Yohanese 2:1 - Ma Jou ai Demo-demo o Totobelohoka

¹ De o wange hinooto ipaha de naga o gogilaka ma rame-rame o Kana ma kapongoka abe o Galilea ma tonakoka de o Yesusu de ngoi meme naga o rame-rameoka gea.

Yohanese 2:1 Iomraidhean Croise

Sosawaro 19:14

Nako nanga tau de nanga kiahonanga, gea ka idadi hamake nanga dimonino abe idadi manga oara ngoneino. Masara nako nanga fekata abe duru mososawaro, gea kiani Ma Jou o Yaweoka dika abe ka idadi wonahidoaka ngoneino.

Matiusu 12:46

De o Yesusu wotemo ai gogiriaka abe o nyawa ko manga ngoeika de ahao ngoi meme de ai doo-dodoto yoboa ma tauino abe naga genangoka o Yesusu de iwinii-niiki. De ona yoboaino masara ka o tau ma poretoka dika de iwibehehongo la ato wohupuohi onangino la watutumohi.

Yohanese 1:29

De ma dawangeino o Yohanese wimake o Yesusu woboaino de o Yohanese wahingahu ai doo-dodiawoika wato, “Abeika, Ma Jou ai Domba ka ma ngofakohi, gea Una abe o nyawa o duniaka manga howono Ma Jouika waofi.

Yohanese 1:35

De ma dawangeinoli naga genangoka o Yohanese de ai dodiawo yahinooto, ona gea ai doomuino abe ka ihikaika iwiniiki.

Yohanese 1:43

De ma dawangeinoli o Yesusu wato woiki o Galileaika. De gea waika de wimake womatengo ai romanga o Filipusu de wiahokino wato, “Hobata, togahoko la ngonaoo nohiniiki Ngohi.”

Yohanese 2:11

O heheranga naa o Yesusu wodiai o Galilea ma tonakoka abe o Kana ma kapongoka. Genangoka wohititi ai dodunguu, abe yahiheranga o nyawa, la onangika womahimatoko ai medebini ma dararono. De o Yesusu iwinii-niiki manga ngongaku ikokidogoli o Yesusika.

Yohanese 21:2

Naga ona o Yesusu iwitobaniiki yatumidi yomatoomuino o akere ma ngooto ma datekoka. De ona abe naga yomatoomuino o Simono Peturusu, de o Tomasa abe iwiahoko o Hago, de o Natanele abe ai kapongo o Kana ho una o Galilea ma nyawa. De nagali o Yohanese de o Yakobusu abe manga baba o Sebedeusu, de ona yahinootoli o Yesusu iwitobaniikino.

Yohanese 4:46

Ho o Yesusu womahiadonika o Galilea ma tonakoka de woikoli watutumu o Kana ma kapongika abe ma duruino genangoka o akerino wohidadi o angguru ma teongo. De ma oraha o Yesusu o Kana ma kapongoka de naga womatengo o popareta ma nyawa wokurutiye abe wogogere o Kapenaumu ma kapongoka. De una gea ai ngofaka duru iwigogama.

Ibarani 13:4

De ngini mata-mataika kiani nimahitiari la ufa niaruwae o gogiabereki manga gogaoika. Angamoi onagona dika abe yomakitigi ko itiaiua, ona gea ahao kiani Ma Jou wahohowono onangika. De ngini onagona dika abe niilakoka, ngini kiani duru niogoana nia gogao abe ngini o giaberekioka de ufa nimakitigi de utuika.