Yohanese 10:3 - Ma Jou ai Demo-demo o Totobelohoka

³ Ho ka de una woboa o kurunga ma ngoranino de womatengoli abe naga wogoana ma ngoranoka, una ka wibelenga o ngorana la wowohama dika o domba ma gogoana ma dutu gea. Ho de womahiadonika ma ngoranino de ai ilingi o domba gea iwigihene. De ahao to una ai domba ma romanga homoi-homoi wafetongo de homoi-homoi ikokiboaino de ahao wohihira-hira la wohihupu ma kurungaino.

Yohanese 10:3 Iomraidhean Croise

Huhupu 33:17

De Ma Jou o Yawe wipaluhu wato, “Ngohi ahao todiai la duru taniiki ani gogahoko Ngohino. Ho Ngohi ahao tininiiki ngini angamoi ngona, Musa, duru tonihioriki hiadono ani romangika tonifetongo de tomalega ngonaika de duru ngona nohihisanangi.” Hokogea Ma Jou wohigihene o Musa ai gogahokika.

Yesaya 40:11

De Una watobapaliara ai nyawaika gea imaketero hoka o domba ma gogoanoli watobagoana ai domba ma duduono. Abe ma domba ma ngofaka wagorakiye de watotiri ai aluino, de ma domba ma mayo Una wahihira-hira ma ngekomino.’”

Yohanese 10:14

“Ngohi naa o domba ma gogoana ma rorahai ho to Ngohi ahi domba duru tahikokioriki de ahi dombaoo ihihioriki Ngohi.

Yohanese 10:16

De to Ngohi ahi domba utuohi naga abe ko iwainohi o duduonino naa. De onangoo kiani taoino la to Ngohi ahi ilingi ihigihene. Ho ahao ahi domba mata-mata idadioka o duduono moi de manga gogoana Unangoo ka womatengo dika.

Yohanese 10:4

Ho ka de ai domba wohikokihupuoka de ahao wohihira-hira de ai domba mata-mata iwikokiniiki angamoi duru ai ilingi ihioriki.

Yohanese 10:9

Ngohi naa ma ngorana, ho onagona dika Ngohino yoboa la yowohamika, ona gea ko yoboditoua. De ka idadi yohupu yowohama de yomamake o inomo.

Yohanese 6:37

Masara o nyawa mata-mata abe o Baba wohihidoaka Ngohino, de onagona dika abe yoboa Ngohino, ona gea duru ko moiua de ka idadi taoluku.

Yohanese 6:45

Naga itulihukuoka Ma Jou ai Behehongo ma Bukuoka abe ai uru ma dodofanga womatengo ai hingahu, wato, ‘O nyawa mata-mata ahao Ma Jou ma hirete wadotoko.’ Hokogea ai demo ho o nyawa mata-mata abe yomadotoko o Babaino de iwihigihene, ona gea yoboa Ngohino.”

1 Korintusu 16:9

De ngohi tato tomagoo-gogerohi nenangoka mangale ma titi naga o nyawa ko manga ngoe o kotaka naa abe yoigo yoihene ahi dodotokino. De nagaoo ma dodotoko ma hofoko tamakeoka o nyawa manga wowangoka. Masara nagali o nyawa utuoli manga ngoe abe ihilawana ngohino, ho ko tadadiuahi tosobo angamoi tato nenangoka nanga gogianongoru taduhunohi de ahao.

Filiipi 4:3

De o Susugus, ahi dodiawo abe duru ma ngoeoka nohiduhunu de ahi karajaanga, marai ngonaika togahoko yahinooto naa naduhunu la hiadono yomakao irahai. Abe nengokadau ona yahinooto gea duru ihiduhunu ma titi o Abari ma Rorahai tahingahu-ngahu. De nagali o Kalemene de utu ahi gogianongoru abe onangoo ihiduhunu ahi tagongo ma goronaka. De nagahi utuoli abe ngaro manga romanga ko tafetongua naa, ma, duru tonganono ona mata-mata to ona manga romangoo nagau o Wowango ma Bukuoka. Abe ma buku ma dolauku gea naga manga romanga abe onagona dika naga genangoka, ona gea yamakeoka o wowango ka hiado-adonika. Ho ngohi duru toigo la ona o ngo-ngofeka yahinooto gea yomakao irahai.

Kolose 4:3

De nia niniata gea ma goronaka de kiani ngomioo nimigahoko. Nimigahoko la ma ngekomo Ma Jou womihimatoko la hiadono to Una ai Demo-demo miahingahu-ngahu o nyawaika. Abe ngomi mioigo la o Kristusu ai dogogono ma abari abe ma dihira de ka agogonohi masara naa ma duru de Ma Jou wohihimatoko ngohino, ma abari gea mioigo la mihingahu-ngahu. De duru ma abari gea ma titi hiadono ngohi naa ihibuioka.

2 Timotiusu 2:19

Masara nako Ma Jou ai abari ma gou-goungu ena gea duru ko ikelu-kelua. Angamoi ai abari gea tohiketero hoka o hakaru moi duru ma amoko de ena gea o nyawa yakelengauku o tonakoka la gea idadi o tau ma lifunu de duru iputurungu ka hiadono ko idomo-domoua. De gea naga ma hakaruoka ma hingahu ma demo ihitulihika ato, “Nanga Baluhu idodutu Una gea ka idadi wobawilika wonalega nanga hiningaino homoi-homoi, ho Una gea duru wonahioriki ngone onagona dika abe hagou-goungu hodadioka to Una ai nyawa.” De naa moioli ai hingahu ma demo ngoneino itemo ato, “Ngoneoka onagona dika homahingahu hato hiniiki nanga Baluhu, gea kiani nanga datoro ma dorou gea ena hanoaka.” Hokogea Ma Jou wonahigaro ma totiaiika, de gea ena ai demo ko ikelu-kelua masara itongohono ka hiado-adonika abe imaketero hoka ma hakaru ma amo-amokoli gea ho duru itongohono. Ho ngona o Timotiusu ngaro ufa dika de nohigihene o nyawa manga demoika gea abe imakalawana de Ma Jou ai hininga de abe ena gea manga demo ka ma homoa dika.

1 Peturusu 1:12

De ngaro ona tanu duru yoigo yamake ai hidee abe hokokia wonaduhunu nanga howonino masara gea Ma Jou wahitararono onangika abe ona ko yadaenua de yohonengoka. Ho gea ai uru ma dodofanga yohonengoka de ipahaino de ahao ai hidee idadi abe ma oraha ngoneuku naa, ho ngoneoli naa abe hadaene ai hidee. Abe naa ma duruika de ngini niihenoka ai hidee gea o Abari ma Rorahaiino la ka idadi niongaku enangika. De o Abari ma Rorahai gea o nyawa inihitobahingahu-ngahu nginika ma titi Ma Jou o Womaha ai kuahaino, abe Una o Horogaka de wauku woboa. Ho gea kiani niwihigiriiri Unangika! De Ma Jou ai hidee de ai hininga ma owa ngoneuku, ena gea duru ihohailoaholi hiadono ka Ma Jou ai uru ma dodofangua dika abe yoigo ihioriki, masara ngaro Ma Jou ai momalaekatoo, onangoo duru yoigo yamake la ihioriki ai hidee gea abe ngone naa hamakeoka. Abe ona yomakokeleha ato, “Bote hokokia ma ngekomo Ma Jou ahao wapake la waduhunu o nyawa gea manga howo-howonino? Marai ai ngekomo gea kiani duru ihohailoa!” Hokogea ona duru yoigo ihioriki, de abeika, ngone naa abe ka idadi hamake ai ngekomo gea. Ho ngoneoo abe hamake hokokia ma amoko Ma Jou ai hiowa ngoneuku abe wonaduhunu nanga howonino. Ho ngone naa kiani duru hihigiriiri nanga Jouika ma titi ai duduhunu ngoneino de abe nanga utumu wonahidoaka ai hininga ma owaka de aino.

1 Yohanese 4:6

Masara ngomi naa to Ma Jou ai nyawa abe Una womihidadi ngomi to Una ai hidingoto ma nyawa, ho onagona dika abe iwihioriki Ma Jouika, ona gea imihigihene to ngomi mia demoino. Masara nako o nyawa utu abe ona ko to Unangua ai nyawa, ona gea ko imihigihenua ngomino. De ma titi o nyawa manga dodoihenino gea de ka idadi hahikohowono ona abe Ma Jou o Womaha naga onangoka de wahihira-hira ona la hiadono ona yaniiki ma gou-goungu ma demoika, de abe onangoli yatobaniiki o ngelu-ngelukika ma titi o womaha utuoli yahihira-hira ona gea.

3 Yohanese 1:14

De gea ngohi tonganono abe duru ko itedekanokaua de ahao ka idadi homakamakeoli ngona de ngohi, de gea ahao ka idadi homarihimanga de homakoketemo.

Himatoko 3:20

Abeika nitotoihene tomahiketero! Ngohi naga ti ngini nia tau homoi-homoi nia ngoranoka de tiniahoko tato towohama nia tau ma goronaika. De nako onagona dika yoihene ahi ilingi de gea ma ngorana ihibelenga, gea Ngohi towohamino la ona de Ngohi homakutuono holomo, abe gea ngone duru homaketedodiawo.”

Himatoko 7:17

De gea manga kangela ko iwaka angamoi ma titi o Domba ma Ngofaka abe womaokoino ma kaderaka gea, Una ma hirete ahao wodadi manga gogoana de wahihira-hira abe hoka o domba ma gogoana womatengoani wahihira-hira ai domba. De gea Una wahihira ai nyawa de wao o akere ma jobuubuika abe nako ma akere genangino yaokere de gea yamake o wowango genangino. De Ma Jou Una ahao manga koongo mata-mata abe manga lakoka de aino gea wakokiehe, angamoi genangoka de imahikaika duru ko iwaka manga kangela de manga huha.” Hokogea ai hitararono ma demo ngohino abe ma titi o nyawa ko manga ngoe gea abe naga to Una ai kadera ma hohailoaka.