Yohanese 1:6 - Ma Jou ai Demo-demo o Totobelohoka

⁶ De naga Ma Jou ai hidingoto ma nyawa womatengo ai romanga o Yohanese.

Yohanese 1:6 Iomraidhean Croise

Maleaki 3:1

De Ma Jou o Yawe abe duru Wokokurutiye Una winipaluhu nginika hokonaa wato, “Abeika nitotoihene! Ngohi naa etohidingoto ahi nyawa abe wotobahingahu-ngahu ahi demo, de una gea ahao wohidiaiohi ahi ngekomo la Ngohi toboa nginika. De gea ipaha de ahao ka itodokanino de ti ngini nia Baluhu idodutu abe naa ma dekanino niwidodamaa de niwilingiri, Una ahao woboa to Una ai Tauika. De Una gea woboa de winihingahu-ngahu ma titi ahi behehongo ma demo nginika. Ho duru igoungu Una ahao woboa nginika.

Matiusu 11:10

De Ma Jou ai Demo-demo naa moi abe ma dodihiraino wotemo to Una ai Ngofakika de hiadono ihitulihukuoka, gea ena ma demo ma dumutu o Yohanese Wotobaohi-ohikika. Abe ma demo gea itemo ato, ‘Abeika Ngohi ahao tihidingoto womatengo la wototaka ahi Demo-demo o nyawaika. De una gea tihidingoto wohira la to Ngona ani ngekomo wonihidiai, de ahao Ngona nihidoduruika ai poretino.’ De hokogea Ma Jou o Baba ai demo ma dihiraino abe wotemo ai Ngofakika ma titi o Yohanese.”

Matiusu 21:25

Nako nengokadau abe o Yohanese Wotobaohi-ohiki, to una ai kuaha o kiaino ho hiadono o nyawa waohi-ohiki, Ma Jouoka de aino eko o nyawaka dika de aino ai kuaha? Abeika nipaluhu!” Ho ona duru yomakoketemo ma titi ai leleha gea, ho yotemo ato, “Ou, ai leleha naa done sarakia hapaluhu? Nako hipaluhu Unangika hato, ‘Ma Jouoka de aino o Yohanese ai kuaha,’ gea de ahao kiani Una wonalehali wato, ‘Ho gea adodoa ho ko niwingakua unangika?’

Lukasa 1:13

Masara o Gabiriele witemo o Sakariaika wato, “Sakaria, ngaro ufa nohawana, angamoi naa ngohi toboa la tonihingahu abe Ma Jou wohigihenoka ani gogahoko. Abe ma dodihirainohi de ngona nogahoko Ma Jouika o ngofaka, ho Una wohihidingotino la gea tonihingahu ngonaika. Ho ngoni fekata o ngo Elisabete ahao momagerewoto de ami ngofaka o nauru, de ti ngini nia ngofaka gea kiani ngona nihiromanga o Yohanese.

Lukasa 1:76

De ahao o Sakaria wogila-gila wohidemo wato, “De abeika ngona naa, ahi ngofaka ma gilau, Ahao inihiromanga Ma Jou Wokokurutiye ai uru ma dodofanga. Angamoi nanga Baluhu Wokokurutiye ko woboauahi, De ngona nohira nihidiai ai ngekomo la ahao woboa,

Yohanese 3:28

Ngini niihenoka abe ngohi ma hirete tinihingahuoka tato ko ngohiua o Mesia, masara, Ma Jou wohihidingoto la ngohi tohira toboa. Ahi demo gea ngini niihenoka.”

Hidingoto 13:24

De o Yesusu Una ko woboauahi de naga o Yohanese abe wotobaohi-ohiki o nyawaika, abe una wohira woboa de wahingahu-ngahu o nyawaika abe wato o Isiraele ma nyawa mata-mata kiani yotoba de yoporete manga howo-howonika de yomangali Ma Jouika de yomaohiki.