Yohanese 12:1 - Ma Jou ai Demo-demo o Totobelohoka

¹ Ma moioli o Yesusu woboali o Betania ma kapongino, gea o Lasarusu ai kapongo abe gea una ma dihira o Yesusu wihimomikino. De ma oraha gea o wange butaangohi de ahao o Totilakuru ma rame-rame idadi.

Yohanese 12:1 Iomraidhean Croise

Matiusu 21:17

De wapaluhu ibooto de o Yesusu wanoaika de wohupu ma kotaino gea de wolio o Betania ma kapongika de genangoka womaidu.

Maruku 11:11

De ahao o Yesusu womahiadoniyeoka o Yerusaleeme ma kotaiye de wogila-gila wowohama Ma Jou ai Tau ma loaika. De mata-mata Ma Jou ai Tauoka gea o Yesusu duru watailako. Masara mangale ngade-ngade ifufutu, ho Una wohupu dika la Una de yangimoi de yahinooto yokokilio o Betania ma kapongika.

Lukasa 24:50

De ipahainoli de o Yesusu wao ona abe iwinii-niiki la yohupu ma kotaino gea de yoiki o Betania ma kapongika. De genangoka ai giama wagorakiye de wagahoko ma owa onangika.

Lukasa 7:37

De naga momatengo o ngofeka ma kapongoka gea abe ami wowango ma datoro itotorou, de muna moihene abe ma titi o Yesusu wolomo o Farisi ma nyawa gea ai tauoka. Ho muna gea male de maoino moi o boto ma rorahai abe o hakaruino yodiai de gea ma dola o minya abe ma bounu duru ihailoa.

Yohanese 11:1

Naga o Yesusu ai dodiawo womatengo iwigogama ai romanga o Lasarusu. Una wogogere o Betania ma kapongoka de naga ngoi firanga yahinooto manga romanga o ngo Marata de o ngo Maria. De ona o ria-dodoto yogogere o tau moioka.

Yohanese 11:43

Ho ka de ai gogahoko gea ipaha de o Yesusu duru waamo-amokiye wiahoko, wato, “Lasarusu nohupuino!”

Yohanese 11:44

De o Lasarusu ai lungunino wohupuoka. Masara ai giama de ai lou mata-mata adeho-dehorinohi de o ngoere ma belaka, de ai peaoo adehorokahi de o ngoere. De o Yesusu wahuloko onangika wato, “O ngoere gea niwihoheoka la niwihiluasika!”

Yohanese 11:55

De ahao ma oraha itigioka o Yahudi ma nyawa manga Totilakuru ma rame-rame de naga o nyawa ko manga ngoe manga kapo-kapongoka yokokiloikoka o Yerusaleeme ma kotaika. Gea yoboa o Yerusaleeme ma kotaino la ka idadi yaniiki manga hiaturu abe ato kiani gea yaniiki la yomahidiai yorame-rame. Manga wowango ihidiai la ato iti ko yomulaenguahi ihirame-rame o Totilakuru ma rame-rame de manga wowango itebinoka Ma Jou ai himangoka.

Yohanese 12:12

Ho o Yesusu iwihiolomo o Betania ma kapongoka de ahao ma dawangeino woiki wogila-gila o Yerusaleeme ma kotaika. De genangoka o nyawa duru ko manga ngoe abe yoboainokau la yaniiki o Totilakuru ma rame-rame naga yomahikokangahuoka ato, “Bootino o Yesusu woboaino.”

Yohanese 12:20

De naga utu o Yunani ma nyawa abe onangoo yoiki yaniiki o Totilakuru ma rame-rameika gea la ato onangoo yomahuba genangoka.

Yohanese 12:9

De ma oraha gea o Yahudi ma nyawa ko manga ngoe yoihene o Yesusu naga genangoka ho yoboaino o Betania ma kapongino la ato o Yesusu iwitutumu de duru yoigo o Lasarusoo iwimake abe wihimomikino ai honengino.