Yohanese 11:9 - Ma Jou ai Demo-demo o Totobelohoka

⁹ De o Yesusu wopaluhu onangika la ihioriki ko kia-kiaua ahao idadi onangika ma dorou nako ma oraha ko adonuahi Ma Jou wahigunoa la yamake. Abe Una wotemo wato, “Sarakia ka o wangeohi naa naga? Nako o nyawa yotagi-tagi o wange-wangeoka ngaro o kia dika naga manga dodagioka ma ko yoduhuputua. De imaketero hokogea onagona dika abe yahitararono de Ma Jou ai mau ko idadiua manga wowango ihihanga Unangoka.

Yohanese 11:9 Iomraidhean Croise

Sosawaro 3:23

Abe nako ani wowango ma hiaturu itiai de ahao ani dodagioo itiai ho ko noboditoua de ngona ko iwa moi inihipeleke o howonika.

Yohanese 11:10

Ma nako o nyawa abe ko yahitararonua de Ma Jou ai mau, gea imaketero hoka yotagi-tagi o fufutuoka ho o kiahonanga ka yoduhuputu.”

Yohanese 12:35

De ahao o Yesusu wapaluhu onangika wato, “O dararono ko itedekanokaua naga nginioka. Ho ma oraha naa kiani niagurokahi la nitagi-tagi o dararonoka abe ma oraha ena gea nagahi nginioka, done ma oraha o fufutu iboa de inihidufutuokahi. Angamoi o nyawa abe o fufutuoka yotagi-tagi ko yomahiorikua o kiaika dika yoiki.

Yohanese 9:4

Ma oraha adonoka abe ngone ka idadi hodiai to Una ai karajaanga abe wohihidingotino naa. Imaketero hoka o nyawa manga biaha yokarajaanga o wangeoka masara o futu-futu ko yokarajaangua, hokogenangoo de Ma Jou ai karajaanga. Abe nako ngoneoo hodamaa la Ma Jou ai karajaanga hato hokarajaanga nanga wowango ma bahaika, gea hokokapaanga.

1 Yohanese 2:10

Masara nako ngone hadora nanga gogianongoru abe homahingongaku moioka, gea ngone homanoa to Una ai dararonoka de duru ko iwa ma titi ngoneoka hiadono hopeleke de horuba o howonuku angamoi ma dararonoka dika ngone hotagi-tagi.