Yohanese 18:1 - Ma Jou ai Demo-demo o Totobelohoka

¹ Ho ka de o Yesusu womaniata ibooto de yoiki Una de ona iwitobaniiki. Ona youtiuku o Kidono ma dolauku de doka ma honongaiye yodoa o rediye moi abe genangoka o nyawa yodatomo o saitunu ma gota. Genangika yoiki o Yesusu de ona iwitobaniiki.

Yohanese 18:1 Iomraidhean Croise

Dodadi 2:15

Ho ka de o nauru gea Ma Jou o Yawe wihidadi ibooto de wiao ai redika gea de genangoka wihigogere la ka idadi o redi gea wogoana de wokarajaanga genangoka.

Dodadi 3:23

Ho Ma Jou o Yawe wihuloko o Adamika la ona yohupu o Edene ma redino gea. De abe ma dihira o tonakino wihidadi de naa Ma Jou wapake o tonaka la o Adama wihohowono, abe o tonaka gea kiani womadumule.

1 Kokoano 15:13

De ngoi be o ngo Maaka, munangoo mohigoko o pangao ma liate abe ihiromanga o ngo Asitorete ami liate. De ena gea duru ma dorou abe yahimaleke o nyawa abe manga datoro itiai. De o ngo Maaka gea ami gogere o koano ai tauoka duru de ma horomatioka de o nyawa imigorakiye ma titi muna o koano ngoi be. Masara o Asa ngoi be ami pangao gea watolanga de ahao watufuku o Kidono ma dolaka de muna womihiguti ami gogerino.

1 Kokoano 2:37

De nako hiadono ngona nohupuika de natilakuru o Kidono ma akere ma dodagi abe naga duru o Yerusaleeme ma datekoka, gea de ahao ngona kiani inihohonenge. De naa ngohi tonihitiarioka ho nako idadi de gea to ngona ma hirete ani howono inidaene ngonauku.”

2 Kokoano 23:12

De ma dihira o koano moi naga ai tau daku ma lokuoka o popangao ma huhuba ma ngi muruono naga abe itigi o Ahasa ai kamarika. De ma huhuba ma ngi-ngi ena gea abe o kokoano yohira-hiraika abe yahikoano o Yehuda ma tonakoka ona ihigoko genangoka. De nagahi o popangao ma ngi abe ma dihira manga koano o Manase wahuloko o nyawaika yodiai o punga hinootoka duru Ma Jou o Yawe ai Tau ma datekoka. Ho o Yosia wohiaturu o huhuba ma ngi gea mata-mata ihikokihupuoka de hiadono ena gea yakokiwederoka. De ahao o popangao ma ngede-ngedere gea yatoomuino de yaumo o Kidono ma dolaka.

2 Kokoano 23:4

De ahao o koano naga moi wahibehehongo ai nyawa yamuruonika. De gea wahidumutu o Hilikiaika, abe una manga hidemo Ma Jouiye manga baluhu wokokurutiye, de manga hidemo utuika, de onangika abe yotobagoana Ma Jou ai Tau ma ngoranoka. Ho wahibehehongo wato ona mata-mata kiani ihihupu Ma Jou o Yawe ai Tauino o popangao ma kokiahonanga abe naga doka ma goronaka la ena mata-mata ihibinaaha. Ho ena mata-mata yale abe o Isiraele ma nyawa yodingakoka o pangao o Baalika, de o pangao o ngo Asitoretika, de o muru-murumika de ena mata-mata yao o Kidono ma dolaika de genangoka yatufuku. De ahao to ena ma dukuuru yao o Betele ma kotaika.

2 Kokoano 23:6

De o ngo Asitorete ma pangao ma liate abe naga Ma Jou o Yawe ai Tau ma goronaka gea ena yao o Yerusaleeme ma kota ma hoanika de ahao o Kidono ma dolaka yatufuku. De yatufuku ibooto de ahao yawedere ka hiadono idadi hoka ma dukuuru dika de gea ihibarihi o lungunu ma ngi-ngioka abe manga nyawa biaha yatobalungunu genangoka.

Nehemia 2:15

Ho o futu gea togila-gila dika o kota ma dadaduhu taniiki abe idateke ma dolaika. Masara o kota ko takilolituahi totailako de ka tolio ahi poretoko de ngohi de ahi dodiawo miwohamoli o Dola ma Ngorana abe kangano mihupu genangino.

Gogao 2:6

De ahao o hinyole ma roti gea niapela-pelakuku de nihituagiokahi de o saitunu ma minya de ahao nia huhuba gea niahidoaka onangika abe inihidemo Ngohino.

Matiusu 26:30

De yolomo ibooto de ahao o higiriiri moi yonyanyiokahi Ma Jouiye de gea ma tauino yohupuoka de ahao yoiki yodoa o Saitunu ma lokuiye.

Matiusu 26:36

De ahao o Yesusu wao ona iwinii-niiki o ngi moiikali ihiromanga o Gesemani. De yomahiadonoka de o Yesusu wotemo wato, “Nimagoo-gogerohi nenangoka, Ngohi dokengika toiki tomaniatohi.”

Maruku 14:26

De yolomo ibooto de ahao o higiriiri ma nyanyianga yonyanyiokahi Ma Jouiye de gea ma tauino yohupuoka de ahao yoiki yodoa o Saitunu ma lokuiye.

Maruku 14:32

De ahao o Yesusu de iwinii-niiki yomahiadono abe o ngi moioka ihiromanga o Gesemani. De genangoka o Yesusu wotemo iwinii-niikika wato, “Nimagoo-gogerohi nenangoka, Ngohi dokengika toiki tomaniatohi.”

Maruku 14:42

Nimaokoiye la hosobo habuhuku ona gea abe yoboaino! Abeika, una abe naa wohihidoakoka ahi musuika, abe una naa woboainoka.”

Yohanese 14:31

Angamoi Ngohi naa ka taniiki dika to ahi Baba ai behehongo Ngohino. Ho gea ahi datoro duru imakiniiki de abe o Baba wohibehehongoka la ka idadi o nyawa o duniaka naa ihioriki abe Ngohi duru o Baba tidora Unangika. De naa adonoka ma oraha, ho ngone hosoboka.”

Yohanese 18:26

De naga womatengoli o Hanasa ai gilaongo genangoka ai tau ma loaka abe una o Makusu ai dutu adaene. De o Makusu gea una abe ai ngauku kangano o Peturusu wahahanga. Ho naa ma gilaongo unangoo wileha o Peturusika wato, “Masara ngona ka tonimake o Yesusoka o Saitunu ma redioka e?” Hokogea wileha o Peturusika.

Hidingoto 21:11

Ho gea womitutumu ngomi de ahao o Agabusu waleino o Paulusu ai bulu de gea ena wapake la womahidapakiti ai louuku de ai giamino. De o Agabusu womahidapakitoka de ahao womihingahu ngomino abe hokokia ahao idadi o Paulusika. Ho una wato, “Hokonaa Ma Jou o Womaha ai demo nginika, abe Una wato, ‘O bulu naa ma dutu, una ahao o Yahudi ma nyawa manga hihira o Yerusaleemoka iwihidapakiti unangika. De ona gea iwihidapakiti duru imaketero abe hoka ngohioli naa tomahidapakitoka. De ahao una iwihidoaka o Roma ma poparetaika.’”