Yakobusu 2:10 - Ma Jou ai Demo-demo o Totobelohoka

¹⁰ Angamoi ngaro o nyawa yatobaniiki ai Pareta mata-mataika masara to ena ma demo moi dika de yahowono, eko ngaro ai Pareta ma demo muruono naga abe ko yaniikua enangika, masara gea Ma Jou waetongo wato ona gea mata-mata yomaketero dika o howo-howono ma nyawa angamoi ona yatilakuroka to Una ai Pareta.

Yakobusu 2:10 Iomraidhean Croise

Galatia 3:10

Masara nako nanga ngongaku de o Musa ai Pareta, gea duru ko imakiniikua. Angamoi nako ma Pareta o nyawa yaniiki, gea ma Pareta yahigaro onangika la ka ihikaika gea dika yanii-niiki. Abe o Musa ai Paretaka naga itulihukuoka ato, “Onagona dika abe yaniikoka ma Pareta, ona gea kiani yomanoa ka genangoka dika ma Pareta ma goronaka.” Hokogea ma Pareta ma demo ma dihira. De gea igoungu abe nako ma Pareta ka ihikaikaua o nyawa yatobanii-niiki, gea ko idadiua Ma Jou waetongo yototiai ho o wowango ma ngango ko amakeua genangino. Masara gea ma dodihirainohi de duru ko moiua abe Ma Jou waetongo onangika wato yototiaioka ai himangoka ma titi yaniiki itiai o Musa ai Pareta. De gea itararono ngoneino de hohioriki igoungu ma titi abe naga Ma Jou ai Demo-demoka moioli abe ma dihiraino ihitulihoka. De ai Demo-demoka gea itemo ato, “O nyawa abe Ma Jou waetongoka wato yototiai ai himangoka ma titi manga ngongakuino, ona gea abe yamakeoka o wowango ma ngango.” Hokogea itemo Ma Jou ai Demo-demoka. Masara nako o nyawa mata-mata abe yomahinganono ma Paretaika la ato duru itiai yaniiki, ona gea Ma Jou ko waetongua wato yototiai ai himangoka, angamoi ona gea duru ko apoaua yaniiki itiai. Ho gea hiadono tanu Ma Jou ahao kiani wahikoboto de o hohowono onangika. Angamoi naga ihitulihukuoka Ma Jou ai Demo-demoka itemo ato, “De onagona dika abe ka ihikaikaua duru yaniiki Ma Jou ai Pareta mata-mataika abe naga ihitulihukuoka ma Pareta ma Bukuoka, de ona gea manga hingounu ko ingodumua o Paretaika. Ho ahao Una kiani wahikokikoboto de o hohowono ona mata-mataika.” Hokogea itemo Ma Jou ai Demo-demoka.

Galatia 5:3

De naa ma moioli tinihitiari nginika tato nako hiadono nimahigunoa la inihunaka, gea kiani o Musa ai Pareta gea iahumu kiani ka ihikaika nianiiki, angamoi nako ka ma dobiki dika nianiiki, gea ko idadiuahi iniduhunu.

2 Peturusu 1:10

Ho ahi gogianongoru, ufa ngini nimaaduru hoka onangoli gea, masara koaho nimaribuutu la nimahitaana abe ngini niagou-goungu niwiniiki Ma Jouika. De kiani hokogea nidiai angamoi Una gea winiahokoka de winiirikoka la nidadi to Una ai debi-debini ma nyawa, ho kiani ka ihikaika niwiniiki Unangika. De nako ka ihikaika ti ngini nia hininga hokogea, de gea ahao nibitumoka nia ngongakuoka de ko idadiua nirehene genangino.

Yudasa 1:24

Ho naa ngone ngaro ka hihigiriirioka abe Ma Jou nanga Duduhuniye! Angamoi Una gea ka wakunu wonatiki la ufa hopeleke de horuba o howonuku. De mangale ma titi Una wonaduhunu hiadono ko horubaua, ho ahao ka idadi wonaao ai himangino de to ngone nanga howono duru ko iwaka ngoneoka, angamoi nanga wowango o duniakahi de o wange-wangeiye wonaduhunu la ufa hahowono. Ho ahao ma oraha homarihimangino de Una abe naga de ai medebini ma dararonoka, de gea o howono ngoneoka duru ko iwaka ma titi to Una ai duduhunu ngoneino, ho gea ngone duru hogogaragoholi to Una ai himangoka.