Yakobusu 1:13 - Ma Jou ai Demo-demo o Totobelohoka

¹³ De nako o nyawa naga yaohana o kangelaika, ko idadiua ona gea yotemo ato, “Ma kangela naa Ma Jouoka de aino wohihitaili la wato wohihiruba o howonuku.” Angamoi nako Ma Jou, Una duru ko iwa ai hininga o dorouika, ho gea itararonoka abe Una ma hirete ngaro ma hohutuloo ma ko wonahitailua de o dorou ngoneino.

Yakobusu 1:13 Iomraidhean Croise

Dodadi 22:1

De ipahaika Ma Jou o Abarahaama ai ngongaku wataili. De hokonaa ma ade-ade: Ma Jou wiahoko wato, “Abarahaama!” De o Abarahaama wopaluhu wato, “Ngohi naga nenangoka.”

Dodadi 3:12

De o nauru gea wipaluhu Ma Jouika wato, “Muna gea abe Ngona nohihidodiawoino, muna gea maleino de mohihidoaka ngohino o gota ma hofoko gea hiadono taolomo.”

Matiusu 4:7

De o Yesusu wopaluhu enangika wato, “Masara Ngohi ko idadiua tohingounu ani demoika gea angamoi nagali ihitulihukuoka Ma Jou ai Demo-demoka o hitiari naa abe itemo ato, ‘Ngini duru ko idadiua niwitaili nia Jou o Yaweika.’”

Yakobusu 1:12

De o nyawa onagona dika abe ngaro o kokangelaika yaohana masara ka yomatongohono ma titi manga ngongakuoka, onangika gea ahao Ma Jou wahiowa. Angamoi ona gea yomahitaanoka abe ngaro de o kangela yahitaili onangika masara gea yagou-goungu iwingaku Unangika. Ho ahao Una wahiowa onangika de manga hadia o wowango ma ngangoino ka hiado-adonika. De ma hadia gea ma dihirainohi de wonahibehehongoka ngoneino onagona dika abe hidora Unangika wato gea ahao wonahidoaka ma titi nanga dora Unangika.

Yakobusu 1:14

Masara gea tanu to ngone o nyawa homoi-homoi nanga hafini ma dorou abe inahitaili de inahiata-atara la ato inahiloara o howonika.

Yakobusu 1:2

Ahi gogianongoru, ngaro idadi abe o kangela o kia dika ma rupa niaohana nia wowangoka, ma gea ufa nia hininga ihuha, masara tanu ka idadiohi ngini duru nigarago dika, angamoi nia kangela gea tanu yataili nia ngongaku Ma Jouika la nako iputurungu eko kouahi.