Yohanese 12:7 - Ma Jou ai Demo-demo o Totobelohoka

⁷ De o Yesusu witaere o Yudasika wato, “Nominoaika dika muna gea! Abe muna modiaioka Ngohino, gea modiai mangale mohidiaioka ma minya la ihihiehe ma oraha ihilungunu Ngohi.

Yohanese 12:7 Iomraidhean Croise

Matiusu 26:12

De muna mohihituagi de ma minya la mato ngaro ko ihilungunuahi ma ahi badanga mohidiaiokau.

Maruku 14:6

Masara o Yesusu watemo onangika wato, “Niminoaika dika, de ibootohi nimiruwae. Abe muna gea modiaioka Ngohino, gea Ngohi tohiromanga tato duru ma hohailoa.

Matiusu 26:10

De o Yesusu watemo iwinii-niikika wato, “Ibootohi nimiruwae. Abe muna gea modiaioka Ngohino, gea Ngohi tohiromanga tato duru ihailoa.

Lukasa 23:50

De ahao naga womatengo wingaku-ngakuoka abe woigo wikelenga o Yesusu ai honenge o lungunu ma goronaka. De una gea ai romanga o Yusupu abe o Arimatea ma kotaino woboa, de ai kota gea imanoa o Yudea ma tonakoka. De una o nyawa ma rorahai abe ai wowango wao itiai, de una wododamaa de ai hininga ma garago de wongano-nganono la idadi abe Ma Jou wahikoano ai nyawaika. De una gea wodadi o Yahudi ma nyawa manga hohidimono womatengo abe yotobauru-urusu o nyawa, masara abe ma titi ai dodiawo manga putuhu de manga datoro o Yesusika, gea o Yusupu duru ko womodekua.

Sakaria 3:2

Masara Ma Jou o Yawe wotemo o Ibilihi ma haekika wato, “Ngohi naa Ma Jou o Yawe de Ngohi duru toluku ani dadae ma demo! Abe Ngohi naa Ma Jou o Yawe abe tairikoka o Yerusaleeme ma kota la idadi to Ngohi ahi kota, ho naa tohigalioli abe duru toluku to ngona ani dadae ma demo abe notemoka ma titi ahi nyawa o Yosua! De ahi nyawa naa tihiketero tato una gea ngade-ngade hoka o gota ma jaga moi abe youku / yotokara o uku ma goronaka, masara ko yotinouahi de agorakoka.”