Yohanese 2:2 - Ma Jou ai Demo-demo o Totobelohoka

² Abe o gogilakino manga baluhu manga hiaturu la o Yesusu de ona iwitobaniiki onangoo yahokino la manga gogilaka ma rame-rame yaniiki.

Yohanese 2:2 Iomraidhean Croise

Matiusu 12:19

De to Una ai demoino de ko yomaketeribuutua Una de o nyawa, de ko wabobanaratua onangika. De nako o nyawa manga ngoe manga hima-himangoka de Una ko womahagaagaua, angamoi ko hokogenangua to Una ai hininga.

Matiusu 25:40

“De ahao Ngohi manga Koano tahingahu onangika tato, ‘Masara ma dihiraino de naga ma oraha abe ngini niaduhunoka to Ngohi ahi nyawa-nyawaika ma oraha abe naga manga perelu. De naa tagou-goungu tinihingahu abe nako niaduhunoka to Ngohi ahi nyawaika onagona dika de gea taetongo imaketero hoka ngini nihiduhunoka Ngohi naa. Abe ngaro ahi nyawa abe manga gogere ka itipokouku de onangika niaduhunu, gea imaketero Ngohi naa ma hirete ngini nihiduhunoka!’”

Matiusu 25:45

“De hokogea ona yomademo, masara Ngohi ahao tapaluhu onangika tato, ‘Masara ma dihiraino de naga ma oraha abe ngini nioluku niaduhunu to Ngohi ahi nyawa-nyawaika abe ma oraha ona naga manga perelu. De naa tagou-goungu tinihingahu abe nako niolukoka niaduhunu to Ngohi ahi nyawaika onagona dika de gea taetongo imaketero hoka nginioo niolukoka nihiduhunu Ngohi naa. Abe ngaro ahi nyawa abe manga gogere ka itipokouku de nioluku onangika niaduhunu, gea imaketero Ngohi naa ma hirete niolukoka nihiduhunu!’”

Yohanese 2:12

Ho gea ipaha de o Yesusu woiki dai o Kapenaumu ma kapongoko. Naga yomakiniiki ngoi meme de ai doo-dodoto de ona gea abe wairiki la iwitobaniiki. Ho manga futu muruonino naga yomahidodogumu o Kapenaumu ma kapongoka.

Yohanese 2:17

Gea ka de idadi de ona iwitobaniiki yomahohininga abe itulihukuokau Ma Jou ai Demo-demoka abe itemo ato, “Ahi Baba, ahi dora alufungoka ani tauika hiadono ko tomatongohonokaua ho kiani ani tau todatoko o dorouino.”

Yohanese 2:22

Masara duru ma dekanino de ahao ai demo ma titi gea ona iwitobaniiki yohininga de yomangaratii. Abe ai lungunino o Yesusu womomikokau de ahao yomahohininga ai demo ma dihira gea womahiketero ai badanga de Ma Jou ai Tau. Ho gea yomahohininga de ona duru yangaku Ma Jou ai Demo-demoika. De abe ma dihira o Yesusu wahingahuoka abe wato ai futu hange dika de womomikoka, genangikaoo duru yangaku.

Yohanese 2:3

De ona abe yahokino yaniiki o gogilaka ma rame-rame onangika yahiokere o angguru ma teongo ma gohaka. Masara ahao manga angguru ma teongo yamataka de o Yesusu ngoi meme moiki mihingahu o Yesusika mato, “Manga angguru ko iwaka.”

Yohanese 3:22

Ipahaika de o Yesusu de iwinii-niiki yoiki o Yudea ma tonakika, abe gea imanoa o Isiraele manga tonakoka. De genangoka yogogere o minggu muruonino naga, de o Yesusu o nyawa waohiki genangoka.

Yohanese 4:33

Ho gea ona yomakokeleha ato, “O marai naga o inomo iwidotakoka o nyawa, eko sarakia?”

Yohanese 6:12

Ho naa yakokipunuhoka de o Yesusu wahulokoli iwitobaniikika wato, “Kiani o roti ma bela-belaka ma hou gea niagorakiye la ufa hiadono o inomo gea parahaja.”

Yohanese 6:16

Ho ahao ihumuririhuku de o Yesusu ko iwiwauahi ho iwitobaniiki ona yokokihupuoka o dowongioko de yokokifarenoka o ngotiroko la ato yomahihora doka o Kapenaumika. De naa yafutuoka ho ngaro o Yesusu ko woboauahi onangino ma ka yosobo.

Yohanese 6:60

Masara o nyawa manga ngoe abe manga biaha iwinii-niiki o Yesusu, ka de yoihene ai hitararono gea de yomakoketemo ato, “Ou! O dodotoko naa ma titi ka itubuhoholi! Onagona de yapoa yodafongo nako hokogea o dodotoko ma dubuho, done moioo de ko yapoaua yodafongo!”

Yohanese 6:66

Ho ma oraha gea de idadi o nyawa abe manga biaha o Yesusu iwiniiki utu manga ngoe yomaleloro de yokokilio, ko iwiniikokaua.

Yohanese 6:67

Ho o Yesusu waleha yangimoi de yahinootoika genangoka wato, “Ho sarakia, nginioo nia hininga la niato nilio de ko nihiniikokaua?”

Yohanese 6:70

De o Yesusu wopaluhu wato, “De gea Ngohi ma hirete tiniiriki ngini iningimoi de inihinooto naa. Ma, ngaro hokogea naga nginioka womatengo o Ibilihi iwipake.”

Yohanese 6:71

Hokogea o Yesusu wahingahu onangika de ma titi o Yudasa, abe ai baba o Simono ai fam Isikarioto, angamoi una gea o Yudasa ahao o Yesusu wifukunu ngaro una naga yangimoi de yahinootoka gea.

Yohanese 6:8

De iwitobaniikino naga to Simono Peturusu ai dodoto, ai romanga o Andareasa, de o Andareasa gea wihingahu o Yesusika wato,

Yohanese 7:3

De o Yesusu ai doo-dodoto iwihigaro ato, “Kiani ngona o Galilea ma tonaka naa nanoa la noiki o Yudeaikali. Genangoka ahao naga manga ngoe ka idadi inikokimake o heheranga ngona nodiai la hiadono onangoo ininiiki.

Hidingoto 11:26

De womahiadono de wimake genangoka, ho wiao la yomakiniiki yolio o Antiokia ma kotaika. De ona yahinooto yomahidodogumohi ma kotaka gea abe manga taongo moiino ma dekana de yotobadoto-dotoko o Antiokia ma nyawa ko manga ngoeika. De ma kotaka gea de ahao idadi abe iwingaku-ngaku ma nyawa yahiromanga onangika ato “o Kristen ma nyawa.”

Hidingoto 11:29

Ho mangale ma titi ai hingahu gea ho ona iwingaku-ngaku o Antiokia ma kotaka yomaputuhu la ato yahidingoto o dora ma hidoaka manga gogianongoru o ngongakuoka abe o Yudea ma tonakoka yogogere. De ona homoi-homoi yahidoaka onangika abe hokokia imakiniiki de manga borigogakunu.

1 Korintusu 10:31

Ho ngaro niolomo eko niokere eko ngaro o kia dika ngini nidiai, ma kiani mata-mata nidiai la ahao o higiriiri nihiboa Ma Jouiye.

1 Korintusu 7:39

De nako o ngofeka momatengo abe de ami rokatoka, muna de ami papakitoka ami rokatika ka hiadono ma oraha wohonenge. Masara nako una wohonengoka, gea de ahao muna ka idadi moilaka de o nauru moioli. De ma nauru onaguna dika muna gea ka idadi moilaka, iti unangoo wingaku nanga Baluhika.

Kolose 3:17

Ho, ngaro o kia dika ngini nidiai de ngaro o kia dika ngini nitemo, ma, iti nia datorino de nia demoino gea de niwihisanangi de niwihigiriiri nanga Baluhu idodutu o Yesusika. De kiani ka ihikaika nitarimakase Ma Jou nia Babaika ma titi nia gogere nanga Baluhoka.

Ibarani 13:4

De ngini mata-mataika kiani nimahitiari la ufa niaruwae o gogiabereki manga gogaoika. Angamoi onagona dika abe yomakitigi ko itiaiua, ona gea ahao kiani Ma Jou wahohowono onangika. De ngini onagona dika abe niilakoka, ngini kiani duru niogoana nia gogao abe ngini o giaberekioka de ufa nimakitigi de utuika.

Himatoko 3:20

Abeika nitotoihene tomahiketero! Ngohi naga ti ngini nia tau homoi-homoi nia ngoranoka de tiniahoko tato towohama nia tau ma goronaika. De nako onagona dika yoihene ahi ilingi de gea ma ngorana ihibelenga, gea Ngohi towohamino la ona de Ngohi homakutuono holomo, abe gea ngone duru homaketedodiawo.”