Yakobusu 2:16 - Ma Jou ai Demo-demo o Totobelohoka

¹⁶ De ahao nginioka nimatengo nitemo onangika niato, “Ngohi tonigahoko Unangiye la ani dodagioka de Ma Jou wonigoana ngona la ko kia-kiaua idadi ngonaika. De tonganono abe ahao inihidoaka ngonaika ani baju de ani inomo la gea iniwedono de ngona nosanangi.” Masara ngaro hokogea nitemoka ma hadongoo de ko kia-kiaua niahidoaka nia gianongoruika gea. De nako to ona manga badanga ma perelu ko niahidailakoua onangika, gea ti ngini nia demo onangika ka parahaja dika.

Yakobusu 2:16 Iomraidhean Croise

Matiusu 15:32

De ipaha de o Yesusu wahokino iwinii-niiki Unangino. Ho ona yomatoomuinoka Unangoka de Una wotemo wato, “De naa ahi hininga duru ihuha ma titi o nyawa manga ngoe naa. Angamoi ona naga de de Ngohi abe manga futu hangeinoo de manga inomo duru ko iwaka. De Ngohi ko toigoua tahuloko la yokokilio nako ko hahiolomuahi. Angamoi gea ona ka de manga hafinokahi ho done ahao manga dodagi ma goronakahi de manga hininga ka ihihihanga de ko yomahiadonua manga tau-tauika.”

Matiusu 25:35

‘De ngini tiniahokino la niamake nia hiowa mangale ma dihiraino de Ngohi ihihafini de ngini nihihiolomo. De ma oraha ahi ngomaha yodudungu de ngini nihihiokere Ngohino. De abe ma oraha Ngohi o homoaino toboa nia tauino de ngini nihidafongo.

Matiusu 25:36

De ma oraha abe ahi kiahonanga ikuranga ahi badangoka de ngini nihihidoaka o baju Ngohino. De nagali abe ihigogama de ngini nihilega-lega, de abe Ngohi ihibuioka o bui ma tauoka de ngini niboa nihitu-tutumu.’”

Maruku 5:34

De momangaku ibooto de wotemo munangika wato, “Ngohi ora, inihitogumoka ma titi ani ngongakuino. Ho naa ani hininga isanangioka de ka idadi nolio, angamoi ani kangela gea ko iwaka.”

Roma 12:9

De naa utuohi tinihigaro ma titi nia wowango Ma Jouoka. Abe ngohi tato ngini kiani nimakodora de nia hininga ma hohailoa ho ufa nia uru ma kaioka dika abe nimakodora. De kiani niodohata o dorouika, masara abe ma rorahai gea nimahigagaoika enangika la ka ihikaika gea dika nianii-niiki.

2 Korintusu 8:8

De iti ufa niataoko ihowono ahi demo nginika, angamoi ngohi ko tinihulokua abe ma titi ma duduhunu niatoomu. Masara ngohi tinihingahu dika abe ma titi nanga gogianongoru utu manga hininga ma magawe abe duru yoigo yaduhunu utuika. De genangino ka idadi hohidotelega ti ngini nia hininga ma dora abe de nanga gogianongoru utuoli manga hininga ma dora la hohioriki imakiniiki eko koua.