Yakobusu 3:3 - Ma Jou ai Demo-demo o Totobelohoka

³ De abe ma titi homahipareta nanga akiri nanga uruoka, gea ka idadi tohiketero abe de o kuda. De nako ngone hato o kudauku hofarene, gea ihira o behi ma dobiki moi hohitaanaoko o kuda ma uruoko la ma titi genangino de ma kuda ka idadi ihioriki de yaniiki to ngone nanga hininga ma dumutu abe o kiaika dika hato hoboa. Angamoi ma behi ma dobiki gea yalikoika de o tali ma behi aridobiki ho nako ngone hofarenuku de hatauru ma tali arihononga, gea ma behi ma dobiki abe naga ma kuda ma uruoka ena gea ihidumutu irahai. Ho ngaro ma behi ma dobiki duru ma eteteke o kuda ma uruoka de ma kuda ma badanga duru ilamoko, masara ma titi ma uruino de ihidumutu ma kuda ma badanga ma amokika.

Yakobusu 3:3 Iomraidhean Croise

Higiriiri 32:9

Ho ufa nimaaduru abe hoka o kuda abe ko iwa ma tobahioriki, angamoi gea kiani naga o behi ma dobiki moi hohitaanaoko ma uruoko la ihidumutu ma kuda gea. Abe nako ma behi gea ko iwa, duru ko iwa ma kuda ma hingounu ma dutuika, ho ngini naa ufa nimaaduru hoka to enangoli ma hininga, masara koaho naga nia hingounu Unangika.

Yakobusu 1:26

De nako o nyawa yomahingahu manga hiningaka ato duru yomahuba-huba de iwiniiki itiai Ma Jouika, gea tanu ka idadi yomahipareta manga uruino. Masara nako ona gea manga uruino ma betongo ko yomahiparetaua hiadono yotemo-temo ma dorou dika, gea ona manga hiningaka yomabudioka, ho ka parahaja dika yomahuba-huba Ma Jouiye.

Yakobusu 3:4

De hokogenangoo de o kapa ma ago-agomo abe o hidaloko duru kohabuturungu yatila o gahi ma lokuika. Angamoi gea ma titi ma ririmi ma etetekino abe ihidumutu ma kapa, ho iti una o kapa wao-ao wasoino ma lololiti la wohipareta ma ririmika, de gea ka idadi wohidumutu ma kapa ma amoko la imakiniiki de to una ai hininga ma mau abe wohidumutu ma kapa ma himanga.