Yakobusu 1:15 - Ma Jou ai Demo-demo o Totobelohoka

¹⁵ Ho nanga hafini ma dorou gea ka de haniiki enangika de idadioka abe hahowono. De nako ngone homahigunoa la nanga wowangoka ka ihikaika o howono haniiki, gea hohioriki ma bahauku de kiani ihihofoko de o hohonenge.

Yakobusu 1:15 Iomraidhean Croise

Dodadi 2:17

Masara naga o gota moi dika imatotogoronauku o redioka naa ufa naolomo ma hofoko, angamoi genangino nohioriki ma owa de ma dorou. De hokogea tonihingahuoka angamoi ka de o wange gea abe ko nohihingounua de naolomo, ka ma wange gea dika de nohonenge.” Hokogea Ma Jou o Yawe ai hitiari o Adamika.

Dodadi 3:6

Ho muna gea moihenoka de angamoi mamake ma hofoko gea duru irahai ho duru moigo maolomo hiadono doka ami hiningaka mato, “O hofoko gea nako taolomo marai duru imutiti de gea igoungu inahidadi hososawaro ho duru toigo taolomo.” Ho ma hofoko gea momadofi de maolomo. De utu mihidoaka ami rokatika, angamoi una naga wominiikika, ho unangoo waolomo.

2 Samuele 11:4

Hokogea woihene de o Dautu ai hidingoto ma nyawa wahidingoto la yoiki imile. Ho muna imiao o Dautino. De ahao idadi una de muna yomaidu. Abe muna ma oraha gea maniiki ibooto o ngofeka manga hiaturu la yomahitebini abe manga mede yapahaka. De yomaidu ibooto de muna ahao molio ami tauika.

Matiusu 26:14

De ipaha de o Yudasa Isikarioto, abe una yangimoi de yahinootoino, una woiki onangika abe yodadi manga hohidemo yokokurutiye Ma Jouiye.

Matiusu 5:28

De gea igoungu, masara Ngohi tato ka onangua dika yahowono. Angamoi o nauru onagona dika abe womalega o nyawa manga fekatika de ai badanga ma hafini ipuda ai hiningaka hiadono woigo la yomakitigi de muna, gea imaketero dika abe hoka wahowonoka ai badangoka ngaro tanu ai hiningaka dika.”

Yakobusu 1:14

Masara gea tanu to ngone o nyawa homoi-homoi nanga hafini ma dorou abe inahitaili de inahiata-atara la ato inahiloara o howonika.

Yakobusu 1:18

De naga moioli ma rorahai abe ai hiningaka de aino iboa. Abe mangale ma titi to Una ma hirete ai mau ma rorahai ngoneuku ho hiadono ngone homaboa Unangoka, abe ma titi ngone hoihene ai hingahu ma demo ka ma gou-goungino dika ho genangino homaboa. Angamoi Una ai hiningaka wato ngone hodadi hoka to Una ai dulaada ma domoro la ngone naa duru hohira-hiraika abe hagou-goungu hodadioka to Una. Ho ngone naa ufa hiadono hafikiri hato Ma Jou ka idadi o dorou wodiai, angamoi Una gea ka ma rorahai dika wonahidoaka ngoneuku.