Yakobusu 4:10 - Ma Jou ai Demo-demo o Totobelohoka

¹⁰ Ho ngini kiani nimahitipokoukuoka nanga Baluhu idodutu Ma Jou ai himangoka la gea Una ahao winigoraka de winihidoaka nginika o gogere moi hatoli ikurutiye Unangoka.

Yakobusu 4:10 Iomraidhean Croise

Huhupu 10:3

Ho o Musa de o Harunu yoikoli o Firaunu ai tauika la iwitemoli ato, “Mia koano, Ma Jou o Yawe abe o Ibarani ma nyawa manga Jou, hokonaa wonileha ngonaika wato, ‘Muruonoka de ngona nahigunoa ahi nyawa yohupu o Mesiiri ma tonakino la ka idadi yomahuba Ngohiye? Ngona kiani nomahitipokouku ahi himangoka la ibootohi nohilawana Ngohi Ma Jou o Yaweino.

Matiusu 23:12

Ho onagona dika ato yomagorakiye de ona gea ahao Ma Jou wahitipokouku ona. Masara onagona dika abe yomahitipokouku, ona gea Ma Jou ahao wagorakiye.”

Lukasa 1:52

Wahitipokouku o kokoano hiadono manga kaderaka wahigutioka. Masara ona yomahitipokouku, ona gea Ma Jou wagorakiye.

Lukasa 14:11

Angamoi ona yomasade-sade ahao Ma Jou wahitipokouku, masara ona abe yomahitipokouku manga hiningaka ona gea ahao Ma Jou wagorakiye.”

Lukasa 18:14

De o Yesusu wato, “De naa moi tinihingahu, abe ma oraha ona yahinooto yoborilio manga tauika de womatengo dika wototiaioka Ma Jou ai himangoka, de gea una wotobagaho-gahoko o pajaka ma tiwi o nyawaika. Masara nako womatengoli abe womagorakiye ai niniata ma demo ma goronaka, una gea Ma Jou ko wietongua wototiai. Angamoi onagona dika yomagorakiye ahao Ma Jou wahitipokouku, de onagona dika yomahitipokouku ahao Ma Jou wagorakiye.”

1 Peturusu 5:6

Ho gea ngini kiani nimahitipokouku Ma Jou ai himangoka abe to Una ai kuaha duru kohaamoko. De nako nimahitipokouku hokogea, ahao Una winigorakiye la hiadono inihoromati abe nako ma oraha adonoka.

1 Samuele 2:7

Ma Jou o Yawe wohiaturu la o nyawa utu yohuha o kiahonanga, De o nyawa utu wodiai la yokaya de o kiahonanga. Naga o nyawa abe Una wahitipokouku, Naga o nyawa utu abe wagorakiye.

1 Samuele 2:9

Ma Jou duru wagoana to Una ai nyawa abe wahitebinoka, Wagoana manga ngekomika la ufa yopeleke. Masara ona abe manga datoro itorou ahao wahibinaaha, De ona gea wahigogere o fufutu ma goronaka. Abe ko ma titiua o nyawa de to ona manga buturungino dika yowango, De ko yamakeua o lolaku de to ona manga buturungino.