Yakobusu 5:4 - Ma Jou ai Demo-demo o Totobelohoka

⁴ De ngini gea abe de nia tiwioka, abeika niongano-nganonohi ti ngini nia datoro abe ma dihiraino nidiaioka. Angamoi naga o nyawa gea abe ngini niahikarajaanga la youtuku nia redi-redioka, masara yautuku abootoka de ngini ko niahidoakuali manga karajaangino ma hasili onangika. Ho ona gea duru yomagahoko Ma Jouiye de manga ilingi ma amokiye la ato Una waduhunu onangika. De Una gea nanga Baluhu Wokokurutiye, Una wagihenoka to ona manga gurubungu ma demo ma titi manga hewa ngini niatumungu.

Yakobusu 5:4 Iomraidhean Croise

Dodadi 4:10

Ka de o Kaini ai demo hokogea de Ma Jou wihiree-reeika wato, “Gea ngona nodiai nato bote ko tonimakeua? Gea ani dodoto ai awunu tamake iuihoka o tonakuku de imaketero hoka ai awunu igahoko la tihohowono una gea abe witoma.

Huhupu 22:27

Hokogea kiani nohigilio angamoi marai gea dika manga ngoere abe ka idadi gea ena yapake yomahikorobitino la ufa yamaata. Ho nako gea ena naleoka de ahao o kia yapake o futuoka ma oraha yomaidu? Ka de o futu de inihigurubungu ma titi manga baju ngona naleoka de yamaata. De manga huha gea Ngohi togihene de ahi dora ma hiokoo itagi onangika.”

Huhupu 3:9

Abeika, to Ngohi ahi nyawa o duduhunu yomagahoko Ngohiye de ihiboa-boaka! Ona gea ka yokangelakaholi de Ngohi tamakeoka o Mesiiri ma nyawa de manga dualono yahitubuhoholi yahikarajaanga onangika.

Yesaya 5:7

De ai ade-ade ma demo hokogea angamoi ihidumutu ngini Ma Jou o Yawe Wokokurutiye ai nyawaika! Abe ngini naa nidadioka hoka to Una ai angguru ma redi. Ngini o Isiraele ma nyawa de abe nimanoa o Yudea ma tonakoka, duru ngini abe winihiromanga wato ai redi abe duru wodora! Ho Una duru wongano-nganono la wamake o totiai ma hasili nginioka de aino. Masara ai nganganono gea ko idadiuali ho wamake dika o gangamo nginioka. De Una duru wonganono winimake abe ngini nimakao itiai de nia gogianongoru, masara abe wamake gea o nyawa yopoa-poaka ma titi nimahiketehikokangela! Ho ma hasili abe wamake nginioka gea ka ma suka-suka dika de ko iwa ma muti-mutiti!

Habaku 2:11

Ho mangale ma titi nia datoro gea hiadono imaketero hoka ti ngini nia tau ma kiahonanga inibobeto nginika. Abe ngaro to ena ma dadaduhu de ma dudukuru masara gea ipoa-poaka ma titi nia datoro ma dorou!’”

Maleaki 3:5

De Ma Jou o Yawe duru Wokokurutiye wogila-gila wotemo nginika wato, “De ma oraha gea toboa la tinihohowono nginika. Abe Ngohi ko totaka-takaua toade-ade o nyawa manga howo-howono, masara gea ka tomoroini dika totemoiye. Abe onagona dika o dodiai yotobadiai, de abe yahowono ma titi yomaidu de abe ko manga fekatua eko manga rokatua, de ona abe yomahikoboto ato bari yotemo ma gou-goungu dika masara ka yoeluku o nyawa manga himangoka, onangika mata-mata tohidaere manga howo-howono. De onangoli tohidaere manga howono abe yahikarajaanga o nyawa masara yarusi ma titi manga hewa ma tiwino, de o nyawa onagona dika abe yarusi o ngo bao-baoika eko o gohihi ma ngofaka. De onagona dika abe ka yoluku yaduhunu o homoa ma nyawa abe yadioniki nginioka, onangoli tohidaere manga howono. Angamoi o nyawa homoi-homoi abe manga datoro ma dorou hokogea, ona ko iwa manga horomati de manga modongo Ngohino.” De hokogea Ma Jou o Yawe Wokokurutiye ai hitararono ma demo ma titi ai hohowono nginika.

Matiusu 9:37

De gea o Yesusu wotemo iwinii-niikika wato, “Abe naga o nyawa duru ko manga ngoe abe yoigo ato yotoihene o Abari ma Rorahai, masara ngone ka hokurangohi abe hahingahu-ngahu o nyawaika. Ho ka idadi tahiketero ona gea hoka o redi ma amoko ma hasili abe gea imahidiaiukuoka la o nyawa yoboaino de youtuku, masara ona youtu-utuku duru yokuranga.

Lukasa 18:7

Ho hongoli Ma Jou ahao wahigihene to Una ai nyawa manga gogahoko ma demoino abe yomatobagahoko o futu de o wange Unangika! De abe ma oraha Una waduhunu onangika, ai putuhu gea duru itiai manga wowangoika.

Roma 9:29

De naga moioli Ma Jou ai demo abe ma dodihirainohi de o Yesaya wohitulihuku wato, “Nako Ma Jou Una gea duru wokokurutiye o Horogaka. Ho tanu naga ai kuaha abe Una wonahohowono ngone mata-mata o Yahudi ma nyawa ma titi nanga howono Unangika, abe imaketero hoka ma dodihiraino o Sodomo de o Gomora ma nyawa ona mata-mataika Una wahiofioka. Masara to Una ai hininga la ngone utu wonatingaka la to Una ai hohowono ko inadaenua ngoneuku, done ngoneoo hohotumu de done imaketero hoka o Sodomo de o Gomora ma nyawali ho ngone ko inaiwaka.” De hokogea o Yesaya ai demo abe ma titi Ma Jou ai hohowono ngone o Yahudi ma nyawaino.

Kolose 4:1

De ngini o gogilaongo manga dutu-dutu, ngini kiani nia gogilaongo manga perelu niolega abe hoka itiai, de ufa ona gea niahikangelaholi. Abe kiani ngini niohohininga abe ngaro nginioo, ma naga de nia Dutuoli o Horogaka, ho ka idadi hotemo hato nginioo to Una ai gogilaongo.