Yohanese 17:9 - Ma Jou ai Demo-demo o Totobelohoka

⁹ “Ho Baba ona abe tagahoko naa, gea ona abe ko yaniikokaua o dunia ma biaha. Ma oraha naa ko tagahokua o dunia ma nyawa mata-mataika. Masara Ngohi tagahoko ona gea abe yodadioka to Ngona ani nyawa mangale ma titi ona nohihidoakoka Ngohino.

Yohanese 17:9 Iomraidhean Croise

Lukasa 22:32

Masara Ngohi toniniata ma titi ngona naa la ufa nomahipipidili ani ngongakuino. La ahao ma oraha norehene masara ipahaino de notobaka ho nolioka o totiai ma ngekomino, de gea ahao ka idadi ani dodiawo naa nahiputurungu manga ngongakuoka.”

Lukasa 23:34

De ahao o Yesusu wagahoko o nyawa mata-mata gea wato, “Baba, naofi dika to ona naa manga howono Ngohino, angamoi ona duru ko ihiorikua abe o kia yodiai!” De ipaha de ma tentara gea yomaketebobataru la ato ahao ihioriki hokokia yomahikodoku o Yesusu ai baju mata-mata abe ko iwihidapakuahi de ahuputoka.

Lukasa 8:34

De o ode ma gogoana ka de yamake de ona yokokiloaroka ma kapongika de ma nyawa mata-mataika abe hatoli yotigi-tigino ma tonakoka gea de yahioabari abe ma titi mata-mata yamakeoka.

Yohanese 14:16

De ahao tinigahoko ahi Babaika la winihidoaka o Duduhunu womatengoli, ho ahao Una woboa la wogogere nginioka ka hiado-adonika.

Yohanese 17:2

De gea itiai nahimatoko ahi medebini ma dararono onangika mangale nohihidoakino Ngohino ani kuaha o nyawa mata-mataika, de ani kuahaino gea ka idadi tahiwango ona gea abe nohihidoakino Ngohino la ihiniiki Ngohi. De gea ma titi manga wowango ka hiado-adonika naga Ngoneoka abe ka idadi Ngohi tahidoaka.

Yohanese 17:20

“De Baba, Ngohi togahoko naa ko ma titiua ona dika abe ihinii-niiki ma oraha naa masara onangoo tagahoko abe ahao Ngohino ihingaku. De gea ihingaku Ngohi mangale yoihenoka abe ihinii-niikino to ona manga demo-demoino.

Yohanese 17:6

“Ahi Baba, ona ihinii-niiki naa, ona to Ngona ani nyawa abe nohihidoakoka Ngohino hiadono o dunia ma biahaino nahikatingakoka. De onangika tadotoko la Ngona nodadi to onangoo manga Baba, de Ngohi ani mau enangoo tahimatoko onangika ka hiadono ma oraha naa manga hingounu naga ani demoika.

Yohanese 6:37

Masara o nyawa mata-mata abe o Baba wohihidoaka Ngohino, de onagona dika abe yoboa Ngohino, ona gea duru ko moiua de ka idadi taoluku.

Yohanese 6:39

De to Baba ai mau la o nyawa abe wohihidoakoka Ngohino ko moiua de yahihanga, ma, mata-mata tahimomiki ma oraha gea ihiromanga o wange ma baha.

Ibarani 7:25

Ho onagona dika ngoneino abe hato hoboa la homahitigi Ma Jouino de homahinganono o Yesusika, ngone gea mata-mata ka idadi o Yesusu wonaduhunu de gea ai duduhunino abe duru ingodu-ngodumoka, de gea ma titi Una wowango ka hiado-adonika ho Una gea ka idadi ka ihikaika wonahidemo Ma Jouika ma titi ngone. De mangale ma titi Una wodadioka nanga Hidemo ka hiado-adonika Ma Jouika de ko iwa ma baha abe wonahidemo, ho Una ka wakunu wonaduhunu nanga howo-howonino ho ai duduhunino gea duru ko iwa ma kuranga masara duru ingodu-ngodumu.

Ibarani 9:24

De duru ma huhuba gea abe idadi o Kristusu ai hininga ma dumutu ma oraha Ma Jou ai Tau o Horogaka wowohamika. Angamoi o Kristusu Una ko wowohamua o Debi-debini ma Ngiika abe o nyawa manga giamoka de aino yodiai, angamoi ena gea ka ma gurumini dika de ko ma gou-goungua. Masara nako Una gea, Una wowohamika Ma Jou ai Ngi o Horogaika dika la ma oraha naa ka idadi woboa Ma Jou ai himangino ma titi wonaduhunu ngone naa.

1 Yohanese 5:19

De ngone hohioriki abe nako o dunia naa mata-mataika, gea duru o Ibilihi ma haeke ma giamoka imanoa. De hohiorikoo abe nako ngone naa, ngone hagou-goungu hodadioka Ma Jou ai ngofa-ngofaka idodutu.

Himatoko 12:9

De gea ma titi ho hiadono ma naga kohaamoko gea de to ena ma malaekata mata-mata gea yaumoka dau o duniauku. De ma naga gea naga to ena ma romanga ma ngoe, angamoi ena gea abe duru ma dodihiraka imahipooteke o dodihaika, de enangoo abe ihiromanga enangika o Ibilihi ma haeke, eko o Tobalawana, de igoungu ena gea abe yatobabudi o dunia ma nyawa mata-mataika la hiadono yorehenoka o howonika. Ho gea o Ibilihi ma haeke de to ena ma malaekata mata-mata yokala de yaumoka ma dihangoka de auku.

Himatoko 13:8

De gea o dunia ma nyawa mata-mata ahao yomahuba enangika, masara nako ona abe manga roma-romanga naga ihitulihukuokau o Wowango ma Bukuoka, ona gea ko ihigiriiriua enangika. Abe ma buku gea to o Domba ma Ngofaka ai Buku, abe ma dihiraino de yahohonenge ma Dombaika gea. De ona gea abe manga romanga nagau atulihuku ma bukuoka, gea manga romanga tanu duru ma dodihirakahi abe o dunia naa ko wotulaadauahi de ihitulihukuokau manga roma-romanga gea. Masara nako o nyawa utu mata-mata, ona ihigiriiri o aewanika gea abe o gahioka de aiye ihupu.