Yohanese 2:11 - Ma Jou ai Demo-demo o Totobelohoka

¹¹ O heheranga naa o Yesusu wodiai o Galilea ma tonakoka abe o Kana ma kapongoka. Genangoka wohititi ai dodunguu, abe yahiheranga o nyawa, la onangika womahimatoko ai medebini ma dararono. De o Yesusu iwinii-niiki manga ngongaku ikokidogoli o Yesusika.

Yohanese 2:11 Iomraidhean Croise

1 Kokoano 17:24

Hokogea wotemo de muna mihingahu o Eliaika, mato, “Naa duru tonihioriki abe ngona igoungu Ma Jou ai nyawa abe Una wonipake. De tohioriki ani hingahu duru Ma Jou o Yaweoka de aino ho duru igou-goungu ani demo.” Hokogea Ma Jou wihitaana munangika abe o Elia gea Ma Jou ai uru ma dodofanga.

Huhupu 14:31

Hokogea Ma Jou o Yawe womahimatoko de ai buturungu o Mesiiri ma nyawaika. De o Isiraele ma nyawa ka de yamake gea wodiai de duru yoherangaholi hiadono ona de manga horomati de ma hawanoka Ma Jou o Yaweika. Ho genangoka manga ngongaku ihititi iputurungu Ma Jou o Yaweika de ai gilaongo o Musaika, unangikaoo ma, ka iwingaku.

Huhupu 4:9

Ma nako o dodunguu hinooto gea nodiai de yamake ma, ko iningakuahi ngonaika ho hiadono ko inihigihenua de ahao nodiai o heheranga moioli hokonaa, kiani o Nili ma akere nauitino. De ma akere gea abe ngona nauitino ahao manga himangoka napoauku o tonaka ma dudunguku de ena gea ahao idadi o awunu ma tonakoka gea.” Hokogea Ma Jou wihiakunu o Musaika de ai kuaha la o heheranga ka idadi wodiai hiadono iwingaku o Isiraele ma nyawa.

Yesaya 40:5

De abe ma oraha niwihidiaioka ai ngekomo de ipahaino ahao Ma Jou o Yawe womahimatoko to Una ai medebini ma dararono la o nyawa mata-mata ka yomataimakeika. De gea ahao kiani idadi angamoi gea abe Ma Jou o Yawe wotemoka!’”

Yohanese 1:14

O Demo Una womahidadioka o nyawa la gea ka idadi wogogere ngone o nyawa nanga hidogoronaka. De ngomi abe wiwinii-niiki miamakeokau ai medebini ma dararono. De ka Ma Jou o Babaino dika wamake ai medebini ma dararono gea. Una Ma Jou ai Ngofaka womatengoka ho duru ai hiningaka iwiomangoka o dora ma ngango de mata-mata wodiai gea inahimatoko Ma Jou ai hininga ma gou-goungu.

Yohanese 1:17

Ma dihira ngone o Yahudi ma nyawa Ma Jou wonahidoaka ai pareta o Musaino masara ai pareta gea ko inahitararonuahi Ma Jou ai dora. Abe o dora ma ngango de ma gou-goungu abe yadaene mata-mataika, gea ena mata-mata wonahimatoko o Yesusu Kristusino.

Yohanese 1:43

De ma dawangeinoli o Yesusu wato woiki o Galileaika. De gea waika de wimake womatengo ai romanga o Filipusu de wiahokino wato, “Hobata, togahoko la ngonaoo nohiniiki Ngohi.”

Yohanese 1:50

De o Yesusu wipaluhu o Natanelika wato, “Gea tonihingahu dika abe tonimakeoka o gogilioro ma gota ma timiuku de done ngona nohingakuokau? Masara naga utuohi ahao namake abe utuohi inihiheranga.”

Yohanese 10:41

De ahao naga o nyawa ko manga ngoe yokokiboaino o Yesusu ai ngiino gea. De ona abe yoboaino yomakoketemo ato, “O Yohanese ko wodiaiua o dodunguu abe inahiheranga. Masara Una naa ai dodunguu ma ngoe ho duru igoungu o Yohanese ai demo mata-mata abe ma titi o Yesusu Una Ma Jou ai Mesia.”

Yohanese 11:15

De ngaro o wange gea wohonenge Ngohi ko ihiwa, ma tosanangi dika ko tidaenua, angamoi naga ma titi gea idadi. De gea la ngini nimangaratii abe nia ngongaku kiani ka Ngohino dika.” De ahao wotemoli wato, “Hosobo, hoiki unangika.”

Yohanese 11:47

Ho o Farisi ma nyawa yoihene manga ade-ade gea de ahao manga hidemo ma nyawa Ma Jouiye manga hohidimono yomakahoko la yomatoomuino ato yomahikaaturu. Ho gea yomatoomuinoka de yomakokeleha ato, “O kia ahao hodiai? O nauru gea ka ihikaika wodiai o heheranga ma ngoe ho nako hinoaika dika ahao o nyawa mata-mata ka iwingaku. De nako idadi hokogea o Roma ma nyawa ahao yoboaino de to ngone nanga ngi ma debi-debini naa akilianga de nanga tonaka inaora. Ho naa sarakia hodiai o Yesusika?”

Yohanese 12:18

De angamoi o nyawa yowoe yoihene o Yesusu ai dodunguu gea hiadono duru ko manga ngoe yoiki iwibuhuku o ngekomika.

Yohanese 12:37

De ngaro o Yesusu wodiai ai dodunguu duru ma ngoe o Yahudi ma nyawa manga himangoka abe duru yahiheranga masara ona ka yolukohi iwingaku Unangika.

Yohanese 12:41

Hokogea o Yesaya wotemo angamoi ma oraha ma dihira gea de wamakeoka o Yesusu duru de ai medebini ma dararonoka, ho hiadono wotemo.

Yohanese 14:13

De angamoi Ngohi naga nginioka ho tinihibehehongo nginika tato o kia dika nimagahoko, abe ahi hininga nianiiki hiadono ahi romanga niapake, gea duru tosanangi todiai. De gea toigo todiai la gea Ngohi Ma Jou o Ngofaka tohiboa ahi Babaiye o higiriiri.

Yohanese 16:27

Koua, naa nihingaku abe Ngohi Ma Jouoka de taino. Ho to Baba ai mau la naa ngini ma hirete nimagahoko angamoi Una duru winidora mangale ngini nihidora Ngohi.

Yohanese 16:30

Ho naa duru itararono ngomino abe Ngona igoungu mata-mata duru nohioriki abe o nyawa ko inilehauahi de manga leleha gea Ngona nohiorikokau. Ho gea mingaku abe igoungu Ma Jouino noboa.”

Yohanese 2:1

De o wange hinooto ipaha de naga o gogilaka ma rame-rame o Kana ma kapongoka abe o Galilea ma tonakoka de o Yesusu de ngoi meme naga o rame-rameoka gea.

Yohanese 2:23

De ma oraha o Yesusu waniiki o Totilakuru ma rame-rame gea o Yerusaleeme ma kotaka, naga o nyawa manga ngoe iwingaku ai romangika mangale iwimake wodiai o heheranga ma ngoe genangoka.

Yohanese 3:2

Ho o futu-futuoka de o Nikodemusu woboa o Yesusino de wotemo Unangika wato, “Guru, ngomi mihioriki gea Ma Jou wonihidingoto ngomino mangale miamake to Ngona ani dodunguu. Angamoi ko moiua ka idadi yodiai o heheranga abe hoka Ngonali nodiai nako ko Ma Jouokaua de aino.” Hokogea o Nikodemusu ai demo.

Yohanese 4:46

Ho o Yesusu womahiadonika o Galilea ma tonakoka de woikoli watutumu o Kana ma kapongika abe ma duruino genangoka o akerino wohidadi o angguru ma teongo. De ma oraha o Yesusu o Kana ma kapongoka de naga womatengo o popareta ma nyawa wokurutiye abe wogogere o Kapenaumu ma kapongoka. De una gea ai ngofaka duru iwigogama.

Yohanese 4:54

Ho abe o Yesusu o Yudeaka de wolioinoka o Galilea ma tonakino de naa to Una ai heheranga ma hinooto wodiai abe genangino ai buturungu womahitunguu o nyawaika.

Yohanese 5:23

Hokogea wohiaturoka la hiadono Ngohino o nyawa manga horomati idadi duru imaketero hoka o Babaika iwihoromati. De angamoi gea Ma Jou o Baba wohihidingoto Ngohi naa ho onagona dika ko ihihoromatiua Ngohino, gea Ma Jou o Babaoo ko iwihoromatiua.” Hokogea o Yesusu womahingahu onangika.

Yohanese 6:14

De ai dodunguu naa o Yesusu wodiai duru yowoe-woe gea manga himangoka de yoheranga hiadono yomakoketemo ato, “Maraioka Una naa Ma Jou ai uru ma dodofanga abe nengokaino Ma Jou wohibehehongoka wato ahao woboa o duniauku.”

Yohanese 6:26

De o Yesusu wopaluhu onangika wato, “Naa duru tagou-goungu tinihingahu, ngini ko mangaleua ahi dodunguu hiadono nihilingiri Ngohi naa. Masara mangale ma titi o roti gea niaolomoka hiadono inikokipunuhoka, gea ena dika ma titi ho ka nihilingirohi.

Yohanese 6:30

De ona gea iwilehali o Yesusika ato, “Ho Ngona ka o heheranga o kia ngomino nodiai la o dodunguu gea miamake hiadono miningaku? Ho o kia nodiai?

Yohanese 7:31

De manga ngoe genangoka iwingaku o Yesusika abe Una Ma Jou ai Behehongo, ato, “Angamoi ko ma iwa utu abe ka idadi yodiai o heheranga hokonaa ma ngoe, ho maraioka Una gea o Mesia!”

Yohanese 9:16

De o Farisi ma nyawa utu gea yotemo ato, “Masara nako hokogea wodiai o Hiaini ma wangeoka gea Una ko Ma Jouinoua angamoi to ngone nanga pareta watilakuroka.” Masara naga utu yotemo ato, “Ma, abeika ai dodunguu duru inahiheranga, nako Una o howo-howono ma nyawa ko idadiua wodiai hokogea.” Hokogea utu yotemo hiadono o Farisi ma nyawa gea duru yomaketeliliara.

2 Korintusu 3:18

De ma demoino gea de ka idadi hamake abe ngone mata-mata abe hingaku-ngakuoka ko iwaka nanga hiningaino ma dadatoko. De nako ngone homahiketero de o Musa, una igoungu womatatoko ai himanga ma titi Ma Jou ai medebini ma dararono naga ai himangoka. Masara nako to ngone nanga himangoka gea ko iwa ma dadatoko, ho nanga Baluhu idodutu ai medebini ma dararono ka idadi ihabaka nanga himangino la o nyawa utu yamake nanga Baluhu ai medebini ma dararono ngoneoka. De mangale nanga Baluhu ai Womaha ka ihikaika wokarajaanga nanga kokihiningaka, ho ka ihikaika wohidogo ai medebini ma dararono ngoneino. De hokogea wohidogo ai medebini ma dararono ngoneino ka hiadono utuohi imakiniiki to ngone nanga hininga de to Unangoli ai hininga la ka idadi homaketehiningamoi de Una. De hokogea ma behehongo ma hungi ma abari duru kohagurutiye abe Ma Jou womihitagongo ngomino la miahingahu-ngahu o nyawaika, ho gea ngomi duru mitomoroini mihiabari arihonongaika!

2 Korintusu 4:17

De to ngomi mia kangela ma dodubuho abe ma oraha naa miaohana, gea tanu ka idadi mihiromanga enangika ma goguwini dika angamoi ma kangela gea ka jai-jai dika de ipahaka. De nako mihidotelega mia kangela abe ma oraha naa miaohana de mia utumu duru kohaamoko abe ahao miamake Unangino, gea mia kangela ngade-ngade ko kia-kiaua. Angamoi mia kangelaino gea de ihihofoko o medebini ma dararono kohaamoko abe Una ahao womihidoaka ngomino. De ahao mia dararono gea itongohono ka hiado-adonika.

1 Yohanese 5:13

De ahi hurata ma demo mata-mata naa tinihidingoto nginika abe niwingaku Ma Jou o Ngofaka ai romangika. De tinihurata nginika la tato ahi demoino gea de ngini ka idadi duru nihioriki de nionganono abe o wowango ka hiado-adonika ngini niamakeoka.