta ma bukuku de ma nyawaikaoo mata-mataika.