Masara ma dodihiraino gea de ngini tinietongo hoka o angguru ma roehe duru ma rorahai ho Ngohi tinidatomo ahi tonakoka. Masara ipahaino de ahi datomo gea imaturuuruoka, abe ma titi ngini nidadioka hoka o angguru ma roehe ma fuhuku ho ti ngini nia hofoko duru itorou de iwederoka. Ho ngini done ma titi o kia hiadono nimahitorouoka hokogea?
Yakobusu 3:12 - Ma Jou ai Demo-demo o Totobelohoka12 De hokogenangoo nako o gogilioro ma gota o utu moi gea ko idadiua ihihofoko de o saitunu ma hofoko, ahi gogianongoru. Eko nako o angguru ma roehe gea o gogilioro ma hofoko enangoo ma ko idadiua ihihofoko. De gea duru imaketero ma titi abe nako o jobuubu moi o akere ma maha-maha ihibubungiye, gea ko idadiua imahidububungiye de o akere ma muti-mutitoo abe gea ma bionino. Ho ngoneoo naa tanu kiani nanga uru ma hofoko ma rupa moi dika ihupu nanga uruoka de aino, de gea ka o hiowa ma demo dika abe ka ihikaika nanga uruino ipaata. Faic an caibideil |
Yakobusu 3:12
11 Iomraidhean Croise
De o Yesusu ka wogila-gilahi ai demo o Farisi ma nyawaika wato, “De naa moi irahai ngini nimafikirohi abe ma titi ahi datorino todiaioka. Abe ngini nihioriki nako o gota, ka idadi homalega to ena ma hofokika de hohiorikoka gea ma gota ma rupa hokokia. Abe nako ma gota ma rahai, gea hamake ma hofoko ma rahai genangino. Masara nako o gota abe to ena ma hofoko ma dorou, gea hohiorikoka ma gota ma dorou. De gea ma gota imaketero hoka Ngohioli naa, angamoi ngini niamakeoka ahi hofoko abe ahi wowango ma datorino, de ahi wowango ma hofoko gea irahai. Ho gea tanu genangino de ngini ka idadi nihihioriki abe Ngohi naa ahi hininga ma rorahai.
De ma gurutikahi de naga wamake o gogilioro ma gota o utu moi o ngekomo ma datekoka gea. De ma gotaika gea wolegahi la wato wamake ma hofoko, masara ka ma hoka dika naga, ho ko iwa ma gogilioro ma hofoko. Ho gea de Una wohikoboto ma gotaika gea wato, “Ibootohi nohofoko naa de ka hiado-adonika!” De ka de wohikoboto enangika de ma gogilioro ma gota gea imoraaka.
Sanasan