Yohanese 2:5 - Ma Jou ai Demo-demo o Totobelohoka

⁵ Ho ngoi meme mahingahu onangika abe yoleleani o rame-rameoka gea mato, “O kia dika o Yesusu winihuloko la nidiai, gea ngini nidiai.”

Yohanese 2:5 Iomraidhean Croise

Dodadi 41:55

De angamoi naa manga tonaka ma hasili ko iwa ho o hafini gea kohagiria hiadono o Mesiiroka ma kokawaaha manga koanoika yomagahoko o inomo. De ahao o Firaunu wahingahu onangika wato, “Ngini niloiki dika o Yusupika de o kia dika winihiaturu gea kiani nidiai.” Hokogea o Firaunu wahuloko.

Dodadi 6:22

De o Nuhi wihingounu Ma Jou abe wodiai mata-mata wataana abe Ma Jou wihibehehongoka unangika.

Matiusu 12:46

De o Yesusu wotemo ai gogiriaka abe o nyawa ko manga ngoeika de ahao ngoi meme de ai doo-dodoto yoboa ma tauino abe naga genangoka o Yesusu de iwinii-niiki. De ona yoboaino masara ka o tau ma poretoka dika de iwibehehongo la ato wohupuohi onangino la watutumohi.

Yohanese 15:14

De ngini naa nidadioka ahi dodiawo nako nidiai hoka tinihibehehongoka.”

Hidingoto 9:6

De naa tonihuloko la nomomikiye de nogila-gila nowohama ma kotaika. De nomahiadonoka de ahao naga abe inihingahu ngonaika o kia ahao kiani nodiai.”

Ibarani 11:8

De nako o Abarahaama, mangale unangoo wingaku ho wihingounu abe ma oraha Ma Jou wihibehehongo unangika wato kiani wanoaka ai tonaka de woiki o tonaka moiikali abe ahao ma tonaka gea Ma Jou wihidoaka unangika la idadi to una ai tonaka. De gea wihingounu de wosoboka, ngaro ma oraha wosobo de ko wohiorikuahi abe ai dumutu gea ma tonaka o kiaka idateke.

Ibarani 5:9

De gea ai wowango ma dodagi mata-mataika de duru wihingounu ai Babaika ho hiadono duru itiai o Yesusu wodadi nanga Hidemo Ma Jouika, angamoi duru ko iwa ai kuranga Unangoka. De hokogea Una ka wakunu wonaduhunu la ngone abe naga nanga hingounu Unangika, gea ngone ka idadi howango ka hiado-adonika, de gea nanga wowango ma titi ka Unangoka dika.

Hihira 13:14

Muna ko idadiua maokere o kia dika abe o angguru ma datomino. Abe kiani momahibohono o angguru ma gohakika la ufa maokere ena gea eko o ngokere utu abe de ena gea abe ka idadi imihidaluku. De ko idadiua maolomo o inomo abe Ma Jou ai Pareta ato ko idadiua ngini o Isiraele ma nyawa niaolomo. Muna kiani maniiki duru imaketero ahi demo mata-mata gea abe tomihingahuoka.” Hokogea ai demo wihigalioli o Manoaika.

Ruutu 3:6

Hokogea ami hininga ho ka de momahidiai ibooto de moiki o Boasa ai gandumu ma rorero ma ngiika de modiai duru imaketero hoka ngomi hunungu momidotokoka.