Yohanese 10:9 - Ma Jou ai Demo-demo o Totobelohoka

⁹ Ngohi naa ma ngorana, ho onagona dika Ngohino yoboa la yowohamika, ona gea ko yoboditoua. De ka idadi yohupu yowohama de yomamake o inomo.

Yohanese 10:9 Iomraidhean Croise

Yesaya 40:11

De Una watobapaliara ai nyawaika gea imaketero hoka o domba ma gogoanoli watobagoana ai domba ma duduono. Abe ma domba ma ngofaka wagorakiye de watotiri ai aluino, de ma domba ma mayo Una wahihira-hira ma ngekomino.’”

Yohanese 10:1

O Yesusu wohiketero wotemo wato, “Naa duru tagou-goungu tinihingahu nginika, o nyawa abe o domba ma kurungaika yowohama ma, ko ma kurunga ma ngoraninoua yowohama, ona gea ko yodadiua o domba ma gogoana. Abe ona ma homoaino dika yoboa hiadono ma goronaika yowohama ho o nyawa gea yotobatohiki de yotobaora-ora.

Yohanese 10:3

Ho ka de una woboa o kurunga ma ngoranino de womatengoli abe naga wogoana ma ngoranoka, una ka wibelenga o ngorana la wowohama dika o domba ma gogoana ma dutu gea. Ho de womahiadonika ma ngoranino de ai ilingi o domba gea iwigihene. De ahao to una ai domba ma romanga homoi-homoi wafetongo de homoi-homoi ikokiboaino de ahao wohihira-hira la wohihupu ma kurungaino.

Yohanese 10:7

Ho o Yesusu ka wotemohi onangika wato, “Naa duru tagou-goungu tinihingahu nginika, ma ngorana abe ka idadi o domba yowohama o kurunga ma goronaika, gea Ngohi naa.

Yohanese 14:6

De o Yesusu womahingahu onangika wato, “Ngohi naa ma ngekomo Ma Jouika, de Ngohioka ma titi ma gou-goungu, de Ngohioo o wowango ma ngango ma titi. Ho ko moiua yoboa ahi Babaiye nako ko Ngohinoua yoboa.

Efesusu 2:18

Angamoi gea ma titi to Kristusu ai datorino hiadono ngone mata-mata, ngaro ngone o Yahudi ma nyawa eko koua, masara ngone mata-mataika ka idadi hoboa Ma Jou nanga Baba ai himangino. De abe ngone hoboa ai himangino, gea hoboa ma titi Ma Jou o Womahoka de aino, abe gea Una womatengo dika, masara ngone homoi-homoi hiborimakeoka nanga kokihiningaka.