Yohanese 1:9 - Ma Jou ai Demo-demo o Totobelohoka

⁹ “O dararono ma gou-goungu, gea Una abe woboaka la ka idadi wahitararono o nyawa mata-mataika o duniaka naa.” Hokogea o Yohanese ai hingahu ma demo.

Yohanese 1:9 Iomraidhean Croise

Yesaya 49:6

De naa Una Ma Jou o Yawe wotemo Ngohino wato, “Igoungu tonihitagongo la o Isiraele ma nyawa nahigilio la ona yokokilio Ngohino, masara ka genangua dika ani tagongo tonihidoaka. Abe nagali tonihitagongo la nodadi hoka o hilo ma dararono abe nahitararono ma gou-goungu o dunia ma nyawa mata-mataika, la ngaro o nyawa yomanoa o tonaka kohagurutika masara mata-mata ihioriki abe Ngohi ka idadi taduhunu ona manga howo-howonino.”

Matiusu 6:23

“Masara nako nia hininga itorou abe nioluku niolega o nyawa utu manga pereluika, gea de ahao nia hininga ifufutuoka de duru ko iwa nia badanga ma datoro ma owa nia wowangoka.” “De gea ho Ngohi tato nako o nyawa manga hininga ko itagiua o nyawa utuika, gea imaketero manga hiningaka duru ihidofufutuoka angamoi ko iwa Ma Jou ai dararono gea ma goronaka.”

Lukasa 11:36

De nako Ma Jou ai dararono ma gou-goungu duru inihitawange nia hininga mata-mataika ho hiadono ko iwaka ma fufutu nginioka, gea de ahao duru kohadararono nia hininga abe imaketero hoka nigogere duru o hilo ma dararonoka.”

Yohanese 1:4

O wowango ihititi Una o Demoino, de o wowango gea o dararono abe yahitararono o nyawaika.

Yohanese 1:7

Ma Jou wihidingoto o Yohanese o nyawaika la una wahingahu-ngahu onangika o dararono ma titi. De Ma Jou ai mau la o nyawa mata-mataika ihigihene de yangaku ai hingahu ma demoika.

Yohanese 12:46

Ngohi toboa o duniauku naa hoka o dararono abe o nyawa tahitararono la onagona dika ihingakuoka, ona gea ko yomanoakaua o fufutuoka.”

Yohanese 14:6

De o Yesusu womahingahu onangika wato, “Ngohi naa ma ngekomo Ma Jouika, de Ngohioka ma titi ma gou-goungu, de Ngohioo o wowango ma ngango ma titi. Ho ko moiua yoboa ahi Babaiye nako ko Ngohinoua yoboa.

Yohanese 15:1

O Yesusu wahitararono ona iwitobaniikika de o hiketero ma titi ngone hingaku-ngakuoka. De hokonaa wohiketero de wapake o angguru abe o datomino. Una wato, “Ngohi naa o angguru ma roehe ma dutu de ahi Baba Una hoka womatengo ai angguru wapaliara abe wogoana de wokarajaanga.

Yohanese 6:32

De o Yesusu wotemo onangika wato, “Naa duru tagou-goungu tinihingahu nginika, o roti o Horogaino gea abe onangika wahidoakoka, gea ko o Musainoua, masara gea ahi Babaino, de ma oraha naa Una winihidoaka nginika o roti ma gou-goungu o Horogaino.

Yohanese 7:12

De o nyawa manga ngoe ihikokaika yomatoo-toomuino manga rame-rameoka gea. De onangoo yomakoketemo ma titi o Yesusu ma ka yomakokuhudu dika de utu naga ato, “Una o nyawa ma owa.” Masara utu ato, “Koua, Una gea duru o nyawa watobabudi la woigo wahirehene.”

1 Yohanese 1:8

De nako ngone homahingahu hato ko iwa o howono ngoneoka, gea homabudioka dika de inahitaana abe to Una ai demo ma gou-goungu ko imanoaua ngoneoka.

1 Yohanese 2:8

De ngaro ma behehongo ma demo gea tanu ma dekanoka masara ka idadi tohiromangoo enangika tato hoka ma behehongo ka ma hungiohi, angamoi naa ma duru hamakeoka o Kristusu ai wowango ma goronaka de wonahimatoko ngoneino abe hokokia homakodora. De tohiorikoka abe ngaro ti nginioo nia wowangoka ma idadioka abe nimakodora ngini o gogianongoruoka. Angamoi ma oraha naa de o fufutu ka ihutulu moduku de ma dararono ma gou-goungu gea imulaengoka inahitawange ngoneuku. Ho mangale naa ma duru de ahao o Kristusu ai dora ma gou-goungu imulaenge itagi o dunia ma lokuoka ho hiadono ngohi tohiromanga ma behehongo ma demoika gea, tato ena gea hoka o behehongo ka ma hungiohi.

1 Yohanese 5:20

De hohiorikoo abe Ma Jou o Ngofaka Una woboaka ngoneuku de wonahidoakoka o hiakunu nanga hiningaka la ka idadi hihioriki Ma Jou idodutuika. De ngone homanoaka Ma Jou idodutuoka angamoi ai Ngofaka o Yesusu Kristusokaoo ngone homanoa. De o Yesusu Kristusu Unangoo gea Ma Jou idodutu, de o wowango ka hiado-adonika ma titi naga Unangoka. De gea mata-mata duru tonahigaro la tato ngone duru ka idadi hohioriki de honganono enangika.