Yakobusu 1:14 - Ma Jou ai Demo-demo o Totobelohoka

¹⁴ Masara gea tanu to ngone o nyawa homoi-homoi nanga hafini ma dorou abe inahitaili de inahiata-atara la ato inahiloara o howonika.

Yakobusu 1:14 Iomraidhean Croise

Dodadi 3:6

Ho muna gea moihenoka de angamoi mamake ma hofoko gea duru irahai ho duru moigo maolomo hiadono doka ami hiningaka mato, “O hofoko gea nako taolomo marai duru imutiti de gea igoungu inahidadi hososawaro ho duru toigo taolomo.” Ho ma hofoko gea momadofi de maolomo. De utu mihidoaka ami rokatika, angamoi una naga wominiikika, ho unangoo waolomo.

Dodadi 6:5

De Ma Jou o Yawe wamake o nyawa mata-mataika manga wowango ma datoro itorou. De wamakeoli abe ka ihikaika ipuda manga hiningaka ka ma dorou dika.

Dodadi 8:21

De o Nuhi ai huhuba ma bounu idoaiye de Ma Jou o Yawe waame de duru iwihisanangi ho hiadono womatemo ai hiningaka wato, “Ngohi ko tohipohakaua o tonakuku de o hohowono hokonaa. De ngaro o nyawa duru manga etetekinohi manga hiningaka ipuda yodiai ka itorou dika masara, mata-mata de ma wowangoka ngohi ko tahibinaahakauali de o nguihi. Abe hoka ipopahaino naa idadioka hiadono yakokilutu, masara gea duru ko todiaiokauali.”

2 Samuele 11:4

Hokogea woihene de o Dautu ai hidingoto ma nyawa wahidingoto la yoiki imile. Ho muna imiao o Dautino. De ahao idadi una de muna yomaidu. Abe muna ma oraha gea maniiki ibooto o ngofeka manga hiaturu la yomahitebini abe manga mede yapahaka. De yomaidu ibooto de muna ahao molio ami tauika.

Sosawaro 4:23

Mata-mata ngone hodiai ngaro ma dorou eko ngaro ma owa, ma mata-mata gea imulaenge nanga hiningaka de aino. Ho gea abe itagi nanga hiningaka ahao ihupu de imahimatoko nanga wowango ma datoroka. Ho abe ngini kiani duru ka ihikaika nimahigoana la ufa nia hininga itagi ma dorouika angamoi ngaro mata-mata utu nia wowangoka ma ka enangohi kiani niogoana.

Matiusu 15:18

Masara nako o demo ma dorou gea mata-mata o hininga ma dorouoka de aino iboa, de ena gea abe inahipeseke de inahihowono Ma Jouika.”

Matiusu 15:20

De ma dorou ena gea abe ka idadi inihihowono Ma Jouika. Masara abe nako o nyawa ko yomaihorikaua manga giama de yolomo, gea duru ko idadiua inihihowono Ma Jouika.” De hokogea o Yesusu ai dodotoko ona yowoe-woeika.

Matiusu 4:1

De o Yesusu wiohiki ipahaino de ahao Ma Jou o Womaha wihihira-hira o tonaka ma kakaahaika abe genangoka ko iwa o nyawa. De Una wiao genangika la ka idadi o Ibilihi ma haeke iwitaili Unangika.

Matiusu 5:28

De gea igoungu, masara Ngohi tato ka onangua dika yahowono. Angamoi o nauru onagona dika abe womalega o nyawa manga fekatika de ai badanga ma hafini ipuda ai hiningaka hiadono woigo la yomakitigi de muna, gea imaketero dika abe hoka wahowonoka ai badangoka ngaro tanu ai hiningaka dika.”

Roma 7:13

De naa abeika ahi demo gea ma titi honganonohi. Abe ahao kangano ahi demo ma goronaka de totemo tato o hone-honenge ngohi tamake Ma Jou ai Paretaino. De ipaha ahao naga ahi demo moioli abe tato to Una ai Pareta gea irorahai dika. Ho naa tonaleha, sarakia, ka idadi Ma Jou ai Pareta abe tohiromangoka tato irorahai de genangino ma titi hiadono ngohi tohonenge? Duru ko idadiua hokogea! De gea ko ai Paretainoua abe ngohi ihihohonenge masara to ngohi ma hirete ahi howonino abe ihihohonenge ngohi. Angamoi nako to Una ai Pareta, ena gea ma hidumutu la inahimatoko ngoneino abe hokokia itorou to ngone nanga howono nanga hiningaka. Angamoi abeika, ngaro Ma Jou ai Pareta ma demo abe duru irorahai, masara nanga howono nanga hiningaka ka idadi yapake ma rorahai gea la ma bahauku de ngone hahowono. De genangino ma titi hiadono ngone hamake o hone-honenge ma Paretaino.

Efesusu 4:22

Ho gea abe inidotokoka nginika, gea ena kiani nianiiki. Ho naa ngohi tinihibehehongo nginika abe imaketero de ma dodotoko ihira-hira gea. De gea ngohi tato kiani nia hininga ma dihiraino niatingakoka hiadono nia datoro ma dihiraino ibootohi nianiiki. Abe nia hininga ma dihiraino, duru hoka o gorofu dika mata-mata, de gea ma titi nia gimono ma dorou inihirehene o howonika de inibudi la doka nia hiningaka niato ma datoro gea nidiai de ahao ma sosanangi dika niamake. Masara gea ena ma hofoko ka ma dorou dika, ho tanu nia hininga ma dihiraino gea duru hoka o gorofu dika.

Ibarani 3:13

Masara koaho o wange-wangeiye ngini nimahikokagaro ma totiaiika, la ufa ngini utu inibudi ma titi o howo-howonino hiadono nia hiningaka itogowinoka Ma Jouika. De gea ma oraha naa de imahikaika ngini kiani nimahikokagaro ka ihikaika ka hiadono ma oraha ko iwaka abe nimahikokagaro.

Yakobusu 1:13

De nako o nyawa naga yaohana o kangelaika, ko idadiua ona gea yotemo ato, “Ma kangela naa Ma Jouoka de aino wohihitaili la wato wohihiruba o howonuku.” Angamoi nako Ma Jou, Una duru ko iwa ai hininga o dorouika, ho gea itararonoka abe Una ma hirete ngaro ma hohutuloo ma ko wonahitailua de o dorou ngoneino.

Yakobusu 1:15

Ho nanga hafini ma dorou gea ka de haniiki enangika de idadioka abe hahowono. De nako ngone homahigunoa la nanga wowangoka ka ihikaika o howono haniiki, gea hohioriki ma bahauku de kiani ihihofoko de o hohonenge.